傳統忌廉意大利麵 (內附食譜)

今日係母親節，過得特別啲！留在家中過。

尋日小王子打第2針 (復必泰)，暫時都冇咩野，但都係等佢休息一下。

老公見小王子打完針，所以今日午餐佢地一齊食麥當當。

我就自己煮，因為我唔似佢地食極唔肥，我一鬆懈就會發福了，所以要堅持。

我冇買煙火腿，用左雞柳代替。

傳統忌廉意大利麵

食譜來自：營養師的500卡瘦身食堂

材料：463千卡

意粉                60克

低脂芝士        1/2片

蛋黃                1隻

脫脂奶            80毫升

低脂忌廉        80毫升

煙火腿            1片

白蘑菇            4隻

洋蔥                1/4個

蒜頭                1瓣

鹽                    1/2茶匙

油                    1茶匙

做法：

1.          燒滾水，下鹽，將意粉灼熟後，盛起，用凍水過冷河瀝乾。

2.          白蘑菇洗淨，瀝乾，切片。

3.          洋蔥去衣，切碎。

4.          蒜頭去衣，剁碎成蒜蓉。

5.          煙火腿洗淨，瀝乾，切條。

6.          燒熱易潔鑊，下油，將洋蔥碎及蒜蓉炒香後，放入煙火腿條及白蘑菇片炒至半熟。

7.          加入灼熟的意粉、低脂忌廉及脫脂奶，煮至汁料開始收乾後，熄火，放入蛋黃及低脂芝士，至芝士溶掉後，拌勻，上碟，即成。

小煮意：

l   熄火後才下蛋黃，可以避免雞蛋凝成塊狀，影響外觀。

l   煙火腿跟普通火腿的分別在於有一種獨特煙熏味，先用油在鑊中炒香，可將煙熏味帶進意粉中，令這道菜更味美。

帶子鮮茄意大利飯 (內附食譜)

今個星期又煮到悶，尋晚又搵食譜書，之後預備食材。

頭先煮既時候低脂忌廉、脫脂奶忘記落食譜一半份量，因為煮我一個食。

後來我將鑊的份水隔去一半再煮。

這食譜的蛋白質唔夠，所以我自行加左雞柳，雞柳有輕輕調味。

我冇落鹹、糖，所以芝士落左差不多半塊。

雖然只落左七味粉，試味係味道係淡一點，後來加左芝士和雞柳後味道都夠了。

製作過程：

• 我買唔到脫脂芝士，所以用左約半片既低脂芝士。
• 清雞湯冇用，因為我鹹會水腫，所以都係用清水代替。
• 用珍珠米代替意大利米。
• 牛油用左低脂植物牛油。
• 番茄用左一整個細的。

帶子鮮茄意大利飯

食譜來自：營養師的500卡瘦身食堂

材料：(2人份量，每份299千卡)

帶子                  4隻

番茄                  1/3個

洋蔥                  1/4個

蒜頭                  1瓣

意大利米          2/3碗

低脂忌廉          1/3碗

脫脂奶              1/2碗

清雞湯              1/2碗

脫脂芝士          1/2片

茄膏                  1湯匙

七味粉              1/3芋匙

水                      3碗

牛油                  1/2茶匙

做法：

1.          帶子去殼，取肉，去內臟，洗淨，瀝乾。

2.          番茄去蒂，洗淨，瀝乾，切粒。

3.          洋蔥去衣，切碎。

4.          蒜頭去衣，剁成蓉。

5.          意大利米洗淨，瀝乾。

6.          燒熱易潔鑊，下1/4茶匙牛油炒香蒜蓉，放入帶子及七味粉，煎熟帶子後，盛起。

7.          燒熱易潔鑊，下1/4茶匙牛油炒香洋蔥碎，放入意大利米、低脂忌廉、脫脂奶、清雞湯及1/3碗水，煮至意大刮米乾身後，再加水，重覆步驟至意大利米熟透，加入脫脂芝士並煮至溶化，放進茄膏及番茄粒，拌勻，熄火，上碟，放上帶子，即成。

