今日我諗住瞓到自然醒，如果早起就自已外出影相。
點知我瞓到8點幾，咁就唔去，等兩父子瞓多陣，結果早茶變午茶。
時間唔早，我地call車去蓮香樓，去到見到有人排隊。
老公問有冇位？職員話冇位，我想再問佢就走，然後又來一個，又係話冇位。
我話咁攞籌，佢話冇位，你要等，等都要比籌架！
之後比籌，之前係到等既都冇籌，我問到咁佢先派籌。
蓮香酒樓點心一般，覺得觀綠茶居好好多。
蓮香樓•百年老铺(第十甫店)
營業時間：07:00-16:00、17:00-21:00
地址：第十甫路67号1楼（近世纪假日酒店）
地鐵：1/6號線：黃沙站 (B 出口)
拎左籌入去睇下有咩啱，飲完茶先去買。
大廳茗茶 3位 ¥18
金鈎蘿蔔糕 ¥20
玉米叉燒腸 ¥25
雞仔咸水角 ¥20
豬仔流沙包 ¥20
麵醬蒸鳳爪 ¥30
鮮蝦干蒸燒賣 ¥33
像生白兔仔 ¥16
蓮香樓，一場來到買啲野先。
店員聽到我講摩羅酥，就即刻過嚟介紹，佢話甘露酥就係摩羅酥。
甘露酥有兩種，有鹹味和甜味，鹹味是五人叉燒餡。
我食開嘅摩羅酥係冬瓜蓉餡，所以我就買蓮蓉餡食。
蓮蓉甘露酥 ¥7（優惠價）¥8（原價）
蓮香樓營業時間
由蓮香樓行去永慶坊都好近。
嘩！人山人海，仲見到有好多旅行團。
永慶坊
營業時間：24小時（內部商店與展館：10:00-22:00）
地址：广东省-广州市-荔湾区-恩宁路99号
地鐵：1/6號線：黃沙站 (B出口）
係到放低小王子，老公就陪我去影相。
喜茶(广州永庆坊店)
營業時間：10:00-23:00
地址：恩宁路229号L1-L2
地鐵：1/6號線：黃沙站 (B出口）
芒芒甘露 (首創) ¥18
我地出發喇！小王子就坐在這裡打機、睇Youtube。
鍾書閣就在喜茶隔離
這個位勁多人打卡
粵劇藝術博物館
營業時間：09:00-17:00
備註：免費入場
地鐵：1/6號線：黃沙站 (B出口）
碰巧有粵戲唱戲表演
剛才同老公路過，今次帶埋小王子來畫。
我想晝卡通晝好耐了，就當下星期拍拖27周年紀念品日的禮物。
晝完後，晝師會幫你影相的。
我總數是 ¥276，所以沒有收到基本的晝晝費。
基本晝晝費 ¥29.9
上色 ¥82/人 (可以選擇不上色的)
相框 ¥30/個 (如你不要相框，會幫你過膠，但我不知是否需要收費。)
專登帶小王子來睇，不過間屋細，且有啲地方狹窄，參觀的人多，所以都係走馬看花。
李小龍祖居
營業時間：08:30-17:30
備註：免費入場
地鐵：1/6號線：黃沙站 (B出口）
門口雕像
時間不早，所以我地係永慶坊call車去TIT創意園影相。
碰上放工時間，等左好耐車才到，而且師傅話永慶坊呢到是最塞車，路上又多燈位，我地用左一個小時才到目的地。
師傅問點解唔搭地鐵？我一心諗住call車會快啲，點知因快得慢。
其實，創意園就在酒店附近，不用15分鐘就行到。
這裡沒有麼影，又碰上放工，很多人。
TIT创意园
營業時間：9:00:00-21:00
地址：广东省广州市海珠区新港中路397号
地鐵：3號線：客村站 (A 出口)
這裡也見到廣州塔
園內都有幾隻流浪貓，是有名的，我見有人餵佢地。
廣州市歷史建築
廣州紡織機械廠舊址 (退火爐)
左：
震壓式造型機 (生產於70年代)
功能：制造鑄造紗模。
現在行返酒店放低野，然後出發食晚飯。
廣州Youtuber介紹，這裡燒鵝好食，所以就帶喜歡食燒鵝的老公來。
万年酒楼(越秀南路店)
營業時間：11:00-14:00 17:00-22:30
地址：越秀南路22号
地鐵：6号线：团一大广场站（A 出口）
至尊燒鵝 (1例) ¥80
原本老公話麻麻，後來佢發現熱食的鵝肉有味道的，因為碟下有火烘住，底層的鵝是熱，之後老公將全部鵝攤平全部都能接觸到碟，全部鵝就熱。
星洲煎墨魚餅 ¥55
兩父子都讚，我就覺得一般。
生炒糯米飯 ¥48
老公話麻麻，但我覺得OK，不過，糯米應該不是炒，而是蒸，炒的糯米質感不是這樣的。
琥珀珍菌牛仔粒 ¥68
一致覺得好食，尤其是合桃，好脆，平時唔食合桃的老公都食左好多。
私房蜜汁骨 ¥58
我覺得咸左啲，但配飯味道就剛好。
老公起初都話好食，食食下話有燶味，我話唔係燶味，果啲係過咸味。
時間尚早，所以去左酒店對面的商場行下。
老公陪我買左杯野飲，本來想買杯有綠茶的，但已售罄，唯有買其他。
我影緊相時，身後路過的人話這間好飲，我覺得味道OK，如果唔加青檸皮更加好，但質感濃稠左啲。
珊瑚海 (藻藍椰子檸檬優酪) ¥25
YO_LAB酸奶实验室(丽影店)
營業時間：10:30-22:00
地址：江海街道新港中路356号负二层07铺、铺号:EB2-034
地鐵：3/8號線：客村站 （D出口）
小王子買定薯片，明天搭高鐵食，但返到酒店已被他KO一筒。
永辉超市(丽影广场店)
營業時間：周一至周四，周日 09:00-22:00
周五，周六 09:00-22:30
地址：新港中路丽影广场
地鐵：3/8號線：客村站 （D出口）
老公要叫花甲粉宵夜，美團小哥已一早打來話放在酒店前台，然後酒店會用機械人送來，但等左好耐都未送來，就打去前台，佢話冇外賣，我話你有冇送錯房，佢話睇下CCTV，就掛線。
正當我換衫落去前台之際房電話響，前台話剛才機械人送錯去另一間房，現在安排機械人送來。
生蠔錫紙花甲粉 ¥20.8
魷魚 (30克) ¥5
墨魚丸 (30克) ¥3.8
沒有留言:
發佈留言