煎蛋餅 (內附食譜)

我完成左個營養師療程好耐，前排食多左，keep唔住。

於是計劃了這個星期有5晚唔食晚餐，落返啲先，星期六就正常返。

不過，係第一日落左零點幾，之後磅數維持不變，所以決定明晚食返個輕食晚餐。

今日午餐整個煎蛋餅，可以飽啲先。

我未睇營養師之前午餐常常食煎蛋餅，但配料就唔係呢啲。

其實，煎蛋糕用咩配料都可以，所以我食譜的配料和份量都係比大家有個參考下。 

個底冇燶架！樣仲唔錯添啵！

煎蛋餅

材料：20cm平底鑊 (內徑19cm)

雞蛋                           3隻

洋蔥                           1/4個

紅蘿蔔 (連皮)           46克

雞脾菇                       43克

水                               1茶匙

黑椒粉                       少許

做法：

1.         洋蔥切絲，然後炒香，盛起。

2.         紅蘿蔔去皮切絲，加水炒腍，盛起。

3.         雞脾菇切片，煎至兩面微啡，盛起。

4.         雞蛋打散，加入洋蔥絲、紅蘿蔔絲打勻。

5.         燒熱油加入(4)，然後表面放上雞脾菇片，撒上黑椒粉。

6.         轉最小火，加蓋煎焗6分鐘，即成。