今日係小王子學校的教師發展日，即是提早放聖誕假。
我趁此機會就同小王子北上玩，因為應該其他學校未放假。
上次同學仔在國內可以用自助過關，所以今次就帶小王子去採指模，咁下次就可以行自助通道。
福田口岸過關後搭𨋢上3樓，然後向往香港方向，行前頭頂有3個牌，跟左手邊的去就可以去做指模採樣。
今日冇人，門口取籌號，幾秒就入去了。
手續超簡單，申請人的回鄉卡，未成年就家長簽名，不用30秒就完成。
小王子想去〝星際傳奇〞，所以我就揀左卓悅匯。
上次去〝海山公園〞，我試左〝Blue Wolf Coffee〞，隔離就是〝十日淡〞已經想試，今日就係〝十日淡〞食早餐先。
DECAMERON十日淡
營業時間：0730 - 2130
地址：中康路126號卓悅匯購物中心L1-38号(b座寫字樓東側)
咖啡沒什麼特別，我的牛角包都係一般，而小王子的蛋糕就好味，不過佢食剩個朱古力外皮，因為朱古力有點苦，但我喜歡。
卡布奇諾 (Grande)：¥33
杏仁開心果可頌：¥18
摩卡可可樹桩：¥38
又唔正經影相
走既時候先發現門口有棵聖誕樹。
食飽就去搵星際傳奇，小王子講左今次要去，可能時間尚早，所以冇咩人。
星際傳奇
營業時間：周日-周四 10:00 - 22:00、周五-周六 10:00 - 22:30
地址：中康路126號卓悅匯購物中心3層-17a
現在¥299就有600弊好抵，優惠做到12月31日。
Mine Craft唔係間間有，一見到就要玩，連玩左幾鋪。
跟住又係玩推銀機，我以為係上次玩果部，玩玩下先知唔係。
玩完就去會合深圳朋友食飯，今次朋友話要請小王子食飯要獎勵他，因為佢今次考試班中第一名，而全級第11名，數學也是全級第二名，仲被學校明年派出去代表學校參加數學比賽。
我地遲左好多，所以就call車去。
師傅見到山姆就問〝是否是去山姆？〞，我已經話唔係約左人係D區食飯。
跟住佢就話到了，我落車行去商場發現這是E區，我和小王子半跑過去食飯地點。
西塔老太太泥爐烤肉
營業時間：1130 - 1400, 1700 - 2230 (Mon-Fri)、1130 - 1530, 1630 - 2230 (Sat, Sun)
地址：壹方天地D區B1-051
剛才在途中朋友已send左個團購比我睇，然後就order。
小王子要買奶龍，但是沒有可能的事，影合照就沒問題。
山姆会员商店(龙华店)
營業時間：0900 - 2200
地址：梅隴路1111號壹成中心17地塊E區1-020號鋪
這間的衫都不是太多。
今次試食左3樣野，試左我成日都想買的蛋卷，好在有得試，可以慳返不用買。
落下一層，牛肉又平又靚，所以深圳朋友買左。
今次買到卡樂B的綠豆條。
深圳朋友很忙，所以我叫她回家工作，然後我就去山姆餐吧買野食。
這2樣都是我想買的，現在買來試，又係試左就夠了，沒什麼特別。
今天天氣凍，食住風等車去workshop。
我地落左車都唔知係邊，立即用大眾點評與店家聯絡，原來就在身後。
這個Workshop有好多種類，我就揀左陶瓷，係大眾點評團購只需¥8，不過，成品係有size限制的。
怡然手作陶艺·银饰·调香·团建茶歇(车公庙店)
營業時間：1100 - 2100 (Mon - Fri)、1030 - 2200 (Sat, Sun)
地址：深圳泰然八路深圳安华工业区6棟716室
小王子攪攪震多過整，成日都用水整濕啲泥，濕得滯又用火槍燒返乾。
沒有留言:
發佈留言