法式香草蕾絲餅乾 Lace cookies (內附食譜)

我再為小王子打氣，尋日一早就已經整好左個粉漿，因為老師話有時間最好將粉漿熟成一晚。

我唔知係咪熟成得太耐，熟成左一日有多，所以第一轉夠鐘，但打唔開，後來老公來幫手才開到，見到2塊餅乾黏住部機，而且爛左唔完整，慢慢整返黏住部機既餅乾。

第2轉就沒事了，唔通要噴下油？

小王子問我咩味咁香？我話我整緊餅乾。

整好立即話要食，但要放涼先，之後不停問我食得未？

一食就2塊，佢仲想食，但係要留返明天與同學分享。

法式香草蕾絲餅乾 Lace cookies

食譜來自：https://www.youtube.com/watch?v=9p1IFJzeCUY

材料：

細砂糖                       100克

雞蛋                          100克

無鹽奶油                  50克

低筋麵粉 (過篩)       100克

鮮奶                          50克

香草莢醬                  2~3克

做法：

1.         全部材料都要常溫。

2.         無鹽奶油煮至溶化，關火。

3.         加入砂糖、鮮奶、香草莢醬、雞蛋、低筋麵粉用手動打蛋器攪拌均勻。

l   是液態麵糊。

l   不要結粒，如果結粒就過篩。

4.         冷藏一小時。

l   如果唔趕時間熟成一個晚上，待第2天來整作，溶合度會更好。

5.         麵糊裝在唧壺內，將麵糊唧入鬆餅機，烘2分鐘。

比利時烈日鬆餅Liege Waffle (內附食譜)

今日係小王子第三學期考試第一日，所以懶左好耐的我的起心整茶點比佢，為佢加油之餘也為自己加油。

尋日諗住整曲奇或者蛋糕仔，整過的食譜又唔想再整，又搵唔到新食譜，就被我發現呂昇達老師的窩夫，我部窩夫都好耐冇用，就決定整窩夫。

之前係台灣買的珍珠糖差不多用晒，我買的是大粒〝4號珍珠糖250克〞，台灣的比香港平。

小王子已經試食左，仲好鍾意，帶左3隻落補習社，請同學和補習老師。

佢話要留起左2件比自己，其餘的就明天拿回學校與同學們分享，順便為大家加油。

我也包裝好了，希望同學仔們會喜歡。

製作過程：

• 我是用Bosch MUM5，用最慢速度打3分鐘，我用2速。
• 轉中速時，我就用4速。
• 攪完個麵糰都冇老師咁挺身，用5速再打2分鐘，麵糰冇咁軟，但都冇老師的挺身。
• 今日微落雨室溫是26-26.5度。
• 我用左焦糖代替楓糖漿。
• 我用豆奶代替鮮奶。
• 我用左2隻蛋，共106克。
• 我的蛋多左少少，所以鮮奶就落左146克。
• 這配方做到16個 (60克)，1個(54克)，一共17個。
• 我用的是大粒珍珠糖，下次用小的就可以。
• 珍珠糖不用整個麵糰沾上，頭2個整個麵糰沾上珍珠糖，但太多烘時會掉出來~浪費。
• 表面和底部沾就可以，或者只是表面也可。

比利時烈日鬆餅Liege Waffle

食譜來自：https://www.youtube.com/watch?v=9p1IFJzeCUY

材料：17塊 (60克)

低筋麵粉《菓子粉》    500克

乾酵母                      5克

鹽                              5克

砂糖                          50克

楓糖                          20克

雞蛋                          100克

牛奶（室溫）           150克

無鹽奶油                  200克

珍珠糖                      120克（可不加）

 

做法：

1.         全部材料都要常溫。

2.         全部材料加入鋼盆中，用最慢的速度攪拌3分鐘。

l   用液態糖會令鬆餅保濕比較好。

3.         轉中速4分鐘。

l   狀態有一點點筋性就夠，不用筋性太強。

l   用低筋麵粉做的鬆餅麵糊有一點筋度出來就好了。

l   有一點薄膜毫可以，不用筋性太強。

l   麵糰表面有點粗糙的。

l   麵糰是黏黏的，可以用手粉、噴油或橄欖油避免黏手。

4.         蓋上保鮮膜放室溫發酵60分鐘，室溫溫度26-28度。

5.         麵糰分割60克一份，表面沾上珍珠糖。

l   一口鬆餅每個麵糰分割15克。

l   一口鬆餅不用沾上珍珠糖。

6.         放入鬆餅機烘5分鐘。

l   一口鬆餅烘3分鐘。

抺茶紅豆鯛魚燒 (內附食譜)

今日老公同事來，我終於可以試下整鯛魚燒。

午餐和晚餐都係由我煮，鯛魚燒係lunch時吃。

食晒野，但碗仔翅有剩要用盒裝起。

我先記起鯛魚燒未食，因為個盒裝左鯛魚燒。

抺茶紅豆鯛魚燒

食譜來自：百變窩夫機加蛋版

材料：8件

全蛋液                        110克

砂糖                            20克

鹽                                1克

鮮奶                            50克

低筋麵粉                    100克

抺茶粉                        3克

泡打粉                        3克

葡萄籽油                    15克

紅豆蓉                        50克

做法：

1.          紅豆蓉分成8小份，搓成長條狀，備用。

2.          全蛋、砂糖、鹽、鮮奶拌勻至溶化。

3.          加入已過篩的低筋麵粉、抺茶粉與泡打粉拌勻。

4.          加入葡萄籽油拌勻。

5.          將麵糊倒入鯛魚烤盤約1/2滿，加入紅豆蓉，再於表面倒入麵糊蓋過紅豆蓉，蓋上蓋子，烘烤4分鐘即可。

椰香杯子蛋糕 Coconut Cupcakes (內附食譜)