小煮意：

l   煮意大利米時，要逐少加入水份，才能令米平均吸收湯汁，米飯的軟硬度和味道才最完美。

l   除帶子外，番茄意大利米飯的絕配組合還有煎蟶子皇、豬扒或羊扒等。

薯仔蛋沙律 (內附食譜)

我都好耐冇整〝薯仔蛋沙律〞，以前都會常整，因為鍾意食又簡單。

原本個薯仔係我今晚晚餐，後來又改左另一樣，所以多左個薯仔。

人大了記性錯，所以我又唔覺意買多左排蛋。

我見有以上2樣材料，就不如整〝薯仔蛋沙律〞啦！

今日午餐自家煎牛扒，可以用來伴碟讕係靚咁，扮下野！哈~哈~

今日本來係留在家中，但明天小王子面授，食完一陣同佢出外玩下。

薯仔蛋沙律

材料：2人份

薯仔                242克

蛋                    3隻

幼鹽                1克

洋蔥                12克

沙律醬            80克

低脂練奶        10克

做法：

1.          洋蔥切成微粒。

2.          蛋烚熟，去殼切粒。

3.          薯仔削皮，烚熟，切粒。

4.          薯仔想食腍啲就烚耐一點。

5.          薯仔大小隨個人喜好。

6.          將薯仔和蛋粒放入大碗內。

7.          加入沙律醬、幼鹽、煉奶，試味，即成。

小貼士：

l   薯仔我切約1cmX1cm大小，大小隨個人喜好。

l   口味隨個人喜好調教，食譜只是參考。

l   整好可以微暖時享用，也可放入雪櫃雪凍吃。

西班牙海鮮飯 (內附食譜)

我見午餐、夜晚都係食差唔多既野，諗到頭都爆，因為係我自己煮。

我就搵下家中既食譜書，被我搵到下面個食譜，都好易整啵！

預備和製作過程都好快，而且不用技巧，唔常下廚應該都冇問題。

我冇用脫脂魚湯，只是用清水和鹽都好好味。

製作過程：

• 我用18cm平底鍋剛好。
• 我沒有番紅花，用左1/3茶匙薑黃粉代替，我試過用1/4茶匙薑黃粉都夠色，可自行調教。
• 我沒有脫脂魚湯，用左清水加1/4茶匙鹽，自己試味，鹹味我覺得夠。
• 水的份量我冇跟食譜，起初加大半碗清水，見差不多冇水就再加，間中試下飯熟未。

西班牙海鮮飯

食譜來自：營養師的500卡瘦身食堂

材料：(439千卡)

中蝦                       3隻

藍青口                   4隻

帶子                       2隻

洋蔥                       1/4個

白米                       1/3碗

番紅花                   1小束

蒜頭                       1瓣                                                          

油                           2茶匙

調味：

黑椒粉                        1/3茶匙

上湯材料：

脫脂魚湯                    1/2碗

水                                3碗

做法：

1.          中蝦去腸，洗沬，瀝乾，去蝦殼，但保留頭部和尾部的殼。

2.          藍青口及帶子洗淨，瀝乾。

3.          洋蔥去衣，切粒。

4.          蒜頭去衣，剁碎成蒜蓉。

5.          白米洗淨。

6.          將脫脂魚湯及水拌勻，成上湯。

7.          燒滾1碗水，將番紅花煮約2分鐘，取出，並保留番紅花水。

8.          燒熱易潔，下油炒香蒜蓉，放入中蝦、藍青口及帶子，炒至半熟，盛起。

9.          燒熱易潔鑊，放入上湯、洋蔥粒、白米及1/2碗番紅花水，煮上湯至沸騰，加入中蝦、藍青口和帶子，炒勻，逐少加入清水煮至米飯熟透，熄火，上碟，灑上黑椒粉，即成。

小煮意：

l   傳統的西班牙海鮮飯，在烹煮米飯時，會加入雞肉及蕃茄粒，增添美味，但今次棄用雞肉及番茄粒，是希望這道菜的海鮮香味飯主要羌更突出，而且可減低熱量。

l   西班牙海鮮飯主要着重於米飯當中的海鮮味香，所以煮這道菜時先將海鮮放在飯中煮一段時間而非最後才加入，此擧令飯中的海鮮味更香濃。

l   番紅花可以在大型超級市場和香料鋪購買。