迷你抺茶戚風蛋糕 (內附食譜)

近日不是WFH就是No Pay Leave，在公司的時間不是太多，所以多左時間烘焙或整其他野。

雖然我常常整野食，但都有做公司的事架！我沒有偷懶。

今日整左個戚風蛋糕，本來整4吋，但4吋中空蛋糕模我得3個，唯有整6吋。

老公唔鍾意食戚風，所以我揀左抺茶味，加上有淋面，果然老公食左差不多1/4個。

我專登將淋面個漿打得稠身一點，因為怕老公夜晚回來個蛋糕會淋。

蛋糕軟綿綿，又唔甜。

迷你抹茶戚風蛋糕

食譜來自：https://allie0054.blogspot.com/2020/03/blog-post_31.html?fbclid=IwAR1FxS9_kuQNQe1WUdKlbo9yYLxQVonI3AuhMbiWVvbC706yfIWahBsuQmA

麵糊材料：(4寸中空模4個或6寸加高中空模一個)

蛋黃                                3顆

砂糖                                15g

米糠油                           15g(或其他淡味液體油)

低筋粉                           50g

抹茶粉                           5g

鮮奶                                40g

蛋白霜：

蛋白                                3顆

檸檬汁/白醋               數滴

砂糖                                20g

*雞蛋是使用中型雞蛋，蛋黃加蛋白約55g

*粉類過篩2次

淋面鮮奶油：

動物性鮮奶油            100g

鍊奶                                20g(糖量隨個人喜好)

抹茶粉                           1g

寒天粉                           0.5g

做法：

1.       用打蛋器攪打至稍微有紋路，有少許流動的狀態。

貼士：

·         動鮮不要打太過濃稠喔。

·         加寒天粉有助鮮奶油定形持久一點，沒也可以不加。

做法：

1)      鮮奶加抹茶粉拌勻；蛋黃加砂糖攪拌至糖溶化。

2)      加入米糠油拌勻，接著加入抹茶鮮奶拌勻。

3)      加入已過篩的低粉拌勻至沒有粒狀為止。

4)      蛋白先攪打至起泡泡，加入砂糖與檸檬汁 ( 糖分2次加入 )打至8分發。

5)      將1/3蛋白霜加入步驟 (3)拌勻，再倒回剩餘的蛋白霜中拌勻。

6)      麵糊倒入模內，在桌上輕輕敲兩下，放進已預熱焗爐160度焗約20分鐘，出爐後立即倒扣放涼，至模具涼透才可脫模。

7)      淋上鮮奶油，隨喜裝飾即成。

豉油皇炒麵 (內附食譜)

原本尋晚炒，但尋日3點幾先開始食，所以老公和小王子都食唔落晚餐，留返今日先炒。

小王子好鍾意食，仲食左2碗，雖然係小朋友碗，但比平時多好多。

老公話同街早餐幾蚊一包果啲一樣，仲話讚麵質好。

麵餅係街市買，所以比朱Sir的大，我煮2個都多過佢，我磅過2個麵餅有296克。

豉油皇炒麵

食譜來自：https://www.youtube.com/watch?v=zIdwsL3L20I

材料：(2人份)

全蛋麵                          4個

蔥 (切段)                     約3棵 (切去蔥頭，不要，蔥白部份粗，可一開二)

芽菜                             約60克

韭黃 (切段)                 約60克

豉油皇汁：

老抽                              2湯匙

生抽                              1湯匙

美極                              半湯匙 (如沒有改生抽)

蠔油                              1茶匙

水                                  2湯匙

糖                                  2茶匙

雞粉                              1/4茶匙

做法：

1.          將豉油皇汁撈勻，備用。

2.          大火水滾、熄火，放入全蛋麵，用筷子整散約3分鐘。

(關火/細火整散麵餅，如開火煮麵吸好多水，炒極都唔乾身，食落唔彈牙、淋。)

3.          夾起麵落隔筲基，加少許油撈勻，放置一會隔去水份先炒。

4.          用多少少油朗勻隻鑊，然後燒熱隻鑊後，將多餘的油倒去。

5.          炒香蔥、芽菜，然後用隔篩盛起。(如家用爐不夠勁，可先炒芽菜)

6.          落少許油，用中火煎香麵，每邊煎2分半 - 3分鐘，間中朗下麵。

7.          聞到麵香味就將麵反轉，麵邊緣加少少油，煎香有微焦色。

8.          轉細火，在邊邊加入豉油皇汁，慢慢落汁，夠色就收手。

(細火不易焦，每次加少少汁，汁份量可能會剩，但不多)

9.          加豉油汁小火炒約3分鐘，加入蔥、芽菜、韭黃。

(用筷子炒，如用鏟炒會容易痴埋一pat pat)

10.      轉大火，炒至聞到豉油味，熄火，即成。(需時半分至一分鐘)

(加入配菜轉大火迫出豉油香，且增加麵的鑊氣)

