紅酒燉牛肉蔬菜燴飯/牛と野菜の赤ワイン煮込みとバターライス (內附食譜)

小王子被老師推薦入學校田徑校隊，已經訓練左幾堂了。

今日要去地區選拔，不過老師話只係4-6年班有得跑，小王子三年班太細，所以只係觀摩一下。

不過，若老師覺得你跑得快就算細都會落場。

我見咁樣就係家中吃埋lunch先，食完慢慢行回學校集合。

這個真係易到不得了，完全冇技巧，預備功夫又唔多。

小王子話好食，老公就麻麻，因為佢唔鍾意用紅酒來煮食。

紅酒燉牛肉蔬菜燴飯/牛と野菜の赤ワイン煮込みとバターライス

食譜來自：https://www.youtube.com/watch?v=KlOtmJKD0Bs

材料：2人份

金寶湯義式蔬菜湯               1罐

牛肉片                                  150克

洋蔥                                      1/4個

蒜頭                                      2粒

油                                           1/2茶匙

紅酒                                      150毫升

紅糖                                      1小匙

水                                          100毫升

鹽巴                                       適量

黑胡椒                                  適量

白飯                                      2碗

奶油                                      1大匙

巴西里 (裝飾)                      適量

做法：

1.         洋蔥切絲。

2.         蒜頭一開二，再切片。

3.         牛肉片一開三。

4.         平底鍋下油，用中火炒洋蔥和蒜頭，炒到半透明，撥埋一邊。

5.         加入牛肉片，用鹽和黑胡椒調味，煎到牛肉片金黃色。

6.         牛肉片、洋蔥和蒜頭一起炒勻。

7.         加入紅酒、紅糖，煮到濃縮。

l   糖加熱到香味出來，這樣可以享受焦糖的香味，亦可中和紅酒澀味。

8.         加入金寶湯義式蔬菜湯、水，再加熱一下就可以熄火。

l   如需要可加鹽和黑胡椒調味。

l   食材都已經熟了，不用煮太久。

9.         奶油加入白飯中拌勻。

l   白飯和奶油的比例可以自己調整。

10.     白飯用碟盛起，然後淋上汁，加上巴西里裝飾，完成。

杯麵炒飯 (內附食譜)

今日下午要外出，所以要整個快lunch。

有一晚在家睇電視播緊日本電視節目，講日本大胃王的。

果集係講日本人用杯麵來炒飯，仲試左好多款杯麵。

佢地覺得泰國冬陰公係最好味的，不過，家中得合味道海鮮味，就用它來試。

當時小王子已經好想食，尋日同小王子講好今日杯麵炒飯，佢非常開心。

這個非常快攪掂，又冇難度，而且不用調味，因杯麵本身有湯，是趕時間醫肚首選。

我食左半碗到，其他都係小王子食晒，其實，份量都挺多。

小王子話好好味，我就覺得得意，但冇咩特別，下次真係要試下泰國冬陰公先。

小王子幫手敲碎杯麵。

杯麵炒飯

材料：

白飯                  200克

杯麵                  1個 (任何味道和牌子)

熱水                  適量

做法：

1.          先將杯麵倒入密實袋中，然後敲碎。

2.          倒回杯中，加熱水至杯內的水線位置，焗3分鐘。

3.          白飯倒入鑊中略炒，加入整杯麵炒勻，即可。

l   杯麵的湯和配料都要一同加入炒。

蟹柳壽司 (內附食譜)

