瑞士卷 (內附食譜)

之前係facebook群組睇到好多人整〝瑞士卷〞，我又跟人整，但每次都會有問題~不完美。

有次再係群組睇到原創者再post食譜，與我之前睇到的有出入，即刻save低。

我不服輸既精神，加上星期四收到阿媽落order，因為伯娘話好食。

今日再挑戰~成功，明天可以交貨了。

把刀唔得，所以砌得唔靚。

食譜蛋白要打到軟硬性，打左幾次都唔係好掌握到究竟係點，今次打到咁就停。

今次個皮只係甩左少少，facebook睇到有人話係烘焙紙到薄薄搽一層牛油，次次都有做，但都有甩，今次唔座溶牛油，牛油只係室溫就搽，唔知有冇關係。

牛油忌廉我用左食譜一半份量，但擺得耐又被卷蛋吸晒，但全份又覺得多，下次試下2/3先。

烘焙紙卷完卷蛋就不要再包住，因為我包左一段時間整到又甩皮。

瑞士卷

焗盤：28cm X 28xm

麵糊材料：

雞蛋黃               5個

牛奶                   50克

油                       50克

麵粉                   60克

麵糊做法：

1.      油、牛奶、麵粉拌匀。

2.      逐次加入蛋黃，攪勻至無顆粒，備用。

蛋白霜材料：

蛋白                   5個

糖                       50克

蛋白霜做法：

1.      打到軟硬性，不要太硬性，這樣做出來卷時會有小裂痕的，拉起來有小小的勾。

2.      蛋黃麵糊分3次加入已打發的蛋白中拌勻。

3.      倒入已舖牛油紙的焗盤中。

做法：

1.          165度焗20分鐘。

2.          165度焗30分鐘。

3.          出爐後即撕開四週的纸放涼，並蓋上另一張牛油纸防乾燥。

4.          待蛋糕涼至有小許餘温，便可搽已打發的忌廉捲起成蛋卷了。

牛油忌廉做法：

有鹽牛油(室温) 90g

糖粉                   20g

雲呢拿香油       數滴

1.      做法：
把以上材料用電動打蛋器打至發白及蓬鬆，備用。