酒店隔音唔得，今早在房內聽到外邊的講野，雖然內容聽唔到，但聲音都唔細。
早上10點就Check-out，因為食早餐間店開10:30。
每次上來都會買咖啡飲，因為平和好飲。
小王子都跟左我飲咖啡，佢揀左Manner Coffee的輕芝士冰拿鐵 ¥25。
Manner Coffee
營業時間：周一至周五 07:30-22:00 周六,周日 09:00-22:30
地址：广培社区高尔夫大道8号观澜湖新城MHMALL1栋L108-2号
我揀左M Stand的奶油話梅拿鐵¥38，但有優惠卷，實付¥25.08。
M Stand
營業時間：周日 08:30-21:00 周五 07:30-21:30 周一至周四 07:30-21:00 周六 08:30-21:30
地址：高尔夫大道8号观澜湖新城2a栋SL106号（星空广场小火车旁边）
最後我與小王子交換了杯啡，因為我的比他甜一點，但我杯是少糖，他的是正常，如果我杯是正常糖一定會好甜。
每次去卓悅中心的鮑師傅都會經過〝马记永·兰州牛肉面〞，老公每次都想試，但冇機會。
今次見到呢到有就去試，果然好味。
麵的粗幼都有好多款，仲見師傅係即場拉麵。
老公鍾意免費添飲的紅棗茶湯。
马记永·兰州牛肉面
營業時間：10:30-21:00
地址：高尔夫大道8号观澜湖新城MHMALL负一层149号
大片牛腱子蘭州牛肉面 ¥26 (走辣)
酸辣小木耳 ¥12
四宮格小菜 ¥18
紅燒酸菜蘭州牛肉面 ¥36
牛肉夾镆 (個) ¥15
小王子係都要攝埋來。
我唔係要入去玩機動遊戲，而係去另一間店玩。
观澜湖生态运动公社-售票处
地址：观澜高尔夫大道1号（观澜湖地铁站A口步行120米）
我地要去玩卡丁車，不需要買門票，只要買卡丁車門票就可以。
入門口行直啲就見到有機動遊戲，但就逐樣付款。
不過，除機動遊戲外，其他都不用付費，可是小王子唔喜歡沙，所以冇去玩。
再行入去就見到〝卡魯冰雪世界〞。
其實，小王子都唔多想來呢到，因為佢想去〝Q-Kart〞。
老公就想來，因為這裡是用油的，車會快好多。
我地買左3款票，兒童票¥68、成人票¥128和雙人座票¥178。
漂卡E族卡丁车
營業時間：09:00-18:00
地址：广培社区高尔夫大道高尔夫06T0041号101
我自己一架車，小王子就同老公一架。
睇下小王子幾開心，但坐完之後唔鍾意，立即扁咀。
- 爸爸唔比我渣。
- 轉到頭都暈。
- 比人撞。
到小王子去玩小童的，個樣唔多想玩，仲渣得好hea。
我見佢咁樣，就問佢去唔去〝Q-Kart〞，佢立即笑晒，好咁轉場。
之前係Facebook見過，估唔到我會親身見到，如果小王子話玩，我都會比佢試玩。
尋日想食，但唔夠時間，所以就今日先試。
不過，估唔到好大碗，如果知道咁大碗就叫一碗就夠，最終係食唔晒既。
其實，兩碗都好食，但我地都係覺得楊枝甘露比抺茶好。
楊枝甘露綿綿冰 ¥40
紅豆芋圓抺茶綿綿冰 ¥41
杨小贤
營業時間：11:00-21:30
地址：高尔夫大道观澜街道观澜湖新城3楼
甜品到齊就與老公去取回行李，我地將行李寄存在商場的儲存櫃內，當然要付費，但好平。
我租左一個中櫃，因為可以放得下2個20吋喼。
觀瀾湖新城行李箱的儲存櫃
地址：觀瀾湖新城MH Mall L2層L222及L223店舖之間的走廊內。
收費：
小櫃 X 6個 ¥2/小時
中櫃 X 5個 (可放20-22吋行李箱) ¥3/小時
大櫃 X 6個 (可放24-28吋行李箱) ¥4/小時
