中秋假遊深圳@2025

上星期初，肥細老約我星期五、六北上，但星期六早已有約，所以我推了。

上星期五，老公電話突然出現一條綠色線，仲要越來越闊。

上星期六，老公叫我問下華強北相熟的維修費多少？對方回覆換屏就可以，建議不影響使用就這樣用着。

上星期日，老公在家附近問左整電話維修費，比華強北貴一倍。

老公決定去華強北維修，而我就約好維修店。

最快北上是兩日後的今天，我就問肥仔老有冇興趣join我地，回覆當然OK喇！

當晚回娘家後，立刻寫好行程，肥細老要求只是去華強北買遊戲機，而弟婦就係去山姆入貨。

咁我就叫老公去搵下電視盒子資料，有啱嘅就買，我可以煲劇。

今次我哋大家都係經皇崗口岸過關，所以相約10:00喺皇崗口岸過關後等。

過關後立即去整電話先，因為問左要一小時維修時間。

家家通維修

地址：深圳市福田區華強北遠望數碼商城1010 

地鐵：華強北站 （B 出口）

放低電話就去飲咖啡先。

這店之前深圳朋友帶我嚟過。

Peet's Coffee皮爺咖啡(華強北茂業店)

營業時間：週一至週四 07:00-21:30、週五 07:00-22:00、週六至周日07:30-22:00

地址：華強北路2009號茂業天地L1Peet’sCoffee皮爺咖啡茂業天地店

地鐵：華強北站 （B 出口）

等咖啡期間，周圍影相。

餐牌

老公唔飲咖啡齋坐，佢而家好啲，以前聞到咖啡味都會嘔，可能而家慣咗。

肥細老要飲冰樂，即是沙冰咁樣，差不多落晒焦糖，佢話甜。

大姪仔就飲澳白。

小王子要飲甜的，問左店員就推薦焦糖燒拿鐵，不過，佢的焦糖要帶走，就拎左少少肥細老得焦糖加入咖啡。

澳洲小白-澳白杯¥34

焦糖烧拿铁爽冰乐-大杯¥42

焦糖烧拿铁-标杯¥38

我地消費到達了一定金額，所以送咖啡杯，但杯大家都沒用，所以就揀左罐伯爵太妃糖。

娣婦想試航海花蜜榛果风味拿铁，咁啱我都想試，咁就一齊試，仲剛好買一送一。

這杯咖啡我地都很喜歡。

航海花蜜榛果风味拿铁 ¥39

店外還有座位，可以吸煙的。

飲完咖啡就返回睇下電話維修好沒有，結果還沒修好，仲見到好多人等緊，生意極好。

咁我地就去食午餐先，佢地維修好就會發微信給我。

老公想食火鍋，所以我就搵到中航這邊有。

潮發潮汕牛肉店(中航城君尚店)

營業時間：11:00-22:00

地址：華強北街道華航社區中航路1號中航城君尚購物中心D區3層1號-L335鋪

地鐵：華強路站 （B出口）

我係大眾點評買左個4人套餐，唔夠食先再另外order。

套餐盒酸奶的奶味好蘇，後來才發現原來可以換可樂的。

鮮牛丸4人套餐¥279

鍋底

牛骨清湯鍋底 （1份）

主打鮮牛肉

吊龍肉 (1份)

三花趾 (1份)

肥牛肉  (1份)

匙仁肉  (1份)

鮮牛丸  (1份)

牛腩  (1份)

素菜

水果玉米 (1份)

貝貝小南瓜  (1份)

時蔬 (1份)

生粿條 (1份)

飲料

食在廣州酸奶 (1份)

醬料費

醬料費 （4份）

備註

【食在廣州酸奶】對乳糖不耐受、過敏者可聯繫店員，將酸奶免費更換為可樂哦！

娣婦和我一齊去拎野飲，因為怕叫美團會好耐才送到。

小王子唔舒服，所以冇飲，只有娣婦和大姪仔order。

現在小王子每次夜瞓，第二日早起就會出現冇胃口又想嘔，已經瞓話左佢，下次要早瞓。

广西茉莉绿茶（大杯）¥6

水果珍珠粒粒橙 （中杯）¥12.5

煲珠公·老紅糖珍珠奶茶(中航城君尚店)

