今日要去女同學仔婆婆家玩一日，安頓好一切就要出發，不過，男同學唔去，因為佢爸爸今日返香港。
我地又要轉酒店，因為本來今日走，後來老公又肯請多一日假。
我book這間係昌大昌附近，走既時候搭直通巴比較方便。
這間是我最滿意，全部職員服務好好。
台山禾酒店（He Hotel）
地址：舜德路131號昌大昌廣場商務樓右翼，台山
房間係以宇宙為主題的，這裡投射可以睇電視和電影，不用用自己電話射落去。
厠所與沖涼是分開的，仲有浴缸添！不過，我唔鍾意浴缸地下的石春成日take到我。
放低行李就出發，立即call車去，但行行下唔對路。
尋日去赤坎時，同學仔爸爸話呢到入去就可以去到女同學婆婆家，但都唔見果條路。
立即同師傅講，又打比女同學媽媽，溝通好後，師傅叫我地現在在程式付款先，因為計理數會好貴，然後到目的地再隨心比錢佢，佢話一定會送到我地到目的地。
入到村冇耐就見到女同學爸爸，我地落車轉車。
女同學爸爸話呢個村名有3個，剛才我地果個係去開平的。
去到女同學和她家姐就帶小王子去玩狗仔。
最後與主人一齊帶狗仔去她婆婆家玩。
玩完就食飯喇！大人與小朋友各自一枱。
女同學爸爸請我地飲原漿啤酒，原漿唔係品牌名，原漿冇記錯係啤酒第一浸，冇平時既啤酒咁苦。
女同學媽媽帶我去隔離屋買野，隔離屋整糕點晏少少去市集賣。
米漿砵仔糕，好似用粘米磨米漿做。
女同學公公以前係廚師，3種材料：粘米、水、糖，但份量我忘記左。
我地出去玩時，女同學公公開始整碌鵝。
女同學媽媽話這個傾斜左百幾年，之前電視台都有來採訪，又有人來打卡。
由斜雕樓行上去就到六道，呢到可以踩單車。
女同學話去程佢踩，回程就到小王子，但小王子冇耐性，所以女同學載佢。
紅色單車係女同學家姐，佢借小王子玩下。
熱身先。
嘩~如花丫！
去左另一道。
我地行到去岡寧鵝城了，這裡有好多電影都係到拍。
大家都好熱，女同學爸爸請大家飲野。
小王子與老公踩單車回去，而女同學與她爸爸等公公開電單車來接佢地，然後女同學爸爸取車，就開車來接我地。
我地又影下相先。
玩到天黑才回去食飯，女同學媽媽買左糕點分左2份，我與男同學媽媽每人一份，真係又食又拎。
多謝女同學爸爸開車載我地回酒店。
我地放低野就落去昌大昌行下。
不過，夜行行下商場就關。
想食宵夜，但又冇咩好食，見到呢間有老公鍾意既椰子，所以就買一個試下。
我與小王子都鍾意，但醃尖老公話一般。
椰一只
地址： 台城街道舜德路131号金茂广场商业楼1038-1室
小王子例牌浸浴，又玩浴球。
今次浴球係淘寶買，與香港的沒分別。
沒有留言:
發佈留言