園博園

之前報了名今日開班，但上星期收到通知班已滿，不過還有一個人未繳付學費，今日是期限，如果沒有繳付就到我補上。

第2日收到通知等不到了，職員再話如果有人退班就我補上，結果又係一場空，所以我自已走去散心先。

今日我去園博園內滙芳园影三角梅，但原來很少，又被小紅書騙了。

園內有些地方維修，有啲地方有湖，但乾了，感覺好多地方好似荒廢似的。

園內分東，南，西，北共4個出入口，我由東門出入，行了差不多一圈，共行了4小時。

我家中兩位老闆落單，食完lunch就開始為兩位老闆張羅，走了幾個地方將訂單完成。

早餐在附近的Coffee Shop開餐，店內很熱，我望向頭頂的冷氣機是沒有開的，好在我帶了風扇。

這店的烘焙應該都是買回來，全都放在冷藏展示櫃內，並且是在塑料盒內。

名典咖啡·全时段餐吧(竹子林店)

營業時間：09:30-22:00

地址：竹林社区紫竹七道17号求是大厦110号铺

地鐵：竹子林站（B2出口）

我叫左個套餐，三文治是半份蛋沙律、半份芝士火腿，另外加多隻可頌。

等左好耐三文治都未有，我去追，店員有點愕然，才發現漏左，立即放入微波爐叮熱俾我。🫢🫢🫢

都明既，通常都是一個包和一杯飲品，估唔到有人食2份包。🤣🤣🤣

经典三明治组合+牛奶 ¥35，拿铁，热 +¥3

原味可颂 croissant ¥18

飲完個拉花有點走樣。

我由東門入，東門比較近匯芳園。

園博園

深圳国际园林花卉博览园

營業時間：06:00-23:00

地址：广东省-深圳市-福田区-香蜜湖街道香岭社区深南大道竹子林段8002号

地鐵：竹子林 （B2出口）步行到東門

見到它就代表差不多入園，由左邊入。

經過綠色大閘再向前行，到了分岔路行右邊，亦都有個指示牌寫去”匯芳園“。

沿途影下相，亦見到幼稚園旅行團。

匯芳園

入到去失望，地邊不大，花不多，但人好多。

離開匯芳園又周圍行下。

中間個池都沒有水了，感覺荒廢了。

室外智能健身房門口的牌上方寫住深圳市文化廣電旅遊體育局，下方是中國體育彩票。

離開時發現從這裡望出去仲靚。

大眾點評話購物中心站E出口，但之前從地鐵購物中心站內行去E出口，真係好遠，所以我從C出口出，然後由商場行過去比較近。

飯大碗，好好味，但好多味精。 

幸福满满牛丼烧 ¥68 

餐品包含：菜品详情主食，温泉蛋，汤，泡菜 

備註：飯、湯、配菜可以無限添加

大馥 · 烧肉丼饭(CoCoPark店)

營業時間：11:00-21:00

地址：福田街道福华路星河COCOparkB1层(南华茶室旁边)

地鐵：購物公園站（ E出口）

每次必買，小王子很喜歡吃凍乾草莓脆。

凍乾草莓脆 ¥23.18（84g） （¥138/KG）

芒草乾 ¥52.37（392g)（¥66.8/KG）

薛记炒货(星河COCOPARK店)

營業時間：10:00-21:00

地址：福田街道福华三路268号星河COCOPARK购物广场BIS-001A1-B1-W10-149

地鐵：購物公園站（ E出口）

這店開張初期需要排長龍，現在不用，但店內仍多人，用餐區都滿座。

我入去逛一個圈，買了抺茶產品比老公試。

抹茶半熟芝士糕點 ¥40

好利来(星河广场店)

營業時間：10:00-22:00

地址：福田街道福华三路268号星河COCOPARK购物广场BIS-001A1-B1-W10B1C-089

地鐵：購物公園站（ F出口）

一盒有5個，晚上老公立即食左2個，佢話甜，味道都OK，佢話比Kumo Kumo好食。

本來去睇下酸奶有無做推廣，結果見到老公落order的車厘茄，立馬買下。

這牌子的車厘茄之前係盒馬買的，但現在沒有售，試過係盒馬買其他牌子，佢話唔好食。

一顆大散串紅櫻桃番茄 400g ¥13.9

百佳永辉超市（福田星河店）

營業時間：周一至周四，周日 09:00-22:00 周五，周六 09:00-22:30

地址：福田街道福华三路268号星河COCOPark 负一楼

地鐵：購物公園站

好耐冇買，之前每次上來路過一定買，後來食厭左，沒有買了。

今次見路過，問左小王子要買，買一個明天做早餐。

唔知係咪全部轉Packing，但Oreo之前係紙包，而家用紙盒。

超厚奥奥芝士铜锣烧 ¥19

泽田本家·铜锣烧(星河COCO Park店)

營業時間：10:00-22:00

地址：福华三路星河COCOPark1楼L1098B号

地鐵：購物公園站

桃酥就係我和小王子想食。

合桃桃酥 ¥18.9

泸溪河桃酥(福田连城新天地店)

