Day 7：丸福咖啡店 (千日前本店)→Kids Plaza Osaka→難波千日前→心齋橋
今日一早落好大雨，好在食早餐就係酒店後面。
丸福咖啡店 (千日前本店)
地址：〒542-0074 大阪府大阪市中央区千日前１丁目９−１
營業時間：0800 - 2230
這間80年老店咖啡店，格局真係好懷舊，去到時人唔多，坐下坐下就多人，有講英文、廣東話、國語，坐我後面就講日文，係一個伯伯帶著個孫來的。
小王子叫左蛋糕，佢話好食，成個食晒 (除士多啤梨)，話要再叫多個。
蛋糕配茶，起初我唔加糖，但唔加好苦，所以都係加。
老公叫左熱香餅，表面帶點硬，但個底就軟，同香港唔同，杯奶茶就緊係唔及香港喇！
我叫左三文治，都係冇乜特別。
我地10點半就到扇町地鐵，個站冇乜人。
我地係2號出口出，有人推住BB車等升降機，所以我地就行樓梯。
出左地面，好大雨怨怨腳行，直行少少右邊有個缺口行入去就見到，入到去就發現頭先架BB車由另一邊門口入左來。
走既時候由BB來的門出，冇搭升降機，行左旁邊條路，可以通往地鐵站，只有少少露天位，如果頭先行呢到就唔駛開傘。
地鐵站行出來左邊係升降機，右邊就係通往Kids Plaza Osaka。
Kids Plaza Osaka
地址：〒530-0025 大阪府大阪市北区扇町２丁目１−7
營業時間：0930 - 1700 (一至五)
0930 - 1900 (六日假)
備註：館內只設飲品自販機，家長自備食物在4/F休憩區(多目的ルーム)用餐，需外出用膳再入館，可在3/F蓋印登記。
車程 (8分鐘)：日本橋(大阪メトロ堺筋線)→扇町(大阪市營地鐵「扇町」站2號出口)
門口有個大型玩意，有波波自動滾動。
可以體驗下坐輪椅，但小朋友唔夠110cm就要家長推。
雖然言語不通，但小王子都玩得好開心。
行繩網去另一邊，小王子一啲都唔驚。
叫佢影幅相，佢就扮鬼臉。
今日又有學生團，所以又係好多人。
玩玩下又流鼻血，好心急想玩，成日問得未？
這條滑梯好快，超鍾意。
Supermarket係小王子最鍾意既地方，佢玩左超多次。
每人只可以拎3樣貨品放落籃到，排隊，自己嘟完貨，自己禁張單出來，小王子係到超守規矩。
跟住又去做郵差，呢個係佢第二鍾意既環節，要幫手派信和收信。
玩玩下又走返去Supermarket，又做下郵差。
睇下埋單都唔知佢玩左幾多次，仲有啲係印左公仔印。我發現有用報紙摺左2個袋仔比佢入住啲單，小王子話係姨姨比佢。(在場職員)
趁小王子玩緊我又去影下相
玩到3點幾都唔肯走，但我真係好肚餓，比多半小時佢玩，之後就要離開。
我原本係去道頓堀果間大起水產，但真係太肚餓，老公話去Nambe Walk果間食。
Daikisuisan 大起水産 なんばウォーク店
地址：〒542-0074 大阪府大阪市中央区９ 千日前１丁目 なんば ウォーク 虹 の まち 5-4 号
營業時間：1100 - 2200
車程 (8分鐘)：扇町 (大阪メトロ堺筋線：天下茶屋行)→日本橋
原本想去Natural Kitchen (なんばCITY店)，但搵唔到，我見到有間￥300店，就入去逛下。
見到有企鵝傘，就引小王子吸引，想要佢放棄之前買既三眼仔傘，因為三眼果把係大人用的，結果好易咁令佢要左呢把企鵝傘，三眼仔就我用。
爭取時間去千日前道具屋筋商店街，每次都唔夠時間去。
係同一條街食晚餐，我和老公鍾意食牛、海鮮，這間有齊。
海千山千番長
地址：〒542-0075 大阪府大阪市中央区難波千日前８−17
營業時間：1200 - 2400 (L.O.2300)
我地叫左一個海鮮餐、一個牛肉餐，老公仲叫多左隻蠔比我。
叫左杯啤酒先記起網上有coupon，送杯飲品一杯，有個外籍講英文服務生，同佢溝通好，會將叫果杯變免費。
チヤーヅ料：3份、￥900 (未稅)
ルメイカ：￥600 (未稅)
海鮮3種盛：￥1500 (未稅)
極上番長盛合：￥5900 (未稅)
燒牡蠣：￥420 (未稅)
半額キリソー番搾り：2份、￥350 (未稅)
小王子仲有個免費兒童餐，我見店內沒有提及，立即上網搵返別人個post。
我比個post店員睇，佢拎走左我個電話，然後就話OK。
今日只有這些，冇得揀，不過，飯團真的硬，飯好似風乾了，免費係咁上下。
北極又係想食好耐，但係又好似唔會路經，所以冇去搵。
今晚咁啱經過就試下，見有個婆婆買左一盒，偺幫忙入盒，再加乾冰。
我揀菠蘿，小王子就食牛奶，佢讚2條雪條都好味。
北極
地址：〒542-0076 大阪府大阪市中央区難波３丁目８−22
食飽要做下運動，又去心齋橋行下，去左Daiso入貨。
