Day 8 ：甲子園、難波
今日得一個節目，就係去〝KidZania Koshien (キツザニア甲子園)〞，研究左好耐，又上網爬文，終於等到今日。
我係網上預訂，訂既時候搵埋識日文既同事一齊訂，真係怕訂錯。
訂完又搵之前係日本做過野既朋友幫手睇內容細則，因為早場開9點，我網上爬文話要好早去報到，官網又話8點半要到。
最後我地約8點半報到，然後去排隊，都已經成村人到左，我地仲係排尾3、4，不過，都入到場既。
今朝係Lalaport內甲子園職員問我取預約紙時不見了，我同老公立即望落去樓下地下有張紙，我立即飛奔去取回，應該頭先比護衛問路時唔少心跌左。
只係去一次賺到既錢係唔夠錢買野，所以果到可以幫小朋友開個銀行戶口儲錢。
入到去有些工種係打工後有錢，有些係要付款先可以玩，有啲玩完製成品自己食番。
********************************************************************************
尋晚係7-11見到就立即買，日本好少7-11，加上網推話好食，我鍾意食蛋。
黎明話齋唔可以空肚食早餐，今早試左冇乜特別。
今日7點就出門，因小王子8點半要去報到打工，又係要抱佢出門口。
諗住去到甲子園站出面間麥當勞食，但又夜瞓早起，再食熱氣野怕頂唔住，就去左就近的〝花丸軒〞，又係比左3個位我地，小王子又可以瞓得舒服啲，仲貼心比埋兒童餐具。
呢到有個年長既店員比較cool，我影相佢唔多like，見佢反應應該唔想上鏡，不過，我都影唔到佢。
Hanamaruken Namba Hozenji 花丸軒 難波 法善寺店
地址：〒542-0076 大阪府大阪市中央区難波１丁目２−1
營業時間：24小時
我見到紫菜有字好得意〝嘩〞出來，佢立即望住我，我話〝So Cute〞，講完先記起應該講〝Kawaii〞。
我覺得個麵好食，不過，老公與我order的名不同，但出來都是一樣，只係份量double左。
這裡係由正門入，側門出的，請留意丫！
出左甲子園站出口有2個，一個係左邊，另一個係前方，出前方就對，出閘後一直行就會去到LaLaport，商場未開，所以出面閘有個護衛看守。
過左護衛向扶手電梯上，向前行就有個甲子園職員，比個預約紙佢睇，睇完自己keep住，入去商場靠左行，行一段路就見到有門口，入去落下一層出左去，靠右行聽聲就會搵到。
今日又係有學生團，所以好多人，不過，唔多覺有香港人或講國語的人。
KidZania Koshien (キツザニア甲子園)
地址：〒663-8178 兵庫県西宮市甲子園八番町１−１００ ららぽーと甲子園
營業時間：0900 - 1500 (第一部份)
1600 - 2100 (第二部份)
車程 (24分鐘)：大阪難波(近鐵‧阪神線)(阪神なんば線快速急行：神戶三宮(阪神線)行)→尼崎(直通阪神線)→甲子園
第一場入埸流程：
1) 早上8:30報到
2) 取Pass(得一個，求其一個掛住)、地圗、$50 (甲子園貨幣)、工作卡
3) 排隊 (等入場)
4) 入場 (夠鐘)
一入門口見到吉祥物，小王子立即要影相，仲勁鍾意。
打工流程：
1) 每次去打工都要到店比工卡報名，有時段分。
2) 工作人員會在卡上填上資料，見到有相機標誌，代表這工作完成，大會會幫你影相留念，當然要比錢買。
3) 有些工作前要用付款(甲子園貨幣)，有些就打工後就會發工資，並且有張卡仔比你。
備註：
不要諗住報左一個工作，再去報另一個，因為如差不多開始就Keep住你張卡，所以唔可以再去排另一個，就算冇keep你張卡，其他工作都係同一個時間開始，或者有些工作需時耐啲，你都係夾唔到時間，所以每次只可以報一個工作。
唧雪糕：第一份工，聽講解，這份工要比錢先可以玩，沒有人工。
職員示範點樣整，這班日本哥哥好照顧小王子，雖言語不通，都同小王子傾計。
完成影幅相先
御下工衣，慢慢享受自己親手唧既雪糕。
油站：第2份工
一齊聽講解
好認真工作
抺車仔
終於有糧出喇！
報名做消防員
等齊人，講解後，就落樓下著衫。
上車出發喇！列隊，救火~
又有糧出
