首爾 Day 9@2017

旅程最後一天了，要為下個旅程再努力。

今日原本同小王子去個親子餐廳，但老公怕好似果日咁摺左，所以取消了。

退稅

退稅唔一定要去機場，有好多地方都有，而且明洞仲有幾個點添！

只要購物滿₩30,000，而且店貼有Tax Free標誌就可退稅，但市區退稅係一張單總購物額₩50000以下。

我去明洞Uniqlo楝大廈地庫2樓退，大使係識講國語的。

需要你的passport和信用卡，信用卡用來做擔保，會即時退款，但記得去機場的自助機做退稅手續唔係就會扣左你信用卡的擔保費。

Day 9 ：梨大→新村→明洞

******************************************************************

前日去弘大唔記得去〝NeNe炸鸡 (네네치킨)〞食劉在錫代言既炸雞，今日有時間老公陪我去，但去到未開門，又冇寫幾時開，唯有週圍行下先。

NeNe炸鸡 (네네치킨)

地址：首尔特别市麻浦区东桥洞

前日去〝무한소(無限牛)〞既時候記得經過〝Shoopen〞，我又再去多次睇鞋先。

Shopping完再返去〝NeNe炸鸡 (네네치킨)〞都成12點幾係未開，咁唔等要返明洞預備食午餐先。

詹姆斯芝士脊排James Cheese Back Ribs

營業時間：1100 - 2300

地址：首尔市 中区 明洞2街3-1,2F (서울시 중구 명동2가3-1)

我在網上print定coupon，可以有折扣。

小王子係到緊係叫芒果喇！鬆餅好鬆脆。

Beans Bins Coffee

營業時間：週一至週五7:30-24:00/週末7:30-24:00（最後點餐需在閉店30分鐘前）

地址： 首爾市中區忠武路1街23-1 Savoy酒店2層 / 서울시 중구 충무로 1가 23-1 사보이호텔2층

雖然今晚夜機零晨到港，但怕塞車提早入機場，點知路路通，係機場行下打發時間。

去到閘口又未夠鐘，小王子又扭計，去附近買左杯雪糕氹佢。

今日我係〝Shoopen〞差啲又買左鞋，但怕爆喼，所以只係買左2對比小王子。

 

首爾 Day 8@2017

Day 8：明洞→三清洞→景福宮→梨泰園→論峴→明洞

***************************************************************************

今日早餐食北韓的韓式麵，清清地幾好，有杯湯比你，幾好飲的，仲有呢到有BB櫈，問佢佢會拎比你。

명동함흥면옥(明洞咸興麵屋)

營業時間：0930 - 2200

地址：中區明洞10路35-19

我睇鬼怪時已經好鍾意主角間屋，上網查原來果到叫〝雲峴宮洋館〞，今日就去睇下。

網上話出地鐵3分鐘就到，但我行左個大運都搵唔到邊到入去，又再行返去呢個門口，心諗行到好攰博一博入去睇下。

入到去見〝雲峴宮洋館〞，但究竟邊到入去呢？見有導賞團就問下，原來今日休息。今日係星期日，大家記得唔好星期日來喇！

雲峴宮洋館-운현궁얀관

路程：明洞(424)→忠武路(423)轉3號線(331)→安國(328) (安國地鐵站四號出口出來，

大約步行三分鐘就會到了。)

車程：13分鐘 (₩1250)

而家行去鬼怪2個主角2個主角擦身而過的石牆。

三清洞石牆路

路程：安國站1號出口上來往右轉，然後直走到第二個路口再右轉走進去。

除左係Sunny家，仲係佢與地獄使者錫錫的地方，因為地獄使者錫用這方法才可令Sunny忘記一些唔應該知的事。

之前睇〝Running Man〞係通仁市場用銅錢買野食玩遊戲，我又去用銅錢買野食。

門口就可以用錢換銅錢，老公冇興趣，只換左一份銅錢，所以我換到既野食都係我一個人食晒。

如果好似我咁用晒銅錢的話，都可以比現錢買野食。可以行上2樓坐低食，但勁多人要等位，食完野要自行拎垃圾去分類棄掉。

通仁市場(통인시장)

營業時間：1100 - 1600 (休息：星期一)

地址：首爾市鍾路區弼雲大路6街3 (通仁洞)(景福宮站2號出口，步行10分鐘)

路程：安國(328)→景福宮(327) 六

車程：2分鐘 (₩1250)

