香港迪士尼樂園

今日我和小王子一齊去迪士尼玩一日。

今次入園是有原因，其中一個緊係因為我喜歡「米奇」，另一個原因是下個月小王子學校會來迪士尼，我決定當天也入園。

現在香港迪士尼20周年，2入園有優惠，加上升級年票也有優惠，所以就趁此來一轉，再升級最平的年票～銀卡。 

今日小王子是11歲，仍是小童票，雖然今年生日後是12歲（成人票），但升級時是小童，所以也是當小童計。

早上與老公一齊出門口，差不多10就到達迪士尼站。

一出閘已經好多人，以為尋日落雨，今日都會有雨會冇咁多人。

沿途都好多人，有幾條隊，問職員全部都可以排。

原來現在係排安檢，安檢完畢，又要做決擇選排邊一條隊，這次就係可以入園，整個過程都用左大半個小時。

第一時間就去市鎮會堂，離遠已見到排長龍，心想唔通有好多人都升級年票？

原來大家都係來取襟章的。

我和小王子升級做年票後，問職員可以比個襟章我，佢比左2個，我退回一個。

前幾日係Facebook睇到有人介紹20周年任務，買本Passport去指定地點蓋印，集齊印仔就可以換禮物。

會員除了買野有9折，而家仲有禮物，就是指定公仔一隻，小王子睇單要$219一隻。

Passport $129

小王子揀左熊仔

小王子要去蟻俠與黃蜂女：激戰特攻！上次佢玩過很喜歡。

小王子不停玩，玩到唔肯走，連續玩左6-7次。

然後過左隔離的鐵甲奇俠飛行之旅，小王子小時候唔肯玩，今次肯陪我玩，戴3D眼鏡睇動畫。

行過去小小世界嘆下冷氣先。

咖啡杯

玩得好開心

奇妙夢想城堡

巡遊時間

我和小王子一點興趣也沒有，但封了路，要兜路才可去吃午餐。

巡遊封了路，小王子想食burger去唔到明日世界，咁就去皇室宴會廳，點知而家沒有burger了，浪費左咁多時間應該解封了，我地行返去明日世界的餐廳先。

店外有餐牌又有實物，小王子選好了，我地就入去搵位，然後我去買野食。

全部餐都唔平，好在會員有9折。

科技展和牛漢堡套餐 $155

伽瑪雙層牛肉漢堡套餐 $180

小王子個雙層牛飲漢堡餐送曲奇，我見咁colourful以為係米妮，但小王子話係米奇來的，我望真啲又係啵！

小王子話勁肚餓，所以要食雙層。

牛肉粉紅色，小王子話好juicy。

明日世界

早上來又陰陰，之後就陽光普照～勁熱。

探險世界

灰熊山谷

迷離莊園

反斗奇兵大本營

魔雪奇緣世界

集齊印章

最後一個印係廣場時尚店，蓋好，就可以在該店搵職員換金幣。

金幣是雙面的

起初唔識攪左好耐，只要你將Passport背面的底部貼在白色箭嘴，然後有提示㨴開一頁，然後將佢放入黃色箭嘴就會自動蓋印，但有啲印章是手動的。

在其中一個點發現，現有奇妙印章系列將於6月10日後全面更新。

想食爆谷，但忘記用會員，所以付了正價$48。

迷離莊園大宅

反斗奇兵大本營

魔雪奇緣世界

魔雪奇幻之旅，小王子不停問我會唔會有恐怖嘢，我都唔知，因為新嘅，我都好耐冇嚟。

係坐船，仲要我兩母子坐最前，有一part架船突然間後落斜，最後尾嗰一段係熄咗燈，然後衝落去，小王子下次話唔玩呢個。

小王子話旋轉木馬一定要玩。

問咗我幾次坐唔坐小飛象，我話唔坐，最後佢話要坐，我問點解，佢話想坐，因為佢想用個控制桿，咁就陪佢玩吓啦！

迪士尼星夢光影之旅：星空派對

我地睇咗9分鐘就走，因為怕完場好多人搭車。

星空派對嘅時候，側邊嘅商店都會有投射。

走嚕！下次再來。