報名做程式編寫員
著袍等開工
今節得4個人，有2張枱，所以阿仔一個自己上一班，後來又開班，又合2為一，讓返一張枱出來比人。
開心速遞員，等緊開工時，咁啱頭先消防員領班過來上班。
今次體驗做過步兵收和送件，又坐車去送件。
步兵去收件
夠鐘開餐喇！小王子話要食Pizza，而老公就行下搵其他野食。
Pizza-La Express：叫左個B餐，有一件Pizza、薯仔和飲品。
Bセツト (￥750) 稅入
Sなつちやんオレソヅ
SテリヤキチキソPH
Schau Essen：キツズドツグ (￥350) 一隻熱狗
食完就去做埋最後一份工了。
製成品，仲有本開發資料比你。
其中4份係有得影相，我全部買下，相會擺係近入口位置，分左工作，你自己去睇下，￥1200一張。
臨走都要同吉祥物見面。
入去高島屋買野，但家長唔可以入，頭先窗外望過，最平都要百幾蚊，打工每次都係比幾蚊，邊夠錢買，唯有keep住先。
第一場3點完，出返去又食過。
Butter甲子園
地址：〒663-8178 兵庫県西宮市甲子園八番町１−１００ ららぽーと甲子園1F
營業時間：1000 - 2100
一入店就賣麵包，係我鍾意食既種類，行入去坐低叫左野食，就問店員可唔可以出去買麵包，只要買完立即付款就可以拎埋位食。
ストロベリーデニツツコ (￥302) 稅入
4種のフルーツデニツツコ (￥345) 稅入
クロワツサソ (￥194) 稅入
ふわふわ2Pクラツツク (￥1004) 稅入，未食過厚pancake，所以叫來試下，食落都係冇特別。
キシズパソケーキ(￥734) 稅入：自己係pancake上面晝公仔，小王子掛住玩電話，唯有由我動手。
我地又返去難波了，因為要去小王子每日都問幾時去的地方，就係〝Round One〞，小王子第一次入機舖玩。
Round One 運動遊樂場 (ラウンドワンスタジアム 千日前店)
地址：〒542-0076 大阪府大阪市中央区難波１丁目３−1
營業時間：24小時
車程 (22分鐘)：甲子園子(阪神本線快速急行：近鐵奈良行)→尼崎(直通阪神線)→大阪難波(近鐵‧阪神線)
打完機就向夾公仔出發。
頭先夾夾下有2個日本男仔又來夾，佢夾左一陣叫職員求助，當佢夾到，我立即好高興大叫。
佢地就唔走，見我地夾唔到，佢又搵職員溝通，之後我地都夾到，跟住大家Say Bye Bye。
最後仲送左個小玩意比小王子。
小王子又返落樓下打機，之前見佢睇You-tube有睇過，不過，佢唔識玩。
又返上去夾過，又係夾唔到，我走去搵返頭先位職員，然後又夾到喇！
小朋友6點要離開娛樂場所，開心玩完就去心齋橋配眼鏡喇！
我配左一副都係￥5000，所以老公都配一副。
價錢幾多，其實睇下你揀幾多錢既眼鏡框，因為眼鏡框上的標價已經包鏡片，又包防藍光，如果想要全視線就要加多￥5000。
J!NS 心齋橋店
地址：〒542-0085 大阪府大阪市中央区心斎橋筋２丁目８−8
營業時間：1100 - 2100
要半小時後取貨，所以就去食之前網上熱爆既和牛三文治，未到諗要唔要排好耐，去到一個人都冇，可能地點問題，都遠離旺區。
特撰国產牛ヘレカツサド (￥2800) 未稅：牛肉嫩，又有肉汁，好味。
1571 心斎橋サンド
地址：大阪市中央區東心斎橋2-4-18 ヒットワンビル1/F
營業時間：1800-0500（星期日休息）
餐牌
回去取眼鏡
這間立食牛上次都來過，食過番尋味，即叫即切即煎，又唔貴。
今次發現有4張高椅可以坐，手快有手慢冇。
Ikinari Steak Hozenji いきなりステーキ法善寺店
地址：〒542-0076 大阪府大阪市中央区難波1-5-23 法善寺タウンビル 1Ｆ (地下鐵難波站14號出口步行約2分鐘)
營業時間：1100 - 2300
備註：1100 - 1500 (午餐僅限平日)
我地叫左一個飯和湯。
スープライスセツト(￥350) 未稅：湯
ライス (￥200) 未稅：飯
リブロースステーキ 289g (￥1994) 未稅
ヒレステーキ 200g (￥1800) 未稅
今日小王子打工賺來的錢和物品。