掃QR Code後，照指示就可以，我揀左3小時。
返到去見到小王子好努力。
小王子去返主場，即刻開心晒！
Q-KART卡丁车
營業時間：周一至周五 14:00-22:00 、周六,周日 10:00-22:00
地址：民康路1号龙华名车广场Qpark天台球馆
跟住就緊係去8號倉喇！呢到都有存放行李，就係客服服務台果邊門口。
這裡是免費的，要付按金，但你取回行李時，按金立即退還。
櫃也有分大、中、小櫃，不過，每櫃只可以放一個，因為櫃唔夠深。
又是掃QR Code按步驟就可以了。
Call左車，等緊車時，小王子又走去玩。
今次都係住返暑假住過的〝桔子酒店〞，因為價錢好理，服務好，每房包2位早餐，雖然食普通野，都好唔駛我買定早餐。
間房比上次好，我好滿意，但小度今次就唔多聽話，可能我啲普通話太屎~哈~哈~！
桔子飯店（深圳福田會展中心店）
地址：深圳，福田區，彩田南路2032號海天綜合大廈 (地鐵：岗厦站 E 出口)
放低行李就出去食晚飯了，咁啱碰機械人送餐。
呢間野我都唔記得係大眾點評定係小紅書搵到，剛開舖，所以未有客。
整體環境和味道都OK，係價錢就貴左少少。
店內有厠所，係地下和上層的中間，是男女共用的。
丰豪烧烤大排档·生蚝(福祥店)
營業時間：17:30-04:00
地址：福祥街10号（7号线赤尾地铁D出口西行180米）
我地坐低叫緊野食，突然有職員問我地有冇抖音，只要關注就送糖水，但我地沒有，她就走了。
我都想登記抖音，但用國內電話登錄唔到，最後放棄了。
職員又走過來送上2個芋頭西米糖水比我地，真係好，兜糖水好味。
食串燒緊係要飲可樂和啤酒，這是常識吧！烤魷魚忘記左個名和價錢，味道係小時候戲院門外的烤魷魚。
餐位 (3個) ¥3
紙巾(包) ¥2
蒜蓉烤生蠔 (4隻) ¥15.9
粉絲蒜蓉大元貝 (2個) ¥19.9
潮汕炒花甲 (份) ¥42.9
蒜蓉烤聖子皇 (份) ¥58
熱狗 (串) ¥6
蜜汁黑土豬五花肉 4串 (份) ¥16
蒜蓉秘制烤雞脆骨 5串 (份) ¥23.9
牛油烤甜玉米 (條) ¥12.9
土豆片3串 (份) ¥12.9
比行時小麥精酿 (瓶) ¥16.9
罐可樂 (罐) ¥6
招牌桂花蜜汁雞翅 (個) ¥11.9
肥牛金菇卷 (串) ¥7.9
焦脆小蜜排 (份) ¥22.9
小王子好鍾意食呢隻瓜子，佢話同學仔小息請過佢食。
食完飯時間尚早，諗住早點回酒店，夜啲就叫美團宵夜。
我估唔到老公話去山姆，原本去前海店，咁而家就去近啲，印力中心店。
老公怕明天去開卡會多人有排等，見現在有時間就去申請左先，其實，辦卡好快，係人多要等。
我立即上大眾點評睇下點去，我農林站出一條直路行過去，沿路都有人手持山姆購物袋。
我地去8點幾去到，用左一個小時多就完成任務。
山姆會員商店 (印力中心店)
營業時間：0730 - 2200
地址：農林路67號 (印力中心旁)
備註：地鐵2號線侨香站A口
今日買乾貨先，明天去前海才買凍品。
返到酒店樓下有刮獎卡，小王子成日都話要刮，今晚就每人一張喇！
只係我唔中，兩父子每人中左¥20，即是佢地打個和。
頭先食完晚餐叫埋美團鮑師傅先離開，好快就送到酒店。
第一次用美團叫宵夜，老公想食花甲粉，已11點有好多都關門，終於搵到一間都算近。
花甲粉+魷魚+生蠔+可口可樂 ¥39.8
鮮品花甲粉 (福田店)
地址：深圳市福田區福田街道岗廈社區岗廈村東二坊75號101
