黑糖馬拉糕 (內附食譜)

我終於搵到一個正的馬拉糕食譜，尋回小時候的味道。

我唔會再試其他食譜，我要珍藏這個食譜。

這食譜又易又簡單，不用麵種，真係超~超~超~易。

今日趁有朋友來一早就起身整，如平時整我食唔晒。

蒸既時候已經聞到酒樓馬拉糕的味道，果然冇令我失望。

馬拉糕鬆軟，唔甜，就係矮左啲，下次用個細一點的模去蒸。

朋友都讚好味，因為有剩餘，所以佢地打包左做明天早餐。

製作過程：

• 蒸蒸下先發現原來要用大火蒸，所以咁樣底部有點沉澱，之後開行火去蒸。
• 食譜用20cm蒸籠(差不多8吋)，我都有點疑惑會否太大，倒漿後真係覺大左，我諗用6吋都可以。
• 我冇蒸籠，用左慕絲圈加竹笪放底當蒸籠。

你睇下有麒麟紋，啲人話有麒麟紋就係好野。

黑糖馬拉糕

食譜來自：https://www.facebook.com/groups/592570864094832/permalink/5027826503902557/

材料：蒸籠20cm

低筋麵粉              90克

高筋麵粉              19克

黑糖                      50克

砂糖                      40克

泡打粉                  6克

吉士粉                  15克

花奶                      130克

梳打粉                  1.5克

雞蛋                      2隻

牛油                      60克

黑糖馬拉糕做法：

1.      將低筋麵粉、高筋麵粉、吉士粉、梳打粉、砂糖加入不鏽鋼鍋中，加入雞蛋用打蛋器打勻。

2.      最後加入花奶打至黑糖砂糖完全溶解，打勻後，先用保鮮紙密封好，放置陰涼處備用。

3.      糕盤加入牛油紙掃油，預備一鍋熱水蒸糕。(水足夠要蒸20分鐘)

4.      最後要蒸糕時，將泡打粉用小碗加入小量馬拉糕漿先拌勻。

5.      加回馬拉糕漿打勻，最後加入牛油打勻。(牛油用小碗預先放到微波爐加熱融化)

6.      打完放入牛油紙糕盤蒸籠，大火蒸20分鐘即成。

聖誕樹頭蛋糕 Christmas Log Cake (內附食譜)

今年不單將〝巫婆手指餅乾 Witches' Finger Cookies〞 解鎖，連樹蛋糕都解鎖了。

平安夜公司放早可以早點回家整樹蛋糕，雖然蛋糕星期日先食，但星期六要去朋友家，所以都係整左先。

蛋糕頭尾部份的下欄野由老公和小王子吃掉了，我都想試下，但當晚太夜了，感覺蛋糕鬆軟。

小王子不停話要再食，我冇理佢用保鮮紙包好擺入雪櫃。

今日有幾個朋友來我家，佢地早餐食得太飽，所以蛋糕就變左下午茶。

人人都讚個蛋糕，小王子食左2件蛋糕，只係唔食表面朱古力。

我估唔到蛋糕雪左咁多日都仲好鬆軟，唔乾。

製作過程：

• 雞蛋用溫水浸左15分鐘就用了。
• 打蛋白時，蛋白不是太細緻，有點粗糙。
• 朱古力麵糰又冇朱Sir咁光滑，又係好似豆皮咁，想放棄重做，怕蛋糕升唔起，最後都係照焗。
• 我用28cm X 28cm的正方形蛋糕盤，也剛好一盤。

聖誕樹頭蛋糕 Christmas Log Cake

食譜來自：https://www.youtube.com/watch?v=7UBq6s6fr80

卷蛋材料：焗盤大約24cm X 34cm

蛋黃                                            3隻

白砂糖                                       20克

牛奶                                            35克

低筋麵粉 (已過篩)             60克

朱古力粉 (已過篩)             6克

液體菜油                                  25克

蛋白                                            4隻

白砂糖                                       30克

卷蛋做法：

1.       蛋黃+白砂糖+牛奶用手動打蛋器攪勻。

2.       加入已過篩低筋麵粉、朱古力粉、液體菜油用手動打蛋器攪拌均勻。

3.       蛋白用廚師機高速打起，打到蛋白初步凝固有小灣勾。

4.       轉中速打蛋白，慢慢加入砂糖，蛋白打至8成左右。

5.       將1/3蛋白加入朱古力麵糊中拌勻，再加1/3蛋白拌勻，加入餘下的1/3蛋白拌勻。

6.       將麵糊倒入焗盤內，用刮刀鋪平，然後櫈一櫈平均。

7.       用150度，焗20-25分鐘。(應該放倒數第2屠)