我部V仔塵封左好耐，近日有個同事都有部V仔機，佢話想買模版，咁就撩起我想將它解封。

之前都有講過點解我要封起部V仔，所以都唔特別講。

今日再拎它出來又覺得幾方便，不用開爐已經有蛋糕食。

我用既時候，唔多覺有電流聲，但老公走入廚房話好似有燶味，我話邊有啫。

老公都係好擔心，因為始終要用變壓器，仲話早叫你唔好係日本買架喇！

今日一用我對它信心大左，可能之後會用多啲。

全程用手動打蛋器就可以，真係超方便啊！

蛋糕上的是牛油糖霜做法：牛油糖霜。

牛油糖霜，我只用左一半份量就足夠了，不過，梗係要睇下你唧個花幾大和咩花。

製作過程：

• 我整左28個。
• 黃砂糖，我用左咖啡糖。
• 葡萄籽油，我用左芥花籽油。
• 3.5分鐘覺得唔夠色，我改4分鐘。

我就係用呢個唧咀。

椰香杯子蛋糕

食譜來自：百變窩夫機加強版

材料：24個份量

全蛋液                           110克

黃砂糖                           50克

椰漿                                60克

低筋麵粉                      110克

泡打粉                           4克

葡萄籽油                      40克

椰絲                                35克

飾面：

牛油糖霜                      適量

做法：

1.       全蛋液、黃砂糖、椰漿拌勻至糖溶化。

2.       加入已過篩的粉類拌勻。

3.       加入葡萄籽油及椰絲拌勻。蓋上保鮮紙，靜置鬆弛30分鐘。

4.       將麵糊於烤盤中，蓋上蓋子，烘烤3-3.5分鐘。

5.       隨個人喜好擠上牛油糖霜或直接享用。

法蘭酥 Pizzelles (內附食譜)

今日早上5點幾醒左，因肩頸、頭痛，碌到7點幾都瞓唔返，起身做阿茂，但要簡單和快，咁就整〝法蘭酥 Pizzelles〞，個粉漿不用15分鐘就完成。

小王子被香味弄醒，不過，試食左話唔好食，我都試食左，亦都諗到點改食譜，但要落街食左早餐先。

回家立即動工，食譜更改後，小王子食完一塊又塊。

食完lunch就外出與小王子一齊去辦點事，攪左差不多成個下午才回家，真係攰死了。

部V仔係日本買要用變壓器，個變壓器又有電流聲，所以打左入冷宮，自此後都唔會係外地買電器，不過，今日用左另一個插頭就好啲，希望日後多用。

這個食譜食時唔覺甜，食左一陣先會有甜味出，以小王子和老公口味可以再加糖份。

整完會發覺部機好多油，而且要自己留意下焗既時間，我整左細塊比小王子，所以粉漿少啲就不用2分鐘，可以中途打開睇下。

法蘭酥 Pizzelles

材料：

無鹽牛油                50克

全蛋液                    50克

砂糖                        35克

低筋麵粉                70克

泡打粉                    3克

做法：

1.          無鹽牛油隔熱水座融。

2.          全蛋、砂糖拌勻至溶化。

3.          加入牛油溶液拌勻。

4.          加入已過篩的低筋麵粉與泡打粉拌勻。

5.          將麵糊裝入擠花袋中。

6.          擠入適量麵糊於烤盤中，蓋上蓋子，烘烤2分鐘即可。

一口酥 (內附食譜)

今日有時間再整多款先，小王子一口氣食左幾粒。

雖然佢咁鍾意食，但我未必會再整，我覺得個火牛好危險，因為要加轉插，可能個轉插細，唔多穩咁，又聽到啲電流聲，下次都係唔係外地買電器，因為電壓唔同。

原食譜係〝咖啡一口酥〞，但我改左做原味，只要你加3克即溶特濃咖啡粉，將低筋麵粉變97克，就可以變做咖啡味。

一口酥

食譜來自：百變鍋夫機 (加強版)

材料A：

低筋麵粉                    100克

奶粉                            5克

泡打粉                        2克

鹽                                1克

糖粉                            35克

材料B：

無鹽牛油                    50克

全蛋液                        25克

做法：

1.          先將粉類過篩，把所有材料A拌勻。

2.          加入冰凍牛油於材料A中。

3.          用手將牛油捏碎與粉類拌勻如麵包糠狀。

4.          加入全蛋液拌勻成糰。

5.          用保鮮紙包好，放進雪櫃冷藏30分鐘。

6.          將麵糰分成24份，每份重約8克，搓成丸子。

7.          放入格子烤盤中，蓋上蓋，烘烤3分鐘即可。

小貼士：

l   牛油必須保持冰的。

l   加入全蛋液後，不要過度攪拌，以免粉糰起筋影響鬆餅口感。