備註：醬油年糕在cafe可以先換銅板，一次換五千有十個銅板，記得留番2個銅板買飯 

通仁市場行到最後出去的右邊，有間〝孝子麵包店〞排長龍，本來想買包，見咁樣唯有打消念頭。

孝子麵包店（효자베이커리）

營業時間：0730 - 2400

地址：03036  首爾市鍾路區弼雲台路54 (通仁洞)  

〝서촌전통순대국 西村傳統血腸湯〞又係Doctors 女主角的阿婆湯飯，呢間係佢老豆開。

我由通仁市場後門出，一直沿路行返出去很好找。

서촌전통순대국 西村傳統血腸湯

營業時間：1000 - 2200

地址：서울특별시 종로구 사직로9가길 8 首爾市鐘路區社稷路9街8 (景福宮站1號出口方向)

備註：景福宮站1號出口，出來後一直直走到一個大路口時，右手邊有一家非常大的

CU便利商店，在便利店轉彎後沒多久就會看到，對街的朴信惠奶奶的湯飯店喔 

我地去到不用等，但我地食完出到去見到有人龍了，店內地方不大，有點迫，有小朋友的不是太適合。

Smokey Saloon

營業時間：1030 - 2200 (LO 2130)

地址：龍山區梨泰院路27GA路9

路程：景福宮(327)→藥水(333)轉6號線(633)→梨泰院(630) 

車程：24分鐘 (₩1250) 

呢間醃尖老公都話好。 

跟住行去〝Lady M〞，雖然香港有，但排長龍，呢到應該唔駛掛，就算要我而家身份係遊客冇所謂喇！可惜個去到已變左另一間店。

同事介紹我去呢間，佢話正，我見網上都有好多人推介，海鮮我地2公婆都啱，今晚晚餐就食佢。

沙灘的珍珠

營業時間：1800 - 0700

地址：首爾市江南區論峴洞182

備註：論峴站2號出口，沿大馬路南行約10分鐘左轉小巷即達；新論峴站3号出口，步行6分鐘 

小王子又瞓左喇！又可以安心食野。店員都常常過來睇瞓左既小王子，全店都是男的，店員都有禮和好nice。

呢餐好豐富，海鮮新鮮。食食下小王子瞓醒，店員都過來同佢玩，有一個仲表演魔術比小王子睇。

今日戰利品 

首爾 Day 7@2017

Day 7：會賢→大學路→上水→合位井→弘大→永登甫

******************************************************************************

今日要去好多地方，就係酒店行前個商場食早餐。

本粥 会贤站店  (본죽 회현역점)

營業時間：平日 08:00-21:00；周末及公休日08:00-17:00

備註：會賢站1號出口(酒店旁)

我同老公既差不多，佢有碟醃過既肉絲好好味，所以比得好少。 

期待已久既〝梨花壁畫村〞終於可以去了。我搵唔到，問左個阿側師就叫我向前行，行到去個城場都唔似，有班阿豬媽係到，又問下，仲要打埋電話返香港問朋友都搵唔到，最後問左個後生女之後就搵到。

梨花壁畫村

路線：明洞(424)→惠化(420) 車程：8分鐘 (₩1250)

備註：地鐵4號線惠化站2號出口，沿駱山公園方向走，約15分鐘可達 

我鍾意呢幾幅 

頭先見老公推住BB車條路咁斜怕佢辛苦，就改行右邊條路入村，但原來行大斜路一直上就對，真係激死，下次唔好怕辛苦，都要行去試下。 

見到呢幅壁晝直上就對

1988 고기불패，烤肉任食，位於2樓。

1988 고기불패

營業時間：平日 12:00-23:00；周末12:00-02:00

收費：午餐每個人是9900韓元，晚餐每個人是12900韓元

路程：惠化(420)→三角地(428)→轉6號線(628)→上水(623) 

交通： 弘大站(홍대입구)9號出口出來後走路約10~15分鐘 / 地鐵6號線 上水站(상수)1號出口出來後走路約5~10分鐘

車程：33分鐘 (₩1350) 

入門口左邊既座位設計，係一個個貨櫃咁，而我地就去右邊普通座位，跟住職員會上一碟肉比你，之後鍾意食邊樣再order。

有一塊豬皮，燒既時候小心，因為佢會咇咇啪啪，唔好嚇親丫！

食飽飽行下消化下，行去下一個景點，路過這座建築物很美。

又見到哈哈~401喇！

到左下一個景點就係Doctors劇中女主角個劉惠靜既好姊妹開的店。

Bonjour Hawaii 你好夏威夷（弘大）

營業時間：11:00 ~ 02:00 (16:00 ~ 17:00 為休息)

