柚子雪芭 (內附食譜)

今次整既雪芭就係我自己喜歡既甜品之一，因為用柚子既關係有d苦我個肥細老唔多鍾意食，除苦之外本人覺得唔夠酸，因為每人口味都唔同，不過大家都可以試下整，其實幾好食架！

柚子雪芭

食譜來自：精巧甜品DIY 

材料： 

紅肉西柚                   2個 

蛋白                         2個 

水                             3湯匙 

糖                           2湯匙 

檸檬汁                     1湯匙 

薄荷葉                  2片 (可以不用)    

準備：  用水將糖煮成糖水。    

做法： 

1)     西柚榨汁，加入糖水及檸檬汁。 

2)     放入冰箱冷藏至半凝固。

3)     蛋白用打蛋器打發至企身拌入半凝固的雪芭內，冷藏約40分鐘。取出以叉子翻鬆凝固了的雪芭，再放進冰箱冷藏，重複步驟2-3次。 

4)     以雪糕杓挖取球形雪芭，放上薄荷葉作裝飾即成。