Better Together Creative Festival 同創‧童樂教育節

原本今日係休息，但尋日小王子又話想出去，等我上網睇下先。

我係網上睇到有人介紹PMQ有event，咁就呢到喇！

不過，我心有點擔心唔好玩，因為上次Lego係PMQ搵左個event唔好玩。

好在，小王子都鍾意玩，有啲遊戲都玩多左次。

全部遊戲都係免費的，玩完chop印仔換禮物。

Better Together Creative Festival 同創‧童樂教育節

日期：8月13日 - 8月21日

時間：11:00 - 19:00

地址：PMQ元創方地面廣場

入門口取遊戲卡，然後寫隊名，因為要2個人合作先有印仔。

層層疊：我同小王子一齊去挑戰，只要砌到3層就可以，呢個都玩左2次。

齊滾球：個盤好重，個球由2字開始，碌到去星星就攪掂，中途有洞會趺左落地。

一齊玩

齊跨過

咁啱有個小朋友等緊partner，被小朋友邀請一齊玩，小王子係好大哥哥照顧小朋友。

同進退：同小王子每人擲骰子行步數，有啲地方有任務，小王子都做左2次任務，起初小王子快過我，但我後來居上贏左。

齊築橋：只要一齊砌積木，然後跨過張枱就可以。

聽三關：一個蒙眼，聽另一個指示，職員加左難度放左2張櫈，櫈的位置不能擺符號。

「字」信心：限時內併出5個生字，時間好似係5分鐘。

小王子要玩多次〝層層疊〞。

〝同進退〞有2個，這個玩法唔同，係我擲骰，小王子去行步數。

儲晒印仔，可以去換禮物。

拎左禮物可以返屋企砌個吊飾。

仲有張彩色貼，可以貼係個board到，職員話貼完就係一條好靚既彩虹。