地址 : 首爾市麻浦區細橋路3內街23 

備註：地鐵合井3號出口 

可以由〝Bonjour Hawaii 你好夏威夷〞行過來〝Lava Chee Chee（라바치치）〞。

這裡又係韓國節目介紹過，頭先果餐老公仲未落格，佢盡左最大努力，餘下的等我吃掉吧！

Lava Chee Chee（라바치치）

營業時間：14:00-23:00 (平日)；12:00-23:00 (週末)

地址：首爾市麻浦區西橋洞364-19 서울특별시 마포구 서교동 364-19 (2號線弘大入口站9號出口; 合井站3號出口)

賣點：巨型熔岩芝士蛋糕

我係Google Map搵到係弘大有宮崎駿既龍貓精品店，老公鍾意龍貓巴士，當然帶佢來朝聖下，又係由上一個景點行過來就可以。

橡子森林弘大店 (도토리숲 홍대점)

營業時間：1130 - 2100

地址：首爾特別市麻浦區臥牛山路110 1樓(서울특별시 마포구 와우산로 110 1층)

之前見同時係呢附近有幅壁晝幾靚想睇下，又搵唔到，但就無意中見到〝Café de One Piece〞，有好多人排隊等食。

Café de One Piece

營業時間：1000 - 2200

地址：首爾市麻浦區臥牛山路 23 街 101（마포구 와우산로 23길 101）(弘大入口站 9 號出口，

步行約 10 分鐘)

跟住就行去我最想去既地方〝SHOOPEN〞，因為我隻腳比較大好難買鞋，嚟到呢到休閒鞋有男女裝都可以穿，我買得超開心。

SHOOPEN

營業時間：1100 - 2200 (年中無休)

地址：麻浦區楊花路153號

備註：滿₩30000，可以即時退稅

嘩~出左地鐵行左好遠先到，真係腳仔都軟埋。我覺得首爾站Lotte Mart貨品種類比永登浦e-mart多，但見行得咁辛苦都買少少野喇！去到比錢時，收銀員話我買左幾款薯片都係買一送一，當然即刻去拎多包喇！

E-mart 永登浦分店

營業時間：10:30~24:00

地址: 時代廣場B1~B2(地鐵1號線永登浦站5號出口步行5分鐘)

今日行到9點幾先返到酒店，擺低野就去酒店斜對面食晚餐。　

睇下我癲左，一個人買左4對鞋，仲想買架！最後都係忍手。

首爾 Day 6@2017

老公取消左2個行程，所以比預定遲2小時出門口，行程亦都有改變，之後行程變得鬆動。

Day 6 ：明洞→兒童大公園→狎鷗亭羅德奧→Goto Mall→首爾大入口

********************************************************************

又係去〝Isaac Toast〞食早餐，可能晏左今次就要排隊。

老公諗住試其他味，但佢都係比同一樣野，唔知係咪店員比錯左。

小王子勁開心，但就冇想像中咁多野玩，重點係免費入場。

兒童大公園

營業時間：0500 - 2200

收費：免費遊樂場動物園

地址：廣津區陵洞路238號

路程：明洞(424)→東大門歷史文化公園(422)→轉5號線(536)→君子(544)→兒童大公園(726) 

車程：30分鐘 (₩1250)

備註：1)兒童大公園站，1號出口可直達園區

2)乘5號線到峨嵯山站4號出口可達園區的後門 

姆明係我以前睇既卡通片，所以我既情意結，所以要去下。

MOOMIN & ME Café

營業時間：1000 - 2300

地址：江南區狎鷗亭路50街2 

滋味行介紹過〝haru no yuki baumkuchen〞食年輪蛋糕，可以堂食，但得2、3張枱，又可以睇到整年輪蛋糕。

haru no yuki baumkuchen

路線：狎鷗亭羅德奧站6號出口

Goto Mall，人人都話要行好耐，我花左唔夠一個鐘就行晒，當然老公和小王子就坐低等我喇！

睇中咩就mark低shop#，等行晒格下價再返轉頭買，可能衫唔係好啱我，得2件收獲，小王子就有一件。

回去接返佢地，肚餓行到最後有野食，緊係要叫小王子鍾意食既薯條和汽水氹下佢等我喇！ 

〝loco loco 로꼬로꼬 조개찜〞又係滋味行介紹過，隻雞有點鞋，而且冇味，其他海鮮好味，鮑魚好淋，又加左麵食。

loco loco 로꼬로꼬 조개찜

營業時間：1600 - 0200

地址：首尔特别市冠岳区奉天洞 860-36 서울시 관악구 봉천동860-36호 (二號線首爾大入口站6號出口，步行5分鐘)

