橙雪芭

 

綠茶雪糕 (4-8-2006) (內附食譜)

老公鍾意食綠茶雪糕，但覺得出面買綠茶雪糕貴，平時老公返工咁辛苦，依家係我出招，氹下老公，上面就係製成品喇，老公鍾意食，但每次只可以食一個雪糕球，因為食得多會覺得雪糕有d苦，甜味就剛好！仲有丫，係食之前要回溫少許，因為放冰格耐雪糕會變好硬，如果係即整即食就不用回溫。

綠茶雪糕

食譜來自：精巧甜品DIY  

材料：  

鮮忌廉                250毫升  

蛋黃               2隻  

蛋白                     2隻  

糖霜                  3湯匙  

綠茶粉                 1湯匙      

做法：  

1)     蛋黃加糖瑁用打蛋器打發至滑身。  

2)     鮮忌廉用打蛋器打發至企身，拌入蛋黃漿及綠茶粉，放入冰箱冰格內夕冷藏至半凝固，取出用叉挖鬆。  

3)     蛋易用打蛋器打發至企身，拌入雪糕內，放入冰格內冷藏，取出再用叉攪拌，重複此步驟2-3次，即成。

柚子雪芭 (內附食譜)

今次整既雪芭就係我自己喜歡既甜品之一，因為用柚子既關係有d苦我個肥細老唔多鍾意食，除苦之外本人覺得唔夠酸，因為每人口味都唔同，不過大家都可以試下整，其實幾好食架！

柚子雪芭

食譜來自：精巧甜品DIY 

材料： 

紅肉西柚                   2個 

蛋白                         2個 

水                             3湯匙 

糖                           2湯匙 

檸檬汁                     1湯匙 

薄荷葉                  2片 (可以不用)    

準備：  用水將糖煮成糖水。    

做法： 

1)     西柚榨汁，加入糖水及檸檬汁。 

2)     放入冰箱冷藏至半凝固。

3)     蛋白用打蛋器打發至企身拌入半凝固的雪芭內，冷藏約40分鐘。取出以叉子翻鬆凝固了的雪芭，再放進冰箱冷藏，重複步驟2-3次。 

4)     以雪糕杓挖取球形雪芭，放上薄荷葉作裝飾即成。