首爾 Day 3@2017

今早遇到個好心伯伯，自動問我地有咩幫手，仲帶我地去搭車。

Day 3 ：中部市場→廣藏市場→昌信洞→祭基洞→回基→N首爾塔→明洞

*********************************************************************************

今日有時間影下酒店外面

早餐都唔食就去〝중부시장(中部市場)〞

중부시장(中部市場)

營業時間：0400 - 1800

路程：會賢(425)→東大門歷史文化公園(422) 

車程：6分鐘 (₩1250)

行左成個市場，老公去左呢間買佢最愛既魷魚和柿乾。

可以去〝광장 시장 (廣藏市場)〞食早餐喇！

광장 시장 (廣藏市場)

營業時間：0830 - 2300 (小吃/食品)、0830 - 1800 (一般商家)

休息日：星期日

路程：東大門歷史文化公園(422)→東大門(421)轉1號線→鐘路5街(129) 

車程：12分鐘 (₩1250)

行均成個市場揀左呢間坐低，老公唔喜歡食都係食左少少，小王子又係食少少，咁我就緊係包底喇！不過，我地叫得少，阿豬媽好似唔好滿意，又有推介我地食呢樣食果樣，但我要食緊野都叫晒，所以冇食佢推介果啲。

網上做好功課，所以都好易搵，最緊要係見到呢個黃色banner行入去就係。

昌信洞文具玩具批發市場

營業時間：大部分店鋪7:00～19:00 (大部分店鋪星期日休息)

路程：東大門站4號出口徒步1分鍾；東廟前站6號出口方圓數百米

我地去左街尾呢間買玩具，呢間可以碌卡，而且有2層，成條街最大間。 

行返出去呢間再買埋〝Pororo汽水機〞，因為頭先果間冇。 

出地鐵冇耐就聞到藥材味

首爾京東市場 서울경동시장

營業時間：藥令市場 09:00~19:00；傳統市場 04:00~19:00 (每家店不一)

路程：東大門(421)→際基洞(125) ，祭基洞站2號出口出來直走

車程：5分鐘 (₩1250)

小王子又話要食野，我去左買馬卡龍佢食，佢差唔多食晒，小王子和我都好鍾意食馬卡龍。

回基店既喜來稀肉 (서래갈매기)，就係〝太陽的後裔〞劉大尉、徐上士

狂喝3日3夜72小時的店家。

喜來稀肉 (서래갈매기)

營業時間：11:30-04:00

地點：首爾市東大門區回基洞60-63號 (回基站1號出口，出來後直走到對面往左手邊走就可看到，步行約三分鐘)  

返酒店擺低野又要出發 

我係KKday參加左一日本地團，佢就送〝N Seoul Tower (N首爾塔)〞入場卷2張。我間酒店係可以望到N首爾塔，所以我地係行路去。

由酒店不斷行斜路上都有點吃力，去到山腳坐升降機上，然後再去買纜車飛上去山上，落車後就大鑊喇！全部木樓梯，阿仔坐住BB車，我同老公2個人抬上去，抖左2次先上到。

如果帶BB車就要注意喇！

N Seoul Tower (N首爾塔)

