今日係我和老公結婚18年了，期待了今天很久了，因為我地又去Staycation唷！
我地一直向小王子透路會去邊，佢只知去街咋！呢個星期佢都有問去邊，我都係話去街。
佢亦都唔知老公今日放假，今日最大驚喜應該係小王子嘞！
趁小王子上學時，我地拍拖去睇場戲先，我地都好耐冇2個人去睇戲了。
由於睇早場，所以我可以食爆谷和飲汽水做早餐了，真係爽呀！
睇完戲再去烘焙店，然後行一陣街就回去接小王子放學了。
我已叮囑小王子小息有時間就做功課，因為放學回家就出發了。
回到家見到個細喼係到就佢就咩事，佢真係開心到彈起。
由於趕車，所以上到車才記起忘記帶水樽和相機，唯有一陣買支大水，而相就用手機影。
我地2點幾就到達酒店，登記完職員話要一小時後先可取房，就提議我地去17樓玩住先。
我地未有房key，所以要職員幫我地嘟key才可搭Lift。
小王子行晒所有活動室才選擇玩咩，全都是免費，但密室梯逃和VR遊戲都係要付費的。
遊戲房分別都適合大人和小朋友，連幾歲大BB都啱，但有2間房魷魚遊戲主題，但冇道具唔知玩咩！
小王子第一樣就係玩呢個。
乒乓波房有2間，不過小王子唔識，但教佢又唔認真學，後來我都同老公打左幾板，童年回憶返晒嚟！
投壺係韓國遊戲，小王子和老公都有投中，但我就挑戰失敗。
這間房仲有打晝片，但晝片得個樣，太輕根本不能將對手打翻的。
玩到有點悶，因為都唔多野玩和不太吸引，咁上下就落去睇下有房未。
房比想像中大，沖涼分2邊，有雨淋式花灑，另一邊就係浴缸，職員提醒因私隱問題，不要將浴室的簾打開。
洗手的地方就在厠所出面，但我唔太喜歡水制一開就好大，而手洗盤中間有好大個水塞，會彈晒水出來，攪到四周和身都濕。
開電視就會見到你和另一位住客的名，床頭有收音機啱晒老公要聽住瞓。
枱上有個盒係USB叉電盒有4個頭，可以唔駛帶咁多個插蘇。
房個雪櫃塞滿野飲，所以如果有野要雪就要拎晒出來，但問題係個雪櫃唔凍，老公話入面的飲品都唔太凍的。
除左樽裝水係免費，其他都要付費，因為小王子一入房就見到有薯片想食，上次住過一間酒店薯片係free的，我地立即話要比錢架！
小王子一飲就幹掉半支水，所以打去問可唔可以比多支水，好快就送到了。
房又得2對拖鞋，又打去問，轉頭就送來小童拖鞋和牙刷，點解有又唔早安排好呢？不過，有就好了都不要要求太多。上次住過一間酒店好貼心，每樣野都係3份。
小王子好like這張櫈，仲話呢個係佢個竇，真係比佢笑死。
Check-in時問左大約幾多點送個蛋糕，因為今晚晚餐和明早早餐都係食Buffet，會有點吃不消，我想食Dinner Buffet前送來，但職員話冇咁早，如果食唔落可以問酒店拎個盒打包回家的。
剛才等房時開始肚餓，因為趕時間都冇食lunch，去拎房Key時問可唔可以約4點送蛋糕，因為唔得就外出吃點東西先，打去餅房話OK。
蛋糕送到來對個牌有點失望，今日係我結婚周年正日，雖然訂房時我係話慶祝結婚周年和小王子生日，見到個牌就失去左今日意義了，朋友知道後立即幫我P圖，我立即開心晒！
我都明寫Happy Birthday比Happy 18th Anniversary易，咁我情願佢唔寫牌囉！