8.       蛋糕出爐冷卻後蓋上不沾布反轉，撕去底部烘焙紙。

9.       蓋上另一張不沾布，再反轉，取走表面的不沾布。

內餡材料：

淡忌廉                                       170克

煉奶                                            25-30克

Rum 酒                                     少許 (可以不加)

內餡做法：

1.       淡忌廉+煉奶座冰水打發，打至約8成硬度便可。

2.       加Rum 酒更香，然後稍為攪勻就可以。

3.       忌廉平均抺在蛋糕表面，短身果邊向自己。

4.       用棍放在不沾布下，開始用少少力稍為壓實中間果點，然後慢慢各前卷起。

5.       不沾布包住蛋糕一起冷藏至少30分鐘。

外層朱古力醬：

淡忌廉                                       60克

70%黑朱古力                          100克

牛油                                            10克

外層朱古力醬做法：

1.       淡忌廉煮至小滾，加入70%黑朱古力中，然後座40-50度水溫中混合。

2.       朱古力溶至8-9成加入牛油，離火徹底攪至順滑，稍為放涼就可以用。

組合：

1.       取出卷蛋，然後切一部份出來做伸展出來的樹幹。

2.       切出來的部份斜切出來。(一陣貼在樹身)

3.       抺朱古力醬前將卷蛋放在適當的地方，否則之後搬動有困難。

4.       樹頭伸出來的斜邊抺上朱古力醬，貼在樹身上。

5.       將整個樹頭蛋糕抺朱古力醬，趁朱加力醬仲未凝固用叉或牙籤劃出樹紋。

6.       放入雪櫃雪硬朱古力醬。

7.       撒上防潮糖霜，加上其他裝飾。

小貼士：

·         樹頭蛋糕唔建議做得太厚，即是自行加大份量，做出來的樹頭粗，比例就會怪。

·         食譜口味可跟據個人調教，例如：

a)               a) 唔落酒可直接省略。

b)               b) 可做大人口味加少少咖啡液落去，做一個朱加力咖啡味樹頭蛋糕。

c)               c) 加Baileys或Hazelnut都可以。

兩色雪球：原味、朱古力味 (內附食譜)

前2個星期接到同事50個老婆餅訂單，做佢老公的散水餅，所以上星期五我就請假起貨。

其實，都係籍口，我自己想放下假啫！

我6點幾就開工，中午12點幾就完工兼包裝好，然後接小王子放學。

一開門小王子就話好香，跟住同我講老師話下星期聖誕聯歡會可以與同學交換野食。

我當然問佢：你想要咩？佢二話不說就話要老婆餅。

我再問佢：你要唔要曲奇丫？要，我要雪球。

上星期五下午交貨比同事，然後又去買老婆餅材料。

小王子order 40個，分給同學和老師們。

星期六早上我就晨早開工，連續2個早上一共整左90個老婆餅，整到腰都痛。

上星期五晚我就整好雪球個麵糰放雪櫃，留待尋日焗，好在尋日都請左假啫！

今次雪球整左小王子要求的原味和朱古力味，整時才知得26克杏仁粉，其餘我用左榛子粉代替。

今朝落起毛毛雨，小王子一早叫我早點叫佢起身，因為佢話要慢慢拎食物回校，比平時早左15分鐘出門口，返到學校都未上得班房，要係禮堂等到7:45分才可。

三色雪球

食譜來自：https://dessertfmtv.pixnet.net/blog/post/35539876-%E3%80%90%E4%B8%89%E8%89%B2%E9%9B%AA%E7%90%83%E3%80%91

