今個月初老公既小學同學結婚，佢地見返好多舊同學，咁就促成這次既BBQ聚，除小學同學外，我仲有叫埋肥仔一家人去，還有一個小學老師添！
我地去其中一個同學既親戚開既農場玩，農場係可以外人去，但我地玩既野有啲係冇，所以就農場唔開名了。
今次最少有20幾人，因為大家都有家庭，小朋友玩得好開心，又滿足，今日有好多經驗平時都體會唔到。
農場可以摘士多啤梨
Pizza爐好靚丫！係農場自己砌。
我係芝士控，緊係要加好多芝士。
入爐喇！
香脆好味
食飽就行下，有專人介紹農場，好多小麥 ，仲有稻草人，都係第一次見。
部機仲可以運作架！將小麥放入去，就會脫晒出來，小朋友玩得好開心，玩到頭髮都有穀。
然後就拎去呢部機將穀脫殼。