 

首爾 Day 5@2017

Day 5：明洞→梨大女子大學→涵洞→新村→新道林→掘浦川→東大門

**********************************************************************

今日早餐食〝Isaac〞，不用排隊。

Isaac Toast

營業時間：0700 - 2230、0730 - 2000(六) (星期日休息)

同事話〝梨花女子大學〞點都要去，校園、風景都靚，等我去吸收下書卷氣先。

梨花女子大學

路程：明洞(424)→東大門歷史文化公園(422)→轉2號線(205)→新村(240) 

車程：23分鐘 (₩1250) 

書卷氣都係唔多啱我，去下一個景點路過〝innisfree〞見有時間剩，入去睇下，唔係就唔會再有機會，因為我平時冇乜護，所以呢類野列入行程表中都係備註有時間先睇。

哎呀～唔記得買蔥添！如果大家有睇鬼怪就知我講咩。

老公和小王子係上面等我，我一個人行落去，我都唔係好敢行入隧道，唔知點解有點怕，一入去影完相即刻出返嚟！呢到好少人行。

新村站(신촌역) 人行隧道涵洞

路線：京義中央線新村站3號出口，並往 京義中央線新村站方向走。

若是從京義中央線「新村站」出站的話，請走2號出口。

網上睇到，朋友又介紹我去〝新村的延南站著吃烤牛小排연남서서먹는갈비집〞，呢到要排隊入。

尤其是lunch時間有好打工仔去便利店買個白飯就來吃，我就係趕住嚟忘記買飯，我排頭幾個等開門。

入到去唔知點叫野食，即刻打電話問朋友，好食既野就係貴啲，我地叫左一轉食完就走，好在小王子又瞓左，唔係就麻煩，因為係立食，而且地下黑黑，用炭燒鐵筒會好熱。

新村的延南站著吃烤牛小排연남서서먹는갈비집

營業時間：1200 - 2030

地址：서울시 마포구 노고산동 109-69 / 麻浦區老姑山洞109-69番地

路線：新村站7號出口直走，第二個路口（一旁有棟白色建築），接著過馬路到對面，往小斜坡上走就可看到。

原本嚟這個商場有間Kids Cafe，點知來到變左另一間，唔係果回事，咁就同佢係其他舖玩下就走。

頭先果餐係約11點食，而家2點又食多餐喇！又係鬼怪場景，我地仲坐左佢地拍戲時坐既位，老公坐鬼怪個位，而我就坐德華個位，小王子就坐地獄使者個位。

食完就去左旁邊大廈洗手間，心血來潮想睇下地鐵圖，搵極都冇，記頭先食飯拎過出來，立即返去睇，下好在佢地冇執枱唔係就‧‧‧‧‧‧，因為我靠個地鐵圖帶我週圍去架嘛！

韓村雪濃湯

營業時間：24小時營業

地址：인천광역시 부평구 길주로 659 미라쥬타워

路線：掘浦川站(굴포천역 ) 8號出口出，左手邊第三個巷子進去。三山體育館站和掘浦川站中間，所以兩個站都可以步行過去，分別是三號和八號出口

Pororo Park主題餐廳都要行一大段路，再問2個詢問處職員先去到，小王子玩到唔捨得走。

Pororo Park主題餐廳

營業時間：1030 - 2030 限時2小時 (最後售票時間1830)

收費：大人₩6000；小孩₩16000

地址：首爾市九老區京仁路662號 D-CUBE CITY 4樓 (新道林站1號出口，下車後不需走到室外，直接往1號出口方向走)

備註：入內要拖鞋，鞋櫃押金， 一個櫃1000，還鑰匙押金會歸還

橋村炸雞 (교촌치킨)，我係安排左係第3日早上食，但係買完玩具就忘記左，變左今日既晚餐。

橋村炸雞 (교촌치킨)

營業時間：24小時間 (週日6:00~10:00不開放用餐)

間野真係好旺場~勁多人，好在去到都有位。份量都多，而且都夜，我唔敢食咁多，老公又冇乜興趣，小王子食左少少，所以都食剩。