原本plan左上星期五整，不過咁啱舊公司搵我去做Part-time，所以取消了。

尋日返埋最後一日part-time，今日就可以兌現承諾。

小王子大約12點就叫肚餓，我仲係廚房預備自己既晚餐。

尋晚煮飯煮多少少留今日用，因為我都係整左食譜一半的飯量。

我拿拿聲翻熱飯，立即開工。

我都參考Masa老師的食譜來做壽司醋，其實我都買左支現成壽司醋，但見咁簡單又自己整下。

小王子話壽司好食，我問佢元氣好食定我整既好食？佢話2個都好食。

蟹柳壽司

參考食譜：https://www.youtube.com/watch?v=yNgIcXSDUVk

材料：2條

白飯                    300克

蟹柳                    4.5條

紫菜                    2塊

壽司醋：

白醋                    1大匙

砂糖                    1大匙

鹽巴                    1/2小匙

做法：

1.          白醋、砂糖、鹽巴攪勻。

l   不用加熱，放埂室溫等自然溶化就好了。

l   一次做大量裝在瓶子保存也可以。

2.          壽司醋均等淋在白飯上，混合好。

l   一般煮米一樣比倒或水分少一點點就好了。

l   確認用熱的白飯，不然不好入味喔！

l   不要攪拌太多次，不然變成麻糬。

3.          用濕布蓋起來讓它入味。

4.          紫菜放在竹簾上，然後放上一半醋飯，有一端不要鋪上醋飯。

5.          蟹柳放在有醋飯的一端，然後卷上。

6.          等30秒後才解開竹簾。

l   此動作以作壽司定型之用。

7.          用鋒利或有剧齒的刀來切件。

迷你飯糰 (內附食譜)

小王子好鍾意食日本和韓國米，不過，老公呢2隻米都唔鍾意食。

尋晚整炒飯煮多少少，因為今日小王子午餐要食飯糰。

飯糰份量少，而且黏性不高，包來起有點難度，最後都完成了。

我是參考Masa老師的做法，餡料就自行搭配。

小王子未食完已經order定下星期一lunch都要食飯糰了。

迷你飯糰

參考食譜：https://www.youtube.com/watch?v=KbSMogPQYg0

材料：小朋友一人份

白飯                    105克

豬肉碎                13克

粟米                    1湯匙

熟水                    適量

紫菜                    適量

調味料：

牛扒汁                適量

做法：

1.          豬肉碎炒至半熟，加入牛扒汁炒至熟，備用。

2.          粟米隔去水份或炒至乾身，備用。

3.          雙手上沾上熟水，取適量白飯。

4.          白飯包上餡料，再捏緊。

5.          飯糰造型成三角形、圓形、橢圓形或你喜歡的形象。

6.          飯糰衫形：紫菜裁剪成7CM長條形，然後包住飯糰。

7.          圓形和橢圓形：紫菜裁剪成2CM長條形，然後放在飯團中間，繞飯糰一圈。

8.          即可享用。

草莓大福 (內附食譜)

大福又係我想整好耐，因為喜歡食煙芍靭的東西唷！

尋日去左〝牛気※果欄〞 小王子試過日本甜品有紅豆餡，佢好喜歡。

前日係Facebook見到有人share這條片，既然又有靚草莓，咁就整大福。

我整左4粒的份量，我和小王子各食左1.5粒。

大家都唔夠喉，個皮超軟熟，見佢咁鍾意食我都好開心。

製作過程：

• 糯米粉漿，用中火蒸10分鐘就熟。
• 粉糰我只係用膠刮就可以整到Q彈，可能我份量少，易操作。
• 我整左4粒換算到以下的數字：草莓：4粒、紅豆餡：100克、糯米粉：67克、細砂糖：33克、水：100克。

草莓大福

食譜來自：https://www.youtube.com/watch?v=7Sp3spD4UbQ

材料：6個

草莓                              6粒

紅豆餡                          150克

糯米粉                          100克

細砂糖                          50克

水                                  150克

日本太白粉                  適量

做法：

1.      草莓的蒂頭保留，不要切掉，這樣草莓比較不會出水。

2.      將紅豆餡分成6個，每個25克的圓球備用。

3.      取出紅豆餡跟草莓各一個。

4.      將草莓的尖端插入紅豆餡中，再利用虎口將草莓包起來。 

5.      包好後，露出一點點草莓的尖端以便辨別方向。

6.      全部包好後，放入盤中。

7.      蓋上保鮮膜，送入冰箱冷藏備用。

8.      糯米粉、細砂糖、水用手動打蛋器攪拌均勻。

9.      攪拌到完全溶解就可以。

10.  將周圍也用膠刮攪拌均勻，倒入較小的容器中。

11.  在電鍋倒入4分之三杯水，蒸到開關跳起就可以。

12.  蒸好後用桿麵棍沾水，開始進行搗麻糬動作，弄到麵糰Q彈。

13.  在盤中灑一些日本太白粉，將麻糬倒入。

14.  麻糬整個裹上太白粉，以防止黏手。

15.  麻糬分成6等份，取出一份麻糬，捏成圓扁形。

16.  接著取出一個內餡，草莓尖端朝下，一樣利用虎口將內餡包起來。