滿意雞批~老公版 (內附食譜)

雞批~老公喜愛，所以我今日又再整，經過上次〝滿意雞批〞後，各人的意見都係個皮鬆得滯，於是我跟原食譜將撻皮蛋的份量加大D，老公成日都話個撻皮唔夠厚，而餡又太多，所以除餡料外將撻皮份量都加碼，邊有人話嫌餡多皮薄架~真係丫！   

今次係我第4次做〝雞批〞，一次比一次好，老公話今次比上次好，但〝美中不足〞就係個撻皮唔夠味，不過，與街的還有差別。   

我都試過個皮真係淡左D，嗯！我知問題係邊，就係我掛住令個皮實D，加多D蛋冇將糖既份量跟住加大，不過，出來既效果都唔錯丫！

滿意雞批~老公版  

雞批撻皮材料：(8cm撻模6個)  

麵粉                              240克  

雞蛋                                1隻  

糖霜                                  45克  

無鹽牛油 (室溫)                150克  

吉士粉                             3茶匙  

泡打粉                             1/3茶匙  

撻皮做法：  

1.       牛油與糖霜奉勻至軟身，加入蛋拌勻。  

2.       加入吉士粉、泡打粉、麵粉用手輕輕拌成麵糰。用保鮮紙包好放入冰櫃，冷凍30分鐘。  

掃撻面用的材料：  

蛋                                半隻  

油                                   1茶匙  

做法：  

1.       將蛋和油拌勻。  

雞肉醃料：  

廣東米酒                           1茶匙  

生抽                                 1茶匙  

生粉                              1茶匙  

麻油                              少許  

椒粉                            少許  

餡材料：  

牛油                                 1茶匙  

雞肉                                140克  

洋蔥                                40克  

磨菇 (切片)                      368克  

白汁麵撈材料：  

牛油                                20克  

麵粉                            1湯匙  

水                                         100克  

花奶或鮮奶                       30克  

胡椒粉                                少許  

雞粉                                  1茶匙  

鹽                                       1/8茶匙  

糖                                       1/8茶匙  

預備：  

焗爐用200度預熱15分鐘，另準備1張保鮮紙將撻皮面放入去將皮搌平。      

做法：  

1.           雞肉切丁粒加入醃料醃15分鐘，洋蔥切幼粒備用。  

2.           燒熱鑊加入牛油1茶匙，先將洋蔥少香後，再加入雞丁粒炒至半熟，然後加入其他材料略炒後盛起備用。(牛油作用炒香洋蔥及雞扒起鑊用。)  

3.           另燒熱鑊加入牛油20克煮溶後，加入麵粉快手將麵粉炒至沒有粉粒後，將已炒好的餡料全部加入拌勻，然後將其他白汁麵撈材料加入，慢水將汁焊煮至濃稠後，關掉爐火，放涼備用。  

4.           將撻皮取出，搓成長條形後，用手抽出約30克的粉糰作撻皮底，將皮放入模內，用手指將粉糰壓至4mm厚，用叉在皮面刺孔，放入餡料，撻邊掃上少許蛋漿，再蓋上3mm厚撻皮面(約23克)封口，用牙簽在皮面上輕輕劃上花紋，再輕輕掃上蛋汁。  

5.           放入已預熱的焗爐底層用200度焗10分鐘，然後將焗盆戭上去中層，並用200度焗10分鐘至金黃色。