今年決定7月1日小王子5歲生日出走澳門，4月已訂定〝澳門喜來登金沙城中心大酒店 - 路氹城〞酒店，亦是小王子第一次去澳門。
我地坐金光飛航頭班船去澳門，7點幾就到中港城，然後去麥當勞食早餐，等早餐時我就走去劃位先，職員知道有小朋友就比左近門口既位我地。好在早到，食到尾聲好多人幫襯，買野食排長龍，取食物又要等十幾分鐘。
之前問過酒店話可以寄存行李，我地一到步就搭穿梭巴士去酒店，然後晚上check-in時取回行李。
問左小王子話肚餓，諗住明天老公未起身就帶小王子來買窩夫當早餐，而家唯有食左先，明天先再算。
我買左Mini Pack窩夫$48，但買左小王子和老公都唔食，我肚餓我食，同平時果啲冇咩分別。
Liège - 烈日 - Traditional Belgian Waffles (Sands Cotai Central)
營業時間：0900 - 2230
地址：澳門喜來登金沙城中心大酒店2樓瑪莎旁邊
問酒店職員邊到搭穿梭巴士去外港碼頭，指示去麥當勞果邊出口，然後去5號站，再係外港碼頭坐穿梭巴士去十六浦，落車行過去十月初五開餐。
間酒店都幾靚~路過。
南屏雅敘
營業時間：0630 - 1830
地址：新門新馬路十月初五街85-85A地下
網路推介：芝士蛋治、沙翁、 南屏治（叉燒蛋治）
鮮牛肉出前一丁：老公都滿意。
見去旅行小王子要飲汽水，就批准喇！
來澳門緊係要食豬扒包喇！但我食特別啲~豬扒菠蘿包，食完lunch就行過後面街再去食。
德豐㗎啡美食
地址：沙梨頭快艇頭街13號鏡興大廈地下
網路推介：香脆豬扒菠蘿包
入到去阿姐問堂食定拎走，我猶豫左一陣就話堂食，店內顧客不多。
香脆豬扒菠蘿包都覺得等得耐，心想應該是即整，等緊時老公叫多杯凍奶茶。
杯奶茶來到個杯與平時茶餐廳不同，老公就係話見到個杯咁先叫。
香脆豬扒菠蘿包：好好味，豬扒唔鞋，仲有好香蒜味。
奶茶：好有茶味，老公每日一杯都讚。
又食完一餐，咁鬼熱走去食個雪糕先。
老公鍾意食椰子味，好耐之前都想來試，但又唔想專登搵，今次帶埋小王子，佢鍾意食雪糕，所以來試下。
來之前同事話呢間唔好食，唔似雪糕，又冇椰子味，個心都想唔試，但又係我行程附近，都係來博一博。
試左小王子唔鍾意，我同老公都滿意，老公話可能同事上次來批椰子唔得，我覺得好清甜，味又唔太甜，可以再食，不過，一兜仔都要$25。除左雪糕，仲有其他椰子食品。
洪馨記椰子雪糕
營業時間：0900 - 1300、1430 - 1900
地址：果欄街14號澳門果欄街14號澳門果欄街14號
下站就去大三巴，雖然我地去過，但小王子未，等佢留低啲腳毛先。
行行下想知有冇捷徑，老公叫我返去洪馨記問下，原來真係有。
你面對洪馨記往左手邊行就會見到榮記，係黃色箭咀行入去巷仔。
上樓梯再向右手邊行 (有標示)，直行就見到〝戀愛巷〞。
〝戀愛巷〞之前睇開心速遞有來拍野，所以想來，而家有左小王子又係唔想專登為一個景點去，點知比我遇上~真有緣。
到此一遊後就行返去十六浦玩。
行到身水身汗，見到排隊叫老公走去排，然後我又問下工作人員，工作人員話有3點場，心諗3點，而家先差不多一點咪有排等，再問就話仲有一點，二話不說就拎左1點飛，然後墳表。
Angry Brids
營業時間：1030 - 2000
地址：澳門十六浦3樓
個場比想像中細
行動迅速！
跳彈床
架車好似細左啲啵！
小王子識到個蝙蝠俠澳門朋友仔，一齊玩得好開心。
