蜜汁雞下脾 (內附食譜)

我用〝蜜汁雞全翼〞的食譜來醃雞下脾，味道一樣好味。

近日這款蜜汁雞下脾每日都會出現我的Lunch Box，有日Lunch有同事經過話好香。

同事：原來係你隻雞脾，我又要一隻。

我：OK，下星期交貨。

下午佢見到我又再提。

同事：可唔可以比我帶回家吃。

我：當然冇問題，整多隻比你老公，一共2隻。

我交左貨，另一個同事都話要，冇問題，但要等下星期交貨。

兩個同事都話Super好吃，有人欣賞真係好。

蜜汁雞下脾

材料：

雞下脾                     1KG

醃料：

生抽                          60毫升

蒜蓉                          2湯匙

薑蓉                          2湯匙

紹興酒                     2湯匙

生油                          2湯匙

蜜糖                          2湯匙

檸檬汁                     1湯匙

做法：

1.       雞下脾洗淨，瀝乾水份。

2.       醃料拌勻倒入雞下脾內撈勻。

3.       放入袋中，並擠出袋中的空氣，盡量令食物袋呈真空狀態。(加壓後均勻地吸收醃料)

4.       把袋口打結放置在冰箱中醃製一日。

5.       用185度，氣炸10分鐘。

6.       反轉用185度，氣炸10分鐘。

7.       反轉用185度，氣炸分2鐘。

8.       反轉用185度，氣炸分2鐘。

貼士：

·         燒烤或入焗爐烤焗均可。

蜜汁雞全翼 (內附食譜)

小王子鍾意食大快活茶餐雞全翼，之前就買定4隻隨時整比佢食。

星期四就就拎左存貨醃定今日拿回娘家氣炸。

我用既食譜都係N年前係網上搵到的，又係冇寫低出處係邊。

若食譜主人路過可以打聲招呼，謝謝你！

每次BBQ都會醃，味道都好好味架！

今日真係好忙，一不留神雞翼尖燶左。

蜜汁雞全翼

材料：

雞全翼                     1KG

醃料：

生抽                          60毫升

蒜蓉                          2湯匙

薑蓉                          2湯匙

紹興酒                     2湯匙

生油                          2湯匙

蜜糖                          2湯匙

檸檬汁                     1湯匙

做法：

1.       雞全翼洗淨，瀝乾水份。

2.       醃料拌勻倒入雞全翼內撈勻。

3.       放入袋中，並擠出袋中的空氣，盡量令食物袋呈真空狀態。(加壓後均勻地吸收醃料)

4.       把袋口打結放置在冰箱中醃製一日。

5.       用200度，氣炸8分鐘。

6.       反轉用200度，氣炸6分鐘。

7.       搽蜜糖，200度，氣炸1分鐘。

貼士：

·         雞全翼1KG灑下2湯匙粗鹽拌勻解凍，退去其雪味。

·         燒烤或入焗爐烤焗均可。

簡易烤金沙骨 (內附食譜)

今日回娘家做節，來個大食會，大人小朋友都啱食。

其中一款就係金沙骨，這食譜我已收藏多年，但我當時冇寫低出處。

每次BBQ自己醃野食都會用它來醃金沙骨，人人都讚。

我星期四已經醃定，可能太早醃，所以顏色深左啲。

原食譜係用焗爐，我今次用氣炸鍋。

在此向食譜主人說聲〝多謝〞！每次用它都冇失手~正。

簡易烤金沙骨

醃汁材料：

海鮮醬                     20克

味醂                         10克

醬油 (生抽)             30-35克

老抽                         1/2 – 1茶匙

胡椒粉                     少許

麻油                         少許

氣炸做法：

1.          金沙骨洗淨抺乾水份，醃汁材料拌勻後，再均勻淋在排骨上。

2.          中途反轉1-2次，令金沙骨入味均勻。

3.          醃3小時以上或至入味，入爐烤之前將醃肉汁隔出來待用。

4.          用200度，氣炸10分鐘。

5.          反轉200度，氣炸5分鐘。

6.          金沙骨2邊搽蜜糖，用200度，氣炸1分鐘，即成。

焗爐做法：

1.          金沙骨洗淨抺乾水份，醃汁材料拌勻後，再均勻淋在排骨上。

2.          中途反轉1-2次，令金沙骨入味均勻。

3.          醃3小時以上或至入味，入爐烤之前將醃肉汁隔出來待用。

4.          全程上火烤共35分鐘。(爐要視乎你的烤爐大小，時間也要自己去掌握)

5.          烤至8成熟，扎醃內汁先加熱再淋上金沙骨上一起烤。

(這是我的做法，因為個汁拿來拌飯吃棒極，不然醃汁可以棄掉)

6.          烤至上色或熟透後，加適量蜜糖，用茶匙的背面抺勻，再烤一下或至自己懋要的顏色。

奶油多‧奶醬多 (內附食譜)

尋日家中剩返2塊包，條邊就用左來整〝氣炸麵包條〞，餘下的晏啲整西多士比小王子食。

尋日冇整到西多士，我今日都整西多士，變整老公鍾意既奶油多，加多款奶醬多。

不過，老公和小王子都唔鍾意食奶醬多，我就覺得冇咩野。

氣炸同用多士爐一樣咁好食~正！

奶油多‧奶醬多

材料：

無皮方包                                2塊

植物牛油                                適量

練奶                                        適量

果醬                                        適量

做法：

1.          無皮方包一開4。

2.          方包一塗上植物牛油。

3.          用200度，氣炸3分鐘。

4.          再塗多次植物牛油。

5.          然後塗練奶或果醬，即可。

薑蔥豬扒 (內附食譜)

我每天lunch都煮雞上脾，好多同事都發現我食左好耐，所以我就攪攪新意思。

薑和蔥我都不喜歡吃，但我小時候好鍾意食白切雞時點熟油薑蔥豉油，仲會用來撈飯食。

我靈機一足就不如用來醃豬扒，上星期開始試。

味道幾好，老公試食都話OK，所以我今個星期繼續。

醃和食既時候都令我諗起白切雞，因為exactly係果陣味，好懷念小時候。

薑蔥豬扒

材料：

梅頭豬扒               180克

薑                               23克

蔥                               17克

調味料：

糖                               1湯匙

豉油                          1湯匙

紹興酒                     1/2茶匙

做法：

1.       梅頭豬扒洗淨，瀝去水份，備用。

2.       薑去皮，磨蓉。

3.       蔥去根，用刀拍蔥白地方，然後切粒。

4.       將薑、蔥和調味料加入梅頭豬扒醃一晚。

5.       用185度氣炸7分鐘，反轉185度氣炸7分鐘，即成。

叉燒醬雞上脾 (內附食譜)

上個星期已經整呢款味，但味道唔夠，今個星期再整。

每日lunch飯盒都一隻雞鎚，同事都認得我個飯盒。

如果雞上脾大隻就要氣炸耐啲，最好在雞脾上介幾刀入味易熟啲。

叉燒醬雞上脾

材料：

雞下脾                 880克 (6隻)

調味料：

叉燒醬                 3湯匙

海鮮醬                 3湯匙

糖                           2湯匙

豉油                      1湯匙

水                           1湯匙

做法：

1.       雞下脾洗淨瀝去水份。

2.       調味料放入碗內攪勻，倒入雞下脾中，醃一晚。

3.       用185度氣炸10分鐘，反轉185度氣炸10分鐘，即成。