尋晚一家三口去左機場博覽館睇〝謝安琪 X 方晧玟〞，成點先回到家，睡時都差不多2點了。
今日小王子約11點先起身，求其食左早餐就算，因過多陣又食lunch。
今日暑假第一日的第一彈就係去屯門玩，原本諗住在家食埋lunch先出門口，但怕回家時會塞車，都係去到先食。
由於臨時變陣，見就有車就拿拿淋出門口趕車，由家去屯門要個幾鐘，miss左班車又晏了。
我plan左去屯門公園玩完先食lunch，一落車小王子就話肚餓，唯有醫肚先。
搵食時無意中經過見到〝& tmR〞，小王子睇左餐牌話OK，咁就它吧！
可以掃枱上QR Code落單或到櫃台人手落單，餐包一杯飲品，有啲飲品當然要加錢喇！
有位職員行過將個order機放係枱上的QR Code上，之後見部機震一震，可能係要咁做，職員先知餐送到那裡。
肉醬意粉 $73：小王子成碟食晒，只剩少少肉，佢連蒜蓉包都食埋。
芝士牛肉煙肉漢堡‧薯條 $69：漢堡與坊間一樣，但薯條炸得好脆、好味。小王子話同麥麥唔同，呢啲係薯仔，我話麥麥都係薯仔，但幼啲。
我本想order〝日式咖哩炸海鮮鮮菇糙米飯〞，但見個炸物好似係魚，落單前問職員係魚，咁我就轉左食漢堡。
點知送餐時係〝日式咖哩炸海鮮鮮菇糙米飯〞，我有點愕然，因為我一家都唔食魚，職員問了經理可以轉，但我食既漢堡係平啲，不過店家沒有退回差價給我，我見幾蚊就算。
小王子好鍾意呢間，下次都會再來。
今日真係好熱，而且趕出門，忘了帶毛巾比小王子抺汗，索性在商場玩就算。
ZA Bank係屯門市廣場有攤位玩，之前係奧海城，但要返學，所以冇去玩。
左邊係商店有產品出售。
屯門市廣場
日期：2022 年 8 月 11 日至 8 月 23 日
地點：屯門市廣場 1/F 中央廣場
開放時間：中午 12 時至晚上 9 時（免費入場）
Rainbow ：拋彩虹，唔知點樣拎獎品，見有啲人有，又啲又冇，見中左彩虹都冇獎，例如我咁中左都冇，不過，一定有〝勁抽集氣劵〞。
我見這獎品係環保餐具連盒，中左我都唔要，之前已送左好多比人。
小王子玩完拋彩虹唔等我玩就走了，我行均全埸搵左佢幾分鐘，原來係呢到排隊。
Waffle：呢到我冇玩，波拋在有顏的位置，但唔知要幾多個才贏。
Ring：這個拋圈好難，要圈中3架的士，但唔知係咩獎。
Teeth：不要打掉左上角的牙，一共有8隻，8個豆袋。
小王子快、狠、準，眨下眼就完成任務有一條小毛巾獎品，我見到冇咩人拎到獎品。
Pinball：要好大力先拉得動彈杆，不過若你個沒彈不出去趺回彈杆處都當一次，每人好似有5次機會。
POT：這個有5個球，要有3個係桶中就有貼紙獎品。我5個都彈返出來，小王子就有4個，貼紙我地退回工作人員。
Battle：玩就有口罩套，可以同人或電腦對戰，只要按著燈地方就可以。
今日的禮物。
由2點幾玩到3點幾，然後去排隊抽獎，見好長龍等等下就叫小王子繼續去玩攤位，我自己排隊。
排隊途中聽到有人問職員，原來每人只可以用5張〝勁抽集氣劵〞，而家有20張都只可以用到10張。
本想多左的比人，但小王子話想再來，咁keep起先。
前面位太太同我講每人有3次機會的，如果第一次夾唔中，都仲有2次。
我地都夾中，但中的獎品唔吸引，免費的冇所謂喇！
抽獎排左2個幾鐘，所以什麼地方都沒有去，下次早啲再來。
玩完去左Donki行一陣，肚餓每人買左個飯糰，小王子喜歡的牛肉冇晒！
最後揀左蟹棒沙律試，佢話又多個選擇了。
舊同事知我入左屯門，佢回家前都過來搵我傾左一陣。
剛走左架車，好攰係巴士站等就算，唔行了。一陣老公來接車，再去買晚餐。
沒有留言:
發佈留言