長崎麵豉湯拉麵 (內附食譜)

尋晚跟營養師的食譜書整左〝福建炒飯〞，預備今晚煮拉麵，小王子比較喜歡麵食，尤其係拉麵。

好在今日有事要出街，唔係就冇得煮，因家中冇拉麵存貨，待辦完正經事就去買拉麵。

我地去左2-3個地方都搵唔到，好在最後係一田搵到，但一田既豚肉有點貴，回家那邊先買。

我諗8隻蜆仔海鮮檔都唔彩我，所以我只係用曬乾左既蜆肉就算。

老公唔吃椰菜，所以我都冇加落去。

老公話味道OK，但個麵淋左啲，可能我影相影得耐，冇辨法喇！我影相技術麻麻嘛！

長崎麵豉湯拉麵

 食譜來自：營養師的500卡瘦身食堂

 

材料：熱量483千卡

薄切豚肉               40克

蜆仔肉                   8隻

椰菜                       1/4個

洋蔥                       1/4個

拉麵                       1扎

粟米粒                   1/3碗

油                           1茶匙

 

上湯材料：

日本麵豉醬           2湯匙

水                           1.5碗

 

做法：

1.          薄切豚肉洗淨，瀝乾。

2.          蜆仔肉去沙，洗淨，瀝乾。

3.          洋蔥去衣，與椰菜洗淨，瀝乾，切絲。

4.          燒滾水，將拉麵灼熟，盛起，放於冷水中，過冷河後，瀝乾，盛起。

5.          燒熱易潔鑊，下油炒香洋蔥絲及蜆仔肉，放入上湯材料，拌勻。

6.          加入薄切豚肉、椰菜絲及粟米粒。

7.          最後放入拉麵，煮至拉麵軟身後，上碗，即成。

 

小煮意：

l   用洋蔥絲和蜆仔肉一齊面層的麵粉，炒，能去除蜆仔肉的腥味。

l   將拉麵先過冷河，可去除拉麵粉，並令麵身更彈牙，而且麵條久於湯中亦不會太快變得腍軟，影響口感。