拍拖26周年@Day 1

每年呢段時間都係預早慶祝我與老公的拍拖紀念日。

今次去珠海+澳門，不過，4日都係住係珠海。

我地有上次的經驗，所以今次搭機場巴士去港珠澳大橋去珠海，感覺上快過之前，因為唔駛左等右等。

我地係自助售票機購票，可以用電子支付，但小朋友就一定要用八達通付款。

上次住〝珠海棕泉水療酒店（拱北口岸高鐵站店）〞都好滿意，但現在價格升左一點，所以搵間再平一點的，最後就搵到〝珠海拱北口岸富華里宜必思尚品酒店〞，附近有2個商場，去其他地方都方便。

我記得次前去韓國都有朋友介紹住宜必思，可惜貴，但珠海的價格OK，所以就選它。

我在口岸沒有call車，直接搭的士去酒店。

珠海拱北口岸富華里宜必思尚品酒店

地址：九洲大道西1048號, 香洲區, 珠海

酒店大堂整潔，乾淨，還有聖誕樹，休息的地方有棋，而且有BB玩的玩具。

前台有糖果，旁邊亦有爆谷和熱茶是免費的。

我問職員可以要爆谷嗎？立即就弄一杯給我，還提議在聖誕樹旁影相好看。

前台對面就是酒店用餐的地方。

房間大，因為我地付貴一點訂大一點的房，唯一挑剔的是洗臉的地方在外面。

房卡好靚，但一張原來是專屬插上通電的，所以外出時叫前台比多張房卡。

入門口左邊是厠所，右邊是洗臉的地方。

老公話USB位都多，雪櫃內的氣水是免費的，而且每日會添加。

北山大院

上次已經想來，但沒有時間，今次有機會就來影相和食午餐。

我問左老公想食咩？佢話食越南，想食生牛肉湯河，但這間令他太失望。

越南生牛肉粉¥39（右）：老公話唔好食。
越南熟牛肉粉¥39 （左）：小王子唔鍾意香料味，只係食咗一半。

雙蛋打拋豬肉飯¥32：我這個飯辣帶酸～好味，雖然辣小王子情願食我的飯，也不吃湯河。

椰青¥23（小王子）
紅奶茶¥13（老公）：老公話唔好飲。
越南雞蛋咖啡¥23（我）

PHO Ml·越南河粉(北山店)

營業時間：11:00-21:30
地址：北山村北山正街68号（请导航至“北山居”）





剛食飽的我又再食，因為我非常喜歡酥皮的食品。 

這店是打卡點，也是餐廳。

油屋•千与千寻日式主题餐厅
營業時間：12:00-14:30、17:00-20:30 (星期三休)
地址：北山村北山南街29号（在古巷貓咖啡隔离）

這店是食店，也可以購物。

旧物仓
營業時間：11:30-20:30
地址：北山正街原北山西元内

這幅壁晝在舊日倉對面。

少少一條街，勁多人來打卡，尤其是Cosplay角色。

新苏豪财富广场

地址：广东省珠海市香洲区拱北街道港一路3号

本想晚上來的，但係在新苏豪财富广场影完相在廣場外坐左一段時間，因為兩父子都話唔餓，最後都係行去白石橋，從這行二十分鐘內到。

我叫小王子幫我影個背影。

白石桥观赏平台

地址：广东省珠海市香洲区前河路348~350号





白石橋好快就觀賞完，於是又行去晚餐的地方，但大家都行到好攰，剛好見到有共享單車，仲有有後座的，小王子就可以搭老公的順風車了。

我掃碼後要登記，但係要證記身份證，所以唯有靠自己雙腳了。

這款共享單車都係第一次見，下次問下深圳朋友香港人點可以用到共享單車。



這店與上次的酒店好近，上次來就方便好多。

我睇小紅書介紹，話王嘉爾也推薦來探店，果然沒踩雷。

食物有好食，又有一般，但整體好食。

颓记茶餐厅(夏湾店)
營業時間：11:00-20:15
地址：粤华路侨怡园西南门北20米




鹹檸七¥11
茶走¥12

黯然銷魂飯¥30：叉燒好食，但飯多左點水。

一口西多士¥20：奶味淡一點就完美。

乾炒牛河¥29：美味，鑊氣夠。

混醬豬腸粉¥15：都好食，但覺我阿Sir的好食一點。



我見時間尚早，所以就去富華里，等小王子去反斗樂園玩。

老公陪小王子去玩，而我就四周去影相。





這裡捉Pokemon都有規則，咁就不用等到天長地久才有得玩。

反斗乐园(富华里店)

營業時間： 10:00-22:00

地址：地址：九洲大道西2055号富华里12栋2樓-01



今晚的收穫。



小王子要食埋甜品就回去。

DQ·蛋糕·冰淇淋(富华里店)
營業時間：周一至周四10:00-22:00、周五至周日10:00-23:00
地址：九洲大道西2033号中海富华里6栋113







我地由富華里行返酒店都係十幾分鐘。



老公又要食宵夜，又叫美團，由機械人送上來。



兩父子又食花甲粉做宵夜，仲要加餸加到滿碗，仲可以飲酒店免費汽水。

錫紙墨魚丸花甲粉+杏鮑菇套餐¥22.28

額外加
加生蠔（50克）¥5.9
加鵪鶉蛋（4個）¥3.8
加牛筋丸（ 50克）¥3.8

品甲王錫紙花甲粉（鴨血粉絲湯）
地址：珠海市香洲區拱北夏灣東升西街57號