尋晚返酒店夜，加上要換房，終於住返我訂的房型，攪到3點幾先瞓，所以兩父子還在睡，唯有我獨自食早餐。
早餐好似與桔子差不多，但覺得桔子食得飽。
大約半小時後電話響，是小王子打比我，佢餓醒了~快來，還有半小時可享用早餐喔！有你陪伴真好。
老公當然還在呼呼大睡。
我地上深圳太密，所以都唔知去邊到玩，問過小王子想去邊，佢話想去動物園，今日我就安排去動物園。
動物園很好找，地鐵上地面就會見到個牌，轉入去見路就行，動物園就在遠處的右手邊。
我記得Trip.com有入場卷，於是問職員可以用嗎？我就即場用Trip.com買，每人HK$95 (港澳同胞，大小同價)，比係售票處抵。
深圳野生动物园
營業時間：09:30-17:00
地址：西丽街道西丽路4066号 (地鐵站：西丽湖站 B 出口)
入去就買小火車票，戴上手帶，可以全日任搭，只係在車站上落車就可以。
你想睇咩動物就係果個站下車就可以，上車就係返站上車，但是是單一方向的。
成人、1.5米以上兒童 (多次) ¥40/人
身高1.5米或以下，65歲以上 (多次) ¥20/人
成人、1.5米以上兒童 (單次) ¥30/人
身高1.5米或以下，65歲以上 (單次) ¥15/人
首站就去左猛獸谷想餵老虎，但售票員話NO.7 & 8的閘壞左，暫時不售票，我都見有人走過來話等左30分鐘還未上車。
我地就坐返小火車去總站，然後由頭開始行。
週圍行見到有個〝動物與地震科普館〞就入去睇下，Reception旁有隻獅子標本，地下層有小遊戲和一些細動物的標本。
上2樓都係有小遊戲玩和標本，但標本就係大Size的動物。
園內睇左一啲動物。
小王子要去餵斑馬。
佢餵得好開心。
佢餵2隻細班馬，但有隻大班馬過來爭食。
餵班馬前去左長頸鹿園區，但未夠鐘餵要2點先開始，所以去左班馬果邊。
長頸鹿要¥20一份，但餵的份量不多，剛才問左職員，如果4點回來可以餵嗎？佢話餵完這簍就沒有了。
有啲長頸鹿唔行過來。
小王子唔多夠高。
餵完就等小火車去大熊貓站睇企鵝，但睇之前要去食野先，因為老公起身到而家都未食野，已經下午2點幾了。
我地係猿猴餐廳用餐，叫左2個餐，牛肉漢堡和雞肉漢堡餐，套餐有雞塊，估唔到2個餐都好食，係杯汽水細啲。
好~起行去冰雪世界睇企鵝，入到去先知原來係要¥30租衫入去，所以冇入到去，返去猛獸谷睇下。
去到猛獸谷就有3隻老虎歡迎你，餵老虎體驗排長龍，每人¥50。
老公排隊，我和小王子周圍行下。
終於等到排到買票，收電子支付，但呢到訊號唔好，收左一個就唔得，唯有付現金。
買票仲要等，等左一小時才上到車，車上已準備了生肉。
除左餵動物，仲有機動遊戲，但就要逐樣收費，還有馬戲表演和其他表演。
小王子仲想去星際傳奇，就去领展中心城的反斗樂園，是星際傳奇同一集團。
原本排緊Pokemon，見前面個小朋友玩完又玩，於是我就問職員，原來國內係你玩幾多鋪都可以，只要是輪到你就得。
我地立即放棄唔玩，咁樣會等到天荒地老。
反斗乐园(领展中心城店)
營業時間：周一至周四,周日 10:00-22:00 、周五,周六 10:00-22:30
地址：福华一路3号领展购物广场RUG层064B
呢個遊戲比較容易出票。
我地行左去皇庭廣場，補償返頭先等Pokemon，買杯珍珠奶茶比小王子先，當然老公都有份。
老紅糖珍珠奶茶 ¥11
煲珠公·老红糖珍珠奶茶(皇庭广场店)
營業時間：周一至周四,周日 10:00-22:00 周五,周六 10:00-22:30
地址：福华三路皇庭广场G层E102号
這間網紅，下次要試下。
我要去盒馬買酸奶，盒馬裝修過，現在好過之前好多。
現在卡士買4支酸奶，就送一套碗碟。
今早收到同學仔媽媽通知，佢今日都上皇庭廣場的盒馬入貨，所以我地係盒馬見左一面。
盒马鲜生(皇庭广场店)
營業時間：周一至周四,周日 10:00-22:00 周五,周六 10:00-22:30
地址：福华三路118号皇庭广场B1层
小王子話唔食晚飯，然後又話食，唯有求其揀一間。
博多一幸舍(皇庭广场店)
營業時間：福华三路118号皇庭广场B1层
地址：11:00-21:00
這裡的是自選配菜，當然是逐樣收錢，拉麵只有一塊叉燒，而且叉燒很薄的。
我和小王子share，所以加麵，碗中的配菜都是自己選購的。
豚骨拉麵 (原味博多拉麵)
黑拉麵 (黑芝麻炸蒜油味)
博多一口餃子 5個 ¥20
博多炸雞塊 3個 ¥20
我又叫左山姆極速達。
今次收穫滿滿，2個細行李箱、3大袋，仲有我和小王子的背囊都有。