By the way，個蛋糕好好食，不過甜左一點，應該係阿華田蛋糕，不過蛋糕溶溶地，流晒汗。
食完蛋糕就外出行下，原本諗住去K11睇下Mirror個展覽，但由於演唱會發生意外，所有有關Mirror都暫停了。
我落左去地庫行左Aeon和12蚊店，跟住就去埋Donki入貨。
又未夠鐘食Buffet，就比小王子玩一陣水槍，頭先買的，即買即玩。
小王子玩水槍玩得好開心，都唔捨得落去食Buffet，話食完返上來再玩過。
我很喜歡the mair hong kong 餐廳Yumm 的員工，好快就會幫你清左枱上用過的東西，而且你影相會讓你影完先再走過，就算你示意讓他行先，都一樣等你影完才行，直得讚揚。
冷盤，野飲有石榴汁和橙汁，仲有咖啡、茶就係入口處。
熱食
我地到場見有人出去，我地又出順便影相，小王子見到有片皮鴨就話要，但片皮鴨阿姐話好似未夠鐘，問身邊同事話仲有幾分鐘，老公見一夠鐘片皮鴨阿姐周圍張望一見小王子就招手叫他，話夠鐘喇！仲比左2份小王子。
平時好少食肉的小王子都食左一塊牛，話好味，但老公就話麻麻，我冇食留肚食其他野。
甜品
減肥後食Buffet我都係主攻甜品，拎左一轉就冇再食了。
甜品覺得小款，可能有好多我都唔食，甜品一般，葡撻太重奶味，不過朱古力噴泉第一次見綠茶味。
老公想食海南雞飯，但話唔知可唔可以唔食飯？我話點解唔得。
老公猶豫左好耐，食到差不多走就出去拎海南雞飯，回來時佢笑笑口，原來剛才佢問廚師。
老公：海南雞飯可唔可以唔食飯？
廚師：梗係可以喇！仲食埋飯點掂丫！同埋食5隻龍蝦就翻本架喇！
海南雞飯廚師和龍蝦負責人都係同一個人，我聽完真係爆笑，老公仲演繹埋個語氣添！好神秘。
老公好欣賞花膠鮑魚鴨掌，整體都OK。
我又係5點幾就起身了，等埋老公和小王子瞓醒就去食早餐。
早餐分左3輪時間，有老公係到緊係揀最後的0930-1030喇！
嘩！有我最喜歡的酥皮和牛角包，牛角包我都食左3個，老公食剩1/3都比我食埋，佢話麻麻，因佢唔好，但我就覺得好食，朱古力牛角包就真係麻麻嘞！
可以自己烘多士，不過麥包係擺唔落部多士爐既，有果醬、蜜糖和牛油供你抺包。
我每日早餐就係乳酪，見有又自製一下來吃。
有有汽的水，仲有咖啡、茶就又係係入口處。
冷盤
薯仔沙律唔好食，好在拎左一舊來試，覺得唔夠醬。
中式
小王子平時唔食燒賣都拎左2次，仲話蘿蔔糕好食，都冇餡邊好食架！
我平時唔食叉燒包都食左2個，因為食物唔係好啱我食。
熱盤
仲有湯麵、奄列和熱香餅，老公話奄列餡少，熱香餅就唔好食。
小王子食完又話要去17樓玩，食完運動下先。
尋日小王子買左糖，原來係香口膠，因為上次買左以為香口膠送晒比人，今次緊係香口膠，尋日他人生第一次食香口膠。
我地check-out後行李keep係酒店，因落雨問酒店借左2把傘。
第一站去左LCX的〝Pokemon TCG 消失的異世神殿〞。
排隊玩前去影幅相先。
小王子和老公對戰，佢地都係一次玩，工作人員在旁邊教玩。
玩完我都有興趣，要用腦和計下數咁，所以買左一set回家玩。
前幾日出左去玩左 Lego Event，玩完再upload相到社交平台就可以去門市換禮物。
尋日老公拎起個喼一陣handle就斷左，頭先去左門市問，比左資料我要打去維修部問下。
