OAO藝術空間

今日和明日都是小王子的學校假期，好耐冇與他出走，所以今日與他拍拖一天。

早上出門天色都OK，點知搭大學站開始落雨，弊！今日冇帶傘，仲要越落越大添！

雨落下停下，好在去到落馬洲沒有落雨了。

今日影相目的地係福永地鐵站，由落馬洲搭地鐵車程都要54分鐘~真的很遠。

搭車途中又下起雨來，又是落下停下，點知出地鐵上到地面又下雨。

我地站在地鐵站口等，因雨勢越落越大，後來小王子見雨勢弱了，就提議出現。

我地冒著雨行，但雨勢又開始強勁。

突然記起，我袋中有2個保溫袋，就用它來擋雨吧！

好不容易到了目的地附近的咖啡廳，叫小王子快快跑入去，不幸的是當我進去見到店內很多人似是有活動，於是與小王子離開咖啡廳，我在店外門口才看到當天開班暫停營業。

唯有直接去目的地，落雨不想行錯路，就開導航，但有點疑惑，記起剛才見路過到2個美團帥哥在避雨，於是行回頭路問路。

團帥哥好像也不太懂，我就拿地圖給他看，他知道了還指點了路。

我係小紅書見到這地方唔錯，但樓主都講專登來就不好，路過順路就可以，因為地方不大。

當日十點幾就到了，12點幾就走，時間包括食搵地方食早餐、影相和自拍，都是2小時到。

其實，影相應該一小時內就可以完成，因為只是得2-3條巷有野影。

OAO艺术空间

開放時間：09:00-19:30

地址：深圳市宝安区福洲大道福海工业园

地鐵站：福永站 (F口)

邊影邊搵咖啡廳，但只是得2-3，最後都係去左瑞幸咖啡。

小王子叫野飲加購麵包平啲之餘要立即付款，我都想食可頌，但幫小王子點完就售罄了。

火腿芝士蛋香可頌¥10.9
生椰冰震農縮¥9.9

我食唔到可頌唯有食吐司，冇理由食菠蘿包架！

椰加雪菲．拿鐵¥19
海鹽芝士吐司¥7.9

麵包想加熱，但店員回覆，沒有加熱的服務。

瑞幸咖啡(智美汇志店)

營業時間：0700-2200

地址：福永社区福海工业区B2一层106室

我享用完早餐就放下小王子，佢慢慢嘆早餐和打機，而我就去影相。

待我影相時就猛太陽，真係曬到死。

影完就回去找小王子，然後與他影幾張相就離開。

我地下站就去食lunch。



這店有落場時間，所以2點前要到，幾驚趕唔切。

我好鍾意睇頭文字D，而且不只一次，而且小王子都喜歡睇。

店內電視會播放頭文字D電影，但沒聲音的，小王子睇到好入神。

藤原料理店(头文字D元素店)

營業時間：周一至周五 11:00-14:00,17:00-22:30、周六至周日 11:00-15:30,17:00-22:30

地址：南山區工业八路225-12号花园城三期4栋1楼商铺

地鐵：四海站 (A 出口)




從未食過咁難食，麵入口感覺未熟，但食落又一pat pat，總之難食。

難食，但又上得慢，等左好耐先有得食，大家食左半碗就走人。

怪唔之得，入到店內一個客人都沒有，等我仲以為差不多完lunch，所以冇人。

豬骨拉麵¥38

地獄拉麵¥38

茶味¥3/位



我地搭地鐵返會展中心站，小王子去領展中心城的反斗樂園。

這裡有3部Pokémon 機，左邊第一部寫明係每人一局，另外兩部就玩到上手走才到你，今次見到果2部亦都貼了大字報，可能之前太多誤會。

現在這間Pokémon 貴了要20個弊一局。

反斗乐园(领展中心城店)

營業時間：周一至周四,周日 10:00-22:00、周五、周六 1000-2230

地址：福華一路3号領展購物廣場M層64B

地鐵：会展中心站(B 出口)



小王子得到M波，但呢隻佢有2隻，所以佢唔要，隔離聽到佢問可唔可以佢比錢要左佢，當然可以喇！



小王子想飲野又想要要《星巴克冷變鋁杯》，杯是隨機的，指定兩杯飲品加¥29.9就送，所以我用美團落單，然後自己去拎，小王子就繼續捉Pokémon 。

冷萃冰咖啡¥38
紅顏草莓椰椰星冰樂¥41

星巴克(深圳中心城店)

營業時間：0700-2200

地址：福华路领展中心城G层FG012号

地鐵：会展中心站(B 出口）



我返到去小王子同我講佢捉到2隻4星，而我都捉到一隻4星。



剛才增值一定數目有禮物，就送左隻企鵝。



好耐冇見過交換大叔，點知都係換唔到好野，浪費左20個弊。



今次小王子捉Pokémon 捉到佢唔捉要走人，因為我地唔趕時間。

跟住走左去煲推弊機。



玩到唔想走，又走左去玩賽車。





尾站去皇庭盒馬買酸奶，亦都買左老公話好食的車厘茄，小王子又想試下蛋卷。

我買2支酸奶，推推員話3支送一隻碗，我話不用了，最後她都送了給我。