雞蛋仔 (內附食譜)

上個月小王子叫我整雞蛋仔，我懶一直冇理佢。

今日去BBQ咁就還佢心願，唔想用之前的食譜，我搵左個材料和做法都簡單既食譜試。

尋日執野執去BBQ，發現要拎好多野，所以放棄了。

今朝起身掙扎左好耐都係整，因為小王子想食，而且又難得咁多人幫我消滅。

食譜係用機整，所以冇時間參考，咁我就跟我之前既時間來燒。 

我以為BBQ啲火會好快完成，點知跟之前在家的時間都未得，最後都有計時，只係用眼來判斷。

朋友們都話好味，好脆，但我覺得有啲乾，可能早點離火會好啲。

製作過程：

• 我用以下一半份量來整，都整到3底半。
• 倒完粉漿要反幾次才下火，不然，型會不完整，得半圓。

雞蛋仔

食譜來自：http://xhslink.com/o/7KyRoOY09IG

材料：

雞蛋                              200克

白糖                              130克

牛奶                              200克

食用油                          100克

木薯澱粉                      40克

低筋麵粉                      280克

無鋁泡打粉                  6克

做法：

1.         雞蛋加入白糖攪拌均勻。

2.         加入牛奶和食用油，充分的攪拌均勻。

3.         加入木薯澱粉、低筋麵粉攪拌均勻。

4.         加入無鋁泡打粉攪勻，靜置20分鐘。

5.         模具掃上油，加入粉漿。

椰汁糯米糍

我好鍾意食糯米糍，但現在很難買到好食，我覺得好食就是大奧或者荃灣民豐。

大奧太遠，唔常可以買到。

荃灣民豐之前去都不怎樣排隊，最多都係前面排2-3人，但自從出了開心果，去過2次都排長龍，其實，我不是買開心果，只是買原味，要我排咁耐覺得唔值，所以掉頭走人。

之前讀ERB學中式點心，上星期四畢業了，在畢業前問左阿Sir攞食譜糯米糍食譜。

尋日我有時間就動手整，皮軟糯，帶點甜。

我一共整左10粒，都是一口Size，不過，對小孩有點大，大人就一口攪掂。

我有一粒放室溫做實驗，留返今日食睇下皮會否硬，結果是軟，但當然冇尋日咁軟喇！

阿Sir只是比左材料份量和簡單講了做法，佢話用糯米粉和清水開成糯漿，但我整唔到糯漿，將兩者溝埋就變左以下相的模樣。

我怕自己量錯份量，所以倒左，重新秤材料，但仍是這樣。

我唔理照步驟做和加入材料，最後都成功。

雞蛋仔 Chinese Egg Puff (內附食譜)

雞蛋仔、夾餅，這些街頭小食，我自小就鍾意食。

有一日翻開食譜書睇，我發現原來我係有雞蛋仔食譜。

今次假期，就試下整。

這次係用第3個食譜，應該係我最滿意的一個。

我的爐頭火力不勻，所以出來的成品變左漸變色。

雖然賣相唔靚，但味道係脆、香、美味，帶少少蛋糕質感。

我用以下份量做左一半，整到2底多一點。

製作過程：

• 我有懷疑個粉漿稀，但不要懷疑只要信，好味。
• 我只是第一次掃油，之後都沒有。
• 每邊大約燒左1分30秒。

雞蛋仔 Chinese Egg Puff

食譜來自：香港特色小吃

材料：

麵粉                100克

生粉                25克

泡打粉            1平茶匙

雞蛋                2個

砂糖                100克

淡奶                60毫升

清水                125毫升

做法：

1.         將麵粉、生粉及泡打粉篩勻候用。

2.         用木匙將雞蛋及砂糖拌勻，逐少加入淡奶及清水，拌勻後分次加入粉料中，不停攪拌成稀滑麵漿，不可起粒。

3.         將雞蛋仔模型底面兩面燒熱，掃油後注入粉漿至八分滿，蓋上蓋，將模夾緊，反轉，再置爐上，用中火底面各燒1-2分鐘至雞蛋仔離模及熟透。

4.         用叉將雞蛋仔挑出，趁熱進食。

心得：

l   新購買回來之模型清洗乾淨後燒熱，然後按以上製法做出雞蛋仔。雞蛋仔取出後棄之不要，重複2-3次，直至雞蛋仔較易鬆模型為止。

一口糯米糍 (內附食譜)

成日打開雪櫃就見到盒用剩的椰漿，好想清左佢。

尋日食完早餐就動手，整我喜歡的〝糯米糍〞，我一向都喜歡食糯米的產品。

將以前用開的食譜稍為改一下，因為之前都會有點硬。

整好後我都食左2粒，接放學時，送左4粒比小王子的好朋友。

小王子回家立即食左一粒，佢話仲要食，不能了，一粒要留比爸爸，另外2粒媽Mi要做實驗。

我將一隻放雪櫃，另一隻放室溫留，今日吃完早餐試食。

朋友仔阿媽都讚，糯米糰好香，但甜了一點。

老公和小王子都話唔甜，每個人口味不同，大家試整後再調教。

今次整左一口，一啖一粒，而且有椰絲面或糕粉面2款。

實驗結果：

• 放雪櫃的糯米糍個皮比尋日硬啲，但食落都仍是軟的。
• 室溫仍然軟身，不過餡的糖應該溶了，因食落餡咬唔到糖。

一口糯米糍

材料：10粒@22克

Kara椰漿                             116克

糯米粉                                 58克

砂糖                                     58克

油                                         適量

椰絲 或 糕粉 (飾面)         適量

*椰漿：糯米粉：砂糖 = 1：0.5：0.5

餡料：

花生 (連衣)                         30克

砂糖                                     10克

椰絲                                     10克

做法：

1.         花生去衣，然後搗碎。

2.         加入砂糖、椰絲撈勻。

3.         椰漿、糯米粉和砂糖攪勻。

l   一定要冇粒粒，如有粒粒可以用網隔至無粉粒。

4.         包好，放入微波爐叮2分鐘，取出攪勻。

l   微波爐叮完麵糰表面可能不美觀，但撈勻後就沒事了。

5.         用微波爐保鮮紙塗少許油，然後放上糯米糰。

6.         按平，包入餡料，收口。

l   麵糰可以放涼一點才包餡，咁樣會整形和易包餡。

7.         糯米糍表面沾上椰絲或糕粉，即成。

l   糕粉可將糯米粉用微波爐叮1分鐘。

咸水角 (內附食譜)

