菜乾南北杏豬骨湯 (內附食譜)

今日打小學籃球學界初賽，尋日阿Sir加操。

尋日我地和小王子食完午餐就送佢去搭車，佢約左同學仔係巴士站等，然後一齊去籃球場加操。

今日打學界，我都估小王子冇得落場，因為佢今年先加入籃球校隊，而且之前都冇打開，經驗和技術都不足，不過可以隨隊出發在我心中佢已經贏了。

今日我有到場，他們贏了，仲有一場係星期三。

尋日時間好趕，送完小王子就去街市，然後回家煲湯和預備今日的餸。

湯煲左大半個鐘又要出發去球場接小王子，然後去食晚飯。

老公話啲湯色水淡，菜乾湯係咁啵！

煲湯時已經聞到好香菜乾味，飲落啖湯好甜，最緊要小王子鐘意。

老公話菜乾好食，而且沒有沙，緊係喇！自家曬的，有錢都買唔到。

菜乾是前排另一個同學媽媽比我的，是她的爸媽自家曬。

食譜冇講重量，以下是我用材料的重量，供參考：

菜乾：45克

水：3500毫升

紅蘿蔔：498克 (連皮)

粟米：500克 (連葉)

菜乾南北杏豬骨湯

食譜來自：http://xhslink.com/o/641kC93cVtT

材料：

排骨                       1條

黃豆                       50克

薑                           3片

南北杏                   20克

紅蘿蔔                   1條

粟米                       1條

蜜棗                       3粒

麥冬                       15克

菜乾                       1小把

鹽                           適量

水                           適量

做法：

1.         菜乾沖洗後浸20-30分鐘。

2.         紅蘿蔔去皮，切件，備用。

3.         粟米去葉，切件，備用。

4.         將其他材料洗淨，備用。

5.         將全部材料加入煲內滾後，用文武火煲大約一小時，加鹽，即成。