今日時間有點緊，因為晚上要去台山，諗住與同學仔食晚飯，但唔知趕唔趕到。
早餐食咩？來到廣州緊係要飲茶喇！去間舊式酒樓，又係跟廣州Youtuber介紹去，由酒店call車去。
落車時同學仔媽媽已微信問大約幾點到台山，我將行程告知她，我盡趕。😁
观绿茶居 (中山八路店)
營業時間： 08:00-16:30、17:00-20:30
地址：富力商贸大厦29号
點心紙，有啲點心係要出去拎既。
每樣都好食，除左2樣錦滷炸雲吞，炸得燶左啲，仲有欖仁薩琪馬，沒有甜味。
普通茶位 ¥6 (每位)
紫金醬鳳爪 ¥11
珍珠咸水角 ¥11
錦滷炸雲吞 ¥11
欖仁薩琪馬 ¥6
排骨盅仔飯 ¥16
雞蛋糖沙翁 ¥6
香煎蘿蔔糕 ¥6
棉花滑雞扎 (熟籠車) ¥16
叫佢影相就合埋眼，要偷影。
飲完茶行前啲就去買西餅食，佢地食飽，唯有得一個人食。
我問店員可唔可以買一件，佢冇比面色我睇話可以，我即場食晒👍。
藍莓拿破崙 ¥1.9 (按重量計)
百穗西点 (中山八路店)
營業時間：10:00-21:00
地址：中山八路37号之五-5-6
立即call車去正佳廣場，今日重點。
職員幫我買入場卷，我比番現金佢，買左雙館聯票 (海洋館+雨林館)咁樣平啲，小王子就係售票機買就可以。
我盡量都唔用WeChat的錢，因為我唔想又要去銀去入錢，通常都係用AlipayHK，WeChat專係用來買美團。
正佳极地海洋世界
營業時間：1000 - 2200、1000 - 2130 (入园时间)
地址：广州市天河区天河路228号正佳广场2層2D126、3層3D126層
企鵝緊係要禁一個。
1) 生命之旅
3) 水母秘境
好靚
見到企鵝又要買。
4) 繽紛海洋
5) 千奇百科
6) 海誓山盟
前面有個地方幫你影相係免費，來呢到取相，但免費既相超細張，要大既就要付費，另外有個地方比小孩放電。
7) 白鯨之戀
8) 極地部落
9) 深海奇觀
呢到都係睇表演其中一個場地。
10) 海洋劇場
商店
這個館可以不用，因為沒什麼特別。
正佳雨林生态植物園
營業時間：1000 - 2200
地址：广州市天河路228号正佳广场F7层7C004室
一入門口就望到大嘴鳥，
你可以買食物餵動物。
二樓有個室外地方，有植物。
今日未飲啡，買番杯〝青青椰 ¥25〞，好飲，不過又係冰多。
store by .jpg
營業時間：10:00-21:30
地址：正佳广场1F-1G045号商铺
小王子一飲就愛上，立即話要買多杯，緊係唔好喇！再試其他野。
我地落一層再去搵食，去買野食先，小王子預備飲就成杯跌落地，又要買過一杯。
杯楊枝金露 (¥16)：加 ¥2升級大杯，杯野飲正常，沒特別。
书亦烧仙草
營業時間：10:00-22:00
地址：正佳广场M层M-C73
見廣州Youtuber介紹話好食，我緊係又去試下，不過佢唔係介紹呢間分店。
抺茶 ¥7： 小王子想要黑糖珍珠，但冇貨，有綠茶味，唔甜。
咸蛋肉鬆香芋 ¥8：我唔食芋頭，但鍾意咸蛋和肉鬆，食落唔膩又唔甜，好味。
记录余生·车轮饼
營業時間： 10:00-22:00
地址：正佳广场M层E25商铺（茶理宜世旁）
跟住又call車跟廣州Youtuber去搵食，佢介紹呢到乾炒牛河。
我order左乾炒牛河和艇仔粥，其實艇仔粥想去另一間，但果間兩父子應該唔得，因為冇冷氣，而且係橫巷內。
我仲想試埋腸粉，但兩父子都唔食，所以冇order。
乾炒牛河 ¥20：有鑊氣，味道適中，唔油膩；老公話同街邊大排檔一樣，冇特別，佢好醃尖。
艇仔粥 ¥16：兒時味道，但我叫左走魚片，仍是有魚片。
国强粥粉面(荔湾店)
營業時間： 06:30-01:00
地址：逢源路63号 (离地铁站近.在长寿路站恒宝广场出口转个弯就到了)
甜品時間到了，天氣咁熱緊係食雪糕喇！雪糕沒什麼特別，老公話食雙皮奶，雙皮奶下一間先。
菠羅雪糕 ¥12 ：有菠羅肉。
雙色雪糕 ¥24：椰子、芒果，椰子比芒果好味。
順記冰室
營業時間：1000 - 2130
地址：寶華路83號 (地鐵1號線長壽路站D2口)
想影騎樓底，但唔見有，就影下舊樓先。
間野好多人，坐到密密麻麻，好彩入去不用一分鐘就有位，不過，等野食就等左好耐。
老公雙皮奶來先，到佢差不多食完我地既才來，食物都一般，唔知點解咁多人？
南信雙皮奶 ¥16
芝麻糊 ¥13
楊枝金露 ¥23
南信牛奶甜品專家
營業時間：1030 - 2230
地址：第十甫路47號 (地鐵1號線黃沙站B口)
又話要試芝麻糊😁
食完就到影相時間了。
上下九步行街
本想係呢到call車返酒店取回行李，但四周都唔見可以停車地方，咁我就記得廣州Youtuber講過可以由荔灣廣場行過來，所以我地就行去荔灣廣場另一邊call車。
取回行李就call車去台山，好在好快有人接單，師傅到來問我地要付回程高速費，我地OK，因為咁遠路程唔係個個都接單。
8點幾上車差不多11點先到台山，途中收到同學仔媽媽微信，問在那？原來佢老公生日叫左一圍預埋我地，但我地趕唔切了。
這間酒店我滿意，比廣州好好多倍，房間大，且整潔，不過冇雪櫃，check-in時仲有2張早餐卷送。
酒店樓下就是台山步行街有好多野食，食店也多。
唯一唔滿意就係Wi-Fi，唔知點解冇左我地間房，職員上到來解決唔到，再搵多一個，佢叫我用另一間，但係咁樣咪唔安全，我講左好耐，佢地都唔太明，最後用左樓上其中一間冇人住的，過程中令我感覺唔良好。
台山天誠港大酒店（Sky Mall Hotel）
地址：通濟路18號，台山，529200
酒店樓下好靚，明晚要下來影相，小王子立即話你自己落，因為天氣熱，佢留房打機嘆冷氣。
整頓好一切就出發去與同學仔會合，同學仔媽媽講左地點，然後就call車去。
師傅話到了，我地落車四周都唔見有酒吧，咪向前行，行左一個街口都唔見，就打比同學仔媽媽，我講附近店鋪佢都唔識，叫我再call車。
一上車師傅話好近，我話我地唔識，不用一分鐘就落車，車費仲比頭先貴少少，真係激死。
原來間酒吧係我地剛才落車對面行返上少少，再行入啲就是，點解頭先個師傅唔停係門口呢？
間吧係同學仔媽媽個同學開的，已開業多年，所以小王子都可以入酒吧！
我地晚餐都未食，一去到就要飲，台山人真係好好客。