營業時間：週一，週二，週三，週四，周日10:00-22:00、週五至週六10:00-22:30

地址：華強北中航城君尚購物中心B區負一層B115-1.a鋪（負一層麵包新語隔壁）

地鐵：華強路站 （B出口）

肥細老呢杯野真係搵左好耐，最後要問美團小哥才搵到，返到去杯沙冰都溶左好多。

海红山楂酸奶奶昔¥21

茉酸奶（深圳中航城君尚店）

營業時間：09:00-22:00

地址：华强北街道华航社区中航路1号中航城君尚购物中心-1层B191

地鐵：華強路站 （B出口）

我和娣婦去拎嘢飲嘅時候，佢地試過好食既再加單。

呢到加湯時會用個牌擋住，咁又幾好，唔會彈到。

我地差不多用膳完畢的時候，我就微信一下維修好沒有？回覆維修我已經完成。

返去取回電話就去賽格廣場睇電視盒子和遊戲機。

首先去經濟大廈睇下先，原來2樓係可以通去隔離的大廈。

賽格廣場

地址：廣東省深圳市福田區華強北路1002號

地鐵：華強北站 （D1 出口）



老公來之前已經係YouTube睇左介紹，已經有心水，所以就去返佢心水店睇。

試過機後就買下了，咁我返去就可以煲劇，而老公就可以睇波。

嘉米智能工廠店

地址：賽格通訊市場經濟大廈B13號鋪

地鐵：華強北站 （E1 出口）

肥細老都搵到佢想要的遊戲機，但等緊店主幫佢update，間店生意極好，不停有人問野，又同一時間極其他機，所以我地都係離開一陣轉頭再回來。

大家都企到攰，叫佢地係到等我，等我就周圍搵吓有冇地方坐，去到華強電子世界有茶飲店，但是露天的，落地下街又搵唔到有茶飲店，唯有行返去搵佢地。

店主話等多30分鐘就攪掂，夠鐘我地又行返去，點知還未得，就繼續等。

等等下小王子去打機，因為店家有好多機擺出來比人試。

小王子起初唔鍾意玩這款機，玩玩下就喜歡上，因為佢話搵到個手感。

我地走既時候，佢話對手好攰，咁樣吊住手玩緊係攰啦！

肥細老買左一部遊戲機和兩個手掣，主機我沒有講價，但手掣就有，然後再係總數到再減少少，雖然減得不多，但都滿足，我都好耐冇講價了。

魔咔咔

地址：深圳市福田區華強北路1046號賽格經濟大廈1樓1D10

地鐵：華強北站 （E1 出口）

我見小王子狀態回來了，就問佢飲唔飲煲珠公，佢笑晒口。

老红糖珍珠奶茶（中杯）¥11

红茶（大杯）¥6

煲珠公·老红糖珍珠奶茶(印力中心店)

營業時間：10:00-13:00

地址：广东省深圳市福田区农林路69号印力中心负一楼B1-P04-01号商铺

去煲珠公拎野飲就出向隔離的山姆進發。

金湯花膠好飲，但老公話好多味精，所以冇買，但娣婦買咗用來打邊爐。

小王子試食左金奇異果和花卷都好味，但奇異果太多唔想拎，而花卷雪櫃又冇位。

桂格燕麥想買，但睇過營養標籤都好Heavy，所以都係放棄了。

山姆會員商店（福田店）

營運時間：07:30-22:00

地址：林路67號印力中心1-2樓

地鐵：僑香站（A 出口）

今次提子唔好食，而Ritz脆片好食，但味精太多，其他味道就一般。

最後就買左這些，今次老公終於肯試牛肉卷了。

原本晚餐食串燒，最後唔想行就去印力中心食，而且食完又可以係的士站試車去皇岡口岸，不用call車。



剛才拎煲珠公時已經齊齊行左一轉睇下食咩，佢地就揀左歌志軒。

歌志轩·名古屋拌面(印力中心店)

營業時間：11:00-21:30

地址：农林路69号深国投广场负1楼42号

地鐵站：僑香站（ A出口）

肥細老讚麵好食，仲叫我試下，不用了，我之前已經食過幾次了。

大满足秘汁拌面¥49

山野杨梅汁¥9.9



娣婦和大姪仔叫左同一款。

歌志轩秘汁拌面 ¥42.8

我當然order豬軟骨，但我覺得麵冇撈麵咁好食，撈麵的麵係粗，而湯麵是幼。

秘制猪软骨汤拉面¥56

老公要辣既。

火神浓厚豚骨汤拉面¥49



小王子話食唔晒，點知全部食晒，佢好鍾意食呢間拉麵。

十时浓厚豚骨汤拉面¥45