營業時間：1000 - 2300(週六至 0000) 年中無休

路程：地鐵明洞站(424)3號出口，步行8分鐘至纜車站 

呢個地標一定要到 

好多鎖 

上到去買明信片寄回香港，上次去大阪唔夠時間做呢個動作有少少遺憾， 決定每次都要寄一次，用來紀念一家三口的旅行。

我就緊係買埋郵票喇！到時去到郵局唔識講又唔駛排隊，但我比完錢唔見左個郵票，回counter搵，原來留低左~嚇死。

見到人係到拍野，小王子即刻拎佢隻兔仔出來。

夜晚plan左去明洞食炸豬扒飯，間野舖位變左另一樣野，問樓下間舖，佢話close左。

好在我有2手準備，食〝Mille Feuille〞都係明洞，可惜又搵唔到，行行下發現原來搬左位，可以開餐喇！

Mille Feuille

營業時間：1000 - 2200

真係好肚餓又攰 

芝士可以拉絲架！ 

睇韓國節目介紹過〝Miky Bee〞，將雪糕整成玫瑰花型，味道冇乜特別，但造型創新。

Miky Bee

營業時間：1000 - 2200

路程：地鐵4號線明洞站8號出口，步行約5分鐘

經過明洞街邊成日都想食，但老公怕阿仔個肚頂唔住，所以冇食。

去明洞既樂天超市行下，超市內既阿豬媽職員勁鍾意小王子，個個都同佢玩，有個仲整蠱小王子。

小王子拎住個籃，阿豬媽就將啲貨擺落去，小王子就將啲貨擺返上架，不停咁玩，笑到佢地碌地。

我想買既野一早print左出來，拎住比阿豬媽幫我執，阿豬媽識講國語的。

首爾 Day 2@2017

今日真係超勁熱，等我諗住去郊區著左件有毛底既衛衣，真係熱到出晒汗，仲要忘記係法國村走既時間睇巴士班次，要乾煎一小時先有車。

Day 2 ：南大門→南怡島→法國村→馬場洞→光化門→鐘閣

*********************************************************************************

今日早上8點出發，去祟烈門廣場觀光巴士站臺買，即係南大門市場的對面馬路，買旅遊巴車飛，你可以買來回，但我只買單程，因為我仲有地方要去。

一心諗住去南大門食早餐，但又搵唔到要食果幾間，又冇舖頭開門，所以都係返巴士站附近7仔開餐。

老公揀既丁丁漢堡包好好味，仲有好多款，下次要再試埋其他。 

落巴士後行去買入場卷先。

行過隔離就係碼頭，隻船好大，但坐位不多。 

地下有好多泥寧，又見工人用水加天然氣溫整雪 。

我地係島上見到2隻松鼠，佢地走得好快。

我地坐船出返去，要搵觀光巴士去小法國村，落船左邊係車場，而右邊係吊索入島，然後一路直行過對面馬路有間便利店，一路直行，觀光旅遊循環巴士站就在此，對面馬路有得跳〝Bungee Jump〞。

我唔知個站會唔會搬，因為之前上網睇唔係呢到，頭先都有入去便利店問職員，先搵到。大家記得係跳〝Bungee Jump〞對面馬路，係便利店果邊先啱。

小法國村

路程：南怡島碼頭→加平觀光旅遊循環巴士가평관지순환버스(去晨靜樹木園方向아침고요수목원)→小法國村

營業時間：0900 - 1800 (閉館前1小時禁止入場)全年無休

入埸收費：₩8,000(成人)、₩6,000(13-19歲)、₩,000(3-13歲)、3歲以下免費

我要嚟呢到係因為〝Running Man〞，好耐之前有一集係到拍，當時已經覺得好靚好童話我一定要嚟一次，然後又見〝他來自星星的你〞有係到取景。

老公和小王子係廣場睇木偶戲，而我就週圍影相，可以慳時間又唔駛阻住我影相。

這麼地方不是太大，依山而建的，來一次夠了。

大家走既時候記得睇巴士班次，我就忘記了，係巴士站乾煎一小時先有車。

馬場洞

路程：小法國村→加平站(加平客運站方向)→加平(P134)(京春線)→上鳳(P120)(轉地鐵7號線)→君子(725)(轉5號線)→馬場(541)，馬場站，2號出口，步行15分鐘即達

車程：81分鐘 (₩2250) 

開心果小姐和同事各自介紹左邊間好，由於去到都唔點幾有好多都收左，而開心果小姐果間一入就係，所以就揀佢。

我地揀左最靚既牛〝1++〞，入口溶化，小王子又瞓左，我地可以慢慢嘆。

之前睇韓國節目介紹〝清溪川〞，可以由坑渠變到咁靚好神奇，香港都可以做到就好。

見到個田螺就係開始喇！

清溪川

路程：馬場(541)→光化門(533) 

車程：15分鐘 (₩1250)

〝鬼怪〞入面Sunny開既炸雞店，由第一間搬去另一間店，就係清溪川其中一段行上去就係。

我只係外面影相，因為老公怕熱氣。

BBQ炸雞鐘路貫鐵店（BBQ치킨 종로관철점）

營業時間：00:00~12:00

地址：首爾特別市 鐘路區 貫鐵洞 11-5（清溪川路 81），서울특별시 종로구 관철동 11-5（청계천로 81）

呢間都係〝鬼怪〞埸景之一

dal.komm coffee鐘路鐘閣店（달콤커피 종로종각점）

地址：首爾特別市 鐘路區 貫鐵洞 19-3（鐘路12街 16），서울특별시 종로구 관철동 19-3（종로12길 16） 

頭先食飯小王子瞓左，係地下街話肚餓，佢揀左包餅，但食左少少又唔食，然後係酒店附近便利店再買晚餐比小王子食。

路程：鐘閣(131)→首爾站(133)轉4號線→明洞(424) 

車程：15分鐘 (₩1250) 

首爾 Day 1@2017

之前見朋友係首爾市區都落雪，我想一生人睇一次，而且都鍾意食韓國野，老公唔like都要陪我去架喇！可惜我就睇唔到，而且都唔覺得凍。

今次行程係full day 9日，早機去晚機返。去程坐早上7點幾機，怕早上去機場會塞車，所以就坐最後一班機場巴士入定去，而回程到香港尾班機場巴士都冇，要坐的士回家，真係去到好盡。

我近日愛上睇韓劇，所以行程會有好多韓劇景點。

第2次帶住小王子坐廉航〝Hong Kong Express〞了，原本可以原定時間起飛，但因為起飛前有乘客嘔，所以遲左1小時起飛。

小王子成晚都冇瞓，成個機埸走，上機冇耐就瞓左。

之前係香港已經上網買左電話卡可以9日，仲可以係仁川機場攞，攞完就去搭旅遊巴去酒店，我住係會賢站，都近明洞。

擺晒行李係酒店就出發明洞醫肚。

晚餐去哈哈位於明洞的烤肉店，要問人先搵到。

Loco Quan 401

營業時間：1600 - 0200

地址：後補

朋友見到我facebook話佢上次去點解舊菇冇印〝401〞既，咁我都唔知啵！哈~哈~

飯後甜品，小王子鍾意食芒果，所以我專登去呢間舖食。

勁多芒果

由於今早有阻滯，所以夜晚去左首爾站既Lotte Mart，可惜休息，可以提早返酒店休息。係酒店附近便利店買野食做宵夜。