原本諗住去到氹仔先去英記，點知去買花生糖時路過就入去睇下先。
小王子鍾意食蛋卷，又有老公鍾意既綠茶和蛋白，所以都買左幾盒，臨付款時老公見到有吊片，又買一包。
澳門英記餅家
營業時間：1100 - 1930
地址：澳門十月初五日街175號 (新馬路金碧文娛中心後側)
行行下落雨，我企係到睇地圖之際，老公話咪呢到囉！我傻下傻下到左都唔知。
花生糖有軟、有硬，老公和小王子都唔食，上次同事係硬，我今次買軟，除左呢2款，仲有其他款式。
肥仔記花生糖
營業時間：0830 - 1830
地址：澳門福隆新街鉅記對面車仔檔
由肥仔記一直向前行就到〝澳門冠環球手信〞，都係舊式店，一般澳門手信。
價錢都唔貴，又可以任試都冇黑面，我買一磅辣牛肉乾，仲問我要唔要分半磅一包，又幾好提下我，不過，反而貴既牛肉和豬肉乾唔好食。
營業時間：1100 - 2130
地址：亞美打利庇盧大馬路43號
買完出去就停左雨，行到街尾轉左手邊就行到下一個點，食爆漿流沙包。
買左個原味試，老公好飽都要佢同我share，因為我唔想肥咁多，之後仲要食架嘛！
個包packing靚，但同酒樓既冇分別。
Phoenix Lava Macau
營業時間：1100 - 2100
地址：澳門營地大街140-B號紅窗門大廈地下B舖
都差不多4點，我晚餐book左5點，要拿拿淋去餐廳，因為呢到去都遠，但我應承左小王子話去食雪糕，應該食唔到，佢好失望。
我個心都係想帶小王子去食雪糕，行到去議事亭前地，睇地圖行，見到司警一問原來行左反方向，時間冇多，如果有的士就直接去餐廳，沿路行有緣見到就食雪糕。
最終都係食到雪糕，呢到雪糕全自家製的。
其實，禮記雪糕飲冰專家係我個好朋友十多年前帶過我去，所以每次去澳門我都會去一次，呢個係情意結。
禮記雪糕飲冰專家
營業時間：1200 - 1900地址：澳門肥利喇亞美打大馬路12號
我同老公都食雪糕三文治，但係冇得揀味道。
小王子話個芒果雪糕好食，仲有芒果絲，應該係用新鮮芒果做。
食完雪糕都成4點半，邊行邊截的士，好在都趕得切。
我一早係Facebook訂位，但唔接受，因為太早，去之前2星期預訂就可以。
我地去到搵唔到我地個booking，我比facebook messenger對話佢睇，原來大頭蝦的我訂左29號，小王子好失望，而我就勁想喊。
職員話要等booking齊晒先知有冇位，而且樓上做緊生日會，好在最後都有位。
POLI CAFÉ 波力主題餐廳
營業時間：1100 - 2200
地址：澳門馬交石斜坡新益花園地下H座(俾利喇街交界)
好環保，用白板筆點餐，可以循環再用。
個場一眼睇晒，其實，我覺得冇咩野玩。
小王子只係玩呢個波波池都玩得唔捨得走，仲話下次要book 2日嚟呢到。
葡式海鮮飯：我都覺得好食，連唔食意大利飯既老公都讚，仲食左一半有多。
去之前已經同小王子講定，叫左野食可以出去玩，野食來到就要回來，食完先再玩，所以小王子食得好快，佢緊係唔可能一次食晒，但分左2-3次食。
出矛招
網上睇到有人late check-out一個鐘不另外收費，所以我問職員，佢立即指住我房卡匙套，原來已經寫左check-out時間係下午2點，可能我訂房時註明左係小王子生日之旅，所以有這個offer。
一入到房已經見到地櫃門打門，在雪櫃內擺個個蛋糕。
夜晚老公肚餓落左去酒店商場麥當勞，一個餐要六十幾蚊，比出面貴成倍，但都要食，9點幾唔通入餐廳剧個扒咩，緊係食快餐啦！