材料：

奶油                                                    160克

三溫糖                                              35克

海鹽                                                   1.5克

奶粉 (過篩)                                    10克

低筋麵粉  (過篩)                        100克

高筋麵粉 (過篩)                          100克

杏仁粉                                              75克

朱古力粉                                          10克

表面材料：

防潮糖粉                                          150克

朱古力粉                                         5克

 表面作法：

1.       原味口味：防潮糖粉 (50克)

2.       朱古力味: 防潮糖粉(50克)、朱古力粉拌後備用。

餅乾作法：

1.       奶油+三溫糖用手動打蛋器拌勻， 再加入所有粉類、海鹽拌勻，再用手搓成團。

• ·         此時可以加入綠茶粉做綠茶口味。

2.       預熱烤箱，上火180下火160。

3.       模具舖上烘焙紙，放入麵糰整形。

4.       麵糰擀開來， 放到冰箱稍微冰一下，會比較易切。(冷凍即是放冰格)

5.       麵糰切成1.5-2公分的方塊， 放入烤盤。

6.       入烤箱以180/180度或180/160都可以，烤15-18分鐘， 冷卻後備用。

7.       餅乾表面沾上 1、2、3項即完成。

貼士：

·         杏仁粉用粗或幼都可以。

·         想有椰子香的話，可以用一半杏仁粉+一半烤熟椰絲。

·         椰絲一定要烤熟，因為雪球比尺寸比較大，不是扁平的，所以怕裡面的沒有烤過，沒有香味，椰絲烤過才香。

免費日

今日係選舉日，所以免費搭車，就出外走走喇！

之前申請左博物館的Year Pass，尋晚老公講先知原來未拎，所以第一站就去尖沙咀先。

我係Openrice搵有食就見到〝嘉寶漢堡〞，咁就食佢喇！

這間N年前老公之前講過雜誌有介紹話好食，但係葵涌果間，當時都未有尖沙咀呢間。

每星期日葵涌果間都會搭車經過2次，因為回娘家必經的，位置隔涉一直冇試。

落單後就有個機通知你取餐，有一個自助區，自己拎餐具、斟水，又有洗手機，你伸手埋去就自己出泡，然後就出水，當然係set左時間不能洗太耐，時間過左程序就唔啱架喇！。

如果你汽水和薯條就加$16轉套餐，野食整體都幾好，不過個包就細啲，我和老公食完都唔飽。

香辣煙肉蘑菇芝士牛堡 ($52)

黑松露芝士牛堡 ($52)

BBQ菠蘿雞扒堡 ($40)

我個黑松露芝士牛堡真係勁多黑松露~正丫！

下一站就去科學館拎返Year Pass，當然小王子順手又玩一陣，我比30分鐘佢，因為我地仲有2個地方要去。

離開科學館就去搭隧巴過海，途經麥當勞就入去食甜品先，因為我記得呢到有甜品站，老公想食綠茶雪糕要甜品站先有，之前去親都冇甜品站的。

當然緊係每人一杯，這是常識吧！不過，有點後悔，因為小王子食唔晒，老公話飽幫手食左2啖仔，而我幫佢食左半杯，雖然我食得落，但怕肥嘛！

炮台山東岸公園諗住下星期請左假帶小王子來，既然今日免費搭車就一家三口一齊去。

原意來係比小王子跑下放下電，點知多人到真係〝Mountain People Mountain See〞(講下港式英文先~哈~哈！)，又勁大風。

雖然多人，但小王子跑來跑去好開心，玩到天黑都唔走。

根本冇辦法影到正面，唯有影下個背脊啦！

影出來冇咁靚，緊係喇！我不是專業的。

最後一站就係去〝工展會〞，疫情前每年都來，所以今年好開心，不過就冇得食野就有點唔開心囉！

家中隻鑊想換好耐，今次最主要是來睇鑊，年尾買好過年頭，唔係要孭鑊一年唔好意頭唷！

我係天上野買一隻生鐵鑊，又送一個角落生物生鐵鍋，真係買一送一，仲幫我開埋鑊添！

今年工展會的戰利品。