我好鍾意食咸水角，每次去酒樓都必叫。

多年前係網路上睇到食譜就跟整，而家個網址入去乜都冇了。

第一次整完post上Facebook，朋友老公好鍾意食，見到就邀請我去佢家整。

果次去朋友家中整失敗左，當時個皮太濕難包，整完出來都整唔到形，放係枱面到榻晒。

雖然放涼左都好脆、餡料少，總之失敗，攪到我幾唔好意思，當年係2009年了。

自從果次之後都冇再整，因為已失去信心。

近日盡量少出街，所以又想再整下。

今次我餡料和之前有啲唔同，因為有啲野買唔到，有啲又唔想為少少又要買，所以我改動了。

當餡料放涼左10分鐘到，我才發現忘記落甜菜脯和肉碎，立即開鑊再炒多次。

我整左12大5細，所以我送了一些比住樓下的好朋友同學仔。

同學仔媽媽都話好食，仲叫我教佢皮既做法。

製作過程：

• 我整左12個正常Size，5個細少少的。
• 正常Size：每個麵糰30克。
• 細Size：每個麵糰20克。
• 每次炸2-3分鐘。
• 我炸正常的先，不過油溫高，所以炸出來表面炸出來有黑邊泡泡圈。
• 後來炸細的有多少少時間望下，當時用最少火油溫唔高，我見炸極都唔上色，轉用中火，用筷子慢慢碌，見到佢慢慢漲大，感覺好飽滿。
• 如果炸鍋唔太大就一次過唔好放太多，因為皮未炸硬，它們會黏住的。

咸水角

                                               

材料：

糯米粉           160克

澄麵               40克

糖                   60克

豬油               40克

滾水               65毫升

凍水               125毫升

 

餡料：

青蔥               20克

甜菜脯            20克

冬菇               20克

碎肉               117克

甘筍               60克

蒜茸               2粒

 

調味料：

雞粉               1茶匙

鹽                   1/2茶匙

糖                   1茶匙

胡椒粉           少許

麻油               少許

生粉               1 1/2茶匙

水                   2湯匙

 

製法：

1.      將以上材料切成細粒。

2.      蒜茸起鑊,爆香冬菇及各料，加入調味炒勻盛起待凍。

3.      將滾水沖入澄麵中攪勻。

4.      糯米粉置盤中，加入糖、豬油、凍水同搓勻，再與澄麵混合搓透。

5.      分出粉子，包上餡料。

6.      放中火油內，炸至淺金黃色便成！

 

整後心得：

l  皮沒有彈性，所以不要包太多餡，以免會爆。

 

原食譜餡料：

韭菜               20克

蝦米               20克

冬菇               20克

沙葛               80克

甘筍               60克

蒜茸               1粒

雞蛋仔 (內附食譜)

我好鍾意食雞蛋仔， 之前都整過〝港式原味雞蛋仔〞，今次整另一個食譜。

尋晚已經整定個粉漿，因為要係雪櫃靜止一晚的。

今朝要返小王子學校聽講座，所以食完lunch先回家整。

第一底用100毫升粉漿覺得大，因為我想整細size的，後來用50毫升。

初初是不脆，但放涼後邊位就會脆。

雞蛋仔某啲帶點苦，但又不是全部，不知是什麼原因。

不過，小王子好鍾意食。

這個還不是我想要的，要再搵下或者自己研究。

製作過程：

• 第一底係模具掃油，只係一邊掃油之後就不用，用中火每邊燒30秒。
• 100毫升漿可整到3底，50毫升漿可整到6底。
• 50毫升粉漿，起初求其倒，分佈不均，之後我就倒滿格先再倒另一格。
• 第一底用中小火每邊燒1分鐘。
• 第2底用同火和時間會有點燶，之後用小火再加時間又唔上色，所以最後都係用返1分鐘，但要自己睇火。
• 粉漿沒有回溫，直接凍整。

雞蛋仔

食譜來自：https://www.facebook.com/groups/312637825854222/permalink/1214221702362492/

材料：

麵粉                        140克

吉士粉                   10克

梳打粉                   8克

木薯粉                   28克

雞蛋（大隻）    2隻

砂糖                        140克

水                             120克

花奶                        28克

植物油                   28克

雲呢拿                   4滴

做法：

1.       所有粉類全部攪勻後過篩 放一面備用。

2.       用熱水坐熱一個器皿，放入雞蛋打匀。

3.       再加入砂糖，攪勻3分鐘。

4.       順序加水、花奶、植物油、雲呢拿，全部再一次攪勻。

5.       將粉類全部過篩，逐少逐少放入(4)中攪勻。

6.       以上全部攪勻後，在一次隔篩，確保嗰醬係要滑同埋冇粒粒。

7.       放入雪櫃過夜備用。

8.       用前先再搞一搞 。

9.       先熱蛋機。

10.   倒入適量蛋漿，蓋上，左移有擺，反轉，每面1.5-2分鐘反轉。（視乎每一個機）