飛行鵝

 今日完成了，給小王子一個驚喜。

之前小王子要求我鈎這一隻，但我拒絕了，其實，我已暗地裏訂了材料。

本想鈎好做小王子生禮物，點知老公叫我鈎好比佢星期六帶埋去北上拜山，唯有立即動工。

今日放學回來見到，佢開心到跳起。

這隻改名了叫排骨，點解既呢？

之前隻茶飲套餐送鵝公仔，所以叫Goose。

我見呢隻係飛行員，咁就叫Pilot Goose喇！小王子立即話叫Pi Goo，所以就叫左排骨。

它待遇比我好，有專人蓋被。

小企鵝玩偶手工編織DIY

尋晚終於完工，送給喜歡企鵝的小王子。🥰🥰

前幾日小王子已經幫佢改咗個名，叫企鵝兵。😏😏

今次不是視頻教學，而是圖翻譯過來的，但有啲都唔識，就自己上網搵。

鈎這隻企鵝真係一波幾折，過年前已鈎個身，但唔夠黑色冷。

我等到年初六才問店家，一直冇回覆，過左2日我話用錢買黑色冷，就立即回覆我，我訂左2舊，因為要訂2舊才包郵。

之後到鈎冷帽，帽的圖比例唔啱，鈎左一半發現冷帽笠唔到落企鵝個頭，而且紅色冷都所剩無幾，問店家，最後都係冇答案，咁唯有全部要我自己計算。

我都預左冷帽係唔夠冷，唔訂費事又等，將之前米奇袋剩的紅色粗冷線一開二，所以帽有2種紅。