難忘的結婚16周年紀念日

今日係結婚16周年紀念日，但就好難忘。

今年的結婚周年係平日要返工，所以book左東涌間酒店，因為小王子鍾意入大澳。

我地諗住星期五早上入大澳，玩完就係東涌酒店住一晚，星期六先走，咁樣大家都舒服啲，

可惜因疫情要取消。

酒店住唔到，咁我地就改正日食晚飯，位都訂埋，係小王子鍾意的貓貓Cafe。

上星期宣佈6點後不設堂食，唯有將Dinner轉Lunch，我和老公仲專登請半日假去食。

左改右改，點知都難逃一刧，因之後疫情嚴重左，直頭全日不設堂食，真係灰左。

老公話唯有買海鮮回家蒸來食，放半日買埋野，洗埋攪到差不多3點先食。

希望疲情快點過去。

洋蔥牛仔骨 (內附食譜)

今晚諗住用牛扒切粒，然後炒，小王子上之都話好食。

最後老公都係叫我買牛仔骨，肉質再會比較腍，小王子會容易食。

小王子都落order要飲〝粟米湯〞，煲得既緊係落埋魚肚喇！

我仲炒左一碟仔什菇比老公，當然仲有白飯任裝喇！

洋蔥牛仔骨

材料：

牛仔骨                   297克

洋蔥                       94克

糖                           2茶匙

老抽                       1茶匙

醃料：

糖                           1.5茶匙

豉油                       1茶匙

做法：

1.          牛仔骨用醃料醃最少15分鐘。

2.          熱鑊、滾油煎牛仔骨至熟，盛起。

3.          洋蔥炒至啡色，加入糖炒。

4.          洋蔥有少焦燶，加入老抽。

5.          炒勻加入牛仔骨，炒約一分鐘，即可。

蝴蝶酥 (內附食譜)

小時候去麵包舖蝴蝶酥係我其中一樣會買的，以前一件有手掌咁多，而且我要揀燶邊。

我到而家都記得個味道，以前蝴蝶酥不是現在的咁脆和細，糖都不是太，好似食緊舊粉糰咁的。

我今次整左有掌心咁大，做法有點改左，因為老公喜歡甜。

我係步驟22-25都加左糖，但食落都唔係甜，不過，大家唔想咁多糖，就可以係22-25步驟不加糖焗。

食譜寫冷藏，初初擺雪櫃普通格，但可能我手腳慢加上天氣熱，所以個皮好快溶，唧左啲牛油出來，後來放雪糕格，情況就改善左。

如果一次焗唔晒的話，未焗的就繼續放雪櫃雪住。

今次我都好滿意，整左11件，我與老公都食左2件，其他就拎返公司請同事，而家公司WFH，少左好多人，所以夠分。

蝴蝶酥

食譜來自：專業麵包製作

材料：(約15個)

麵粉                        120克

高筋麵粉                30克

鹽                             3克

軟牛油                     15克

冷水                         85克

牛油 (夾)                100克

做法：(摺3x4x4)

1)      磅好材料。

2)     全部材料放大盆內拌勻，牛油(夾)除外。

3)     將麵糰倒出放在桌上，用手搓勻麵糰。

4)     桌上撒少許高筋麵糰，拍扁麵糰。

5)     將麵糰用保鮮紙密密包實，置雪櫃內冷藏約半小時。

6)     從雪櫃取牛油(夾)，壓薄成約2分厚的正方形。

7)     從雪櫃取出麵糰，用木棍輾大成長方形，約牛油的2倍大。

8)    牛油放在麵糰的一端，將麵糰另一端覆蓋牛油。

9)     掐實麵糰三邊開口位，收口。

10) 桌上撒少許高筋麵粉，用手將麵糰均勻地壓扁。

11)  再用木棍輾成長方形。

12) 摺第一次3層，將三分一的麵糰摺向中央。

13) 再將麵糰另一端摺疊其上，便完成第一次摺疊。

14) 用保鮮紙密密包實，放回雪櫃內冷藏約半小時。

15)  從雪櫃取出麵糰放桌上，用木棍輾薄麵糰。

16) 摺第二次4層，麵糰左右兩端摺向中央，再對摺成4層。

17)  重覆步驟15-16一次，再用保鮮紙包實麵，放回雪櫃內冷藏約半小時。

18) 用木棍輾薄麵糰成長方形，桌上撒上砂糖

19) 放上麵糰，再撒砂糖在麵糰上，用木棍輕輕在麵糰上滾一下。

20)    將麵糰兩端摺向中央，兩端再向中央多摺一次，然後再對摺。

21) 用木棍按壓一下，令麵糰稍為結實。

22)用利刀切成闊約1cm的小塊，砂糖撒在焗盤上。

23)將蝴蝶狀的麵糰放在焗盆上，再撒上砂糖。

24)放入預熱190度焗爐，焗17分鐘至底部呈金黃色。

25) 反轉蝴蝶酥撒上砂糖，焗11分鐘至上色，即成。