營業時間：10:00-22:00

地址：福华路连城新天地一期负1层C07（良品铺子对面）

地鐵：會展中心站（C出口）

最後去盒馬買埋瑞士卷就回家去，我覺得盒馬的瑞士卷比the Roll’ING好吃。

盒马烘焙 原味&伯爵红茶味瑞士卷 560g 8片 ¥26.9/盒

盒马鲜生（皇庭广场店）

營業時間：周一至周四，周日 10:00-22:00 周五，周六 10:00-22:30

地址：福华三路118号皇庭广场B1层

地鐵：会展中心站（C出口）

福田口岸上扶手電梯已聞到Kumo Kumo的味道，上到去望下，終於開張了，仲有好多人幫襯添！

要買既朋友以後不用拎住咁耐，可以在福田口岸買。

鶴咀海岸保護區

前日約左小王子老死同學仔媽媽今日一齊去行山，順便我地打卡影相。

我地兩個都好鍾意影相，不過，我喜歡影人和影，佢就影人多啲。 

我有上星期經驗做好防曬措施，但都曬成燒豬一樣，臉已塗防曬和戴帽，但冇耐已經痛，雙手和頸冇塗就紅晒。

返到家，老公和小王子問我做咩個人咁紅？曬完丫！😓😓

今日就去〝鶴咀海岸保護區〞，這是同學仔媽媽提議的，因為佢想去好耐，佢想去螃蟹洞。

早上7:30就在家樓下等，無錯我地係住在同一棟大廈的。

我計劃好去到筲箕灣食早餐嘆咖啡，不過，去到Cafe未開，明明Open Rice寫8點開，而且店的大門都是這樣寫，咁唯有求其揀間茶餐廳。

早餐沒影相和打卡，因為間茶餐廳唔好食，我的煎豬扒米線，不論湯或豬扒都是沒有味道，但豬扒煎得好靚，同學仔媽媽食沙嗲牛米線就有味，但佢話杯奶茶唔得。

食飽就行去搭9號巴士往石澳，我地係鶴咀，鶴咀道 (第14個站)落車。

夾埋我地2個，一共有5個人落車，落車前面有條路行入去就對。

我地需要去厠所，好在落車行一段仔路就會見到2個白色流動厠所。

剛才落車其中兩個人有一個如厠中，同學仔媽媽問我要行幾耐，旁邊的行山人聽到就話好快，大約2小時，來回都係得一條路，而厠所只有這裡有。

我地邊行邊傾去到分岔路口，我見左邊是大斜路，所以就揀向前行，行到落去又有2條路揀，左邊有泥頭車出入，覺得2條路唔多似。

於是我開Google map 輸入鯨魚骨，導航指我地返轉頭，所以我地折返向大斜路出發。

路途迎面都係見到2個人，用左個幾鐘上到去點知唔係。

我唯有再開Google Map，今次直接㩒地圖地點的名，再行返落去。

行返到去這兩個牌的地方又見到剛才2個行山人士，當時11點幾佢地已回程，但我地都未去到。

於是我再上前問，佢話而家係呢到行來回都係約一小時十分鐘，佢應該係熟客仔。

原來我地剛才行果條路是對的，如見到呢2個路牌，直行就對，即是跟右邊個路牌。

會路過蘇施黃好耐之前介紹過的整梅菜的地方，再行前少少左邊有條路是有泥頭車出入，果邊有車房，亦都有個牌寫有厠所約行2分鐘，但我去到真係接受唔到，打開門後就決定走，不是流動厠所。

簡陋厠所情況：

• 厠所是石造的。
• 門是鐵，但不是到頂，入去企係到可以望出去。
• 石造的踎厠。
• 沒有沖水。
• 入去有味，厠窿有蒼蠅。

這就是大斜路，基本上一直都是斜路。

行到上去才發現行錯，現在折返。

剛才一直行就會到這裡，見到呢個〝由泥路往景點〞由紅色箭咀行落去下就見到早地一直向前行，見到鐵絲網(橙色箭咀) 就對。

行過左鐵絲網又分岔路，左邊是落去下面的沙灘，然後前望仲有2條路。

我地見有執垃圾的清潔工就走過去問，多謝指點。

見到這個藍色牌，然後見到粉紅色箭咀的方向有舊石，石上寫住〝19〞，就是這條路行入去。

一直行又見到分岔路，跟藍色箭咀行就對。

見到家鄉了，相中左手邊就是目的地，仲要行條大斜路落。

〝鶴咀海岸保護區〞的右邊有條路，不是這條，再向前行就會見到有條隙縫，係橙色箭咀落石級就會到達〝雷音洞〞。

這個洞要影得靚要有技巧，影極顏色都唔靚。

睇下海浪幾澎湃，海浪花都打到我。

我覺得減曝光補償靚啲。

我再行前啲影。

打卡完畢就沿路走，然後轉左手邊繼續向前行，會見到〝香港大學太古海洋科學研究〞，行前面的小路，就會行到石頭區域，螃蟹洞就在左手邊。

有對國內的中年夫婦影左好耐，原本得我地兩個等，等等下就排長龍了。

我影左2張就讓比同學仔媽媽，我幫佢影左幾張就叫佢走，因後面太多人。

我只是企係菁苔旁的大石影背脊，我講野，浪花飛濺入我口中，因太大浪，浪打在我下一級的位置。

然後，我地就周圍影下。

我地坐低左食下零食，我見前面個水氹有隻蟹，我懷疑是死左，因為我地又影相，又食野，咁耐都冇郁過。

同學仔媽媽要企在現在前面的石壆上，我話好危險，但我見個個都是這樣打卡，不過，我不會。

同學仔媽媽想影天空之境，我幫佢影左幾張。

我見有個大浪，浪花真係打在果女仔身上。

影完就離開，繼續沿途影相。

我地行去剛才的石灘，然後上返去，出來就是〝鶴咀海岸保護區〞的木牌。