清明節 2024 Day 2

尋日表妹已約好今朝7:30去飲茶，如果肥阿哥唔去，我就去照原定計劃嘆咖啡早餐。

點知肥阿哥話OK，老公講左佢唔飲茶要瞓覺。

尋晚夜瞓，所以小王子都不敵睡魔，唔去飲茶了。

我見點心咁耐都未來，就同埋阿嫂一齊叫美團送咖啡來。

我見App話已送到，於是我就落去酒店前枱問，因為我地去左另一間酒店的酒店。

前枱話冇，叫我問下酒店，點知兩邊都話冇，我就搵表妹求救。

表妹出手都係搵唔到我個order，酒店前枱叫我趁還有時間申請退款先。

於是我就同阿嫂一齊去店直接買，我同店員講左個故事。

店員話美團哥仔送左去酒店前枱，但前枱拒收，亦都打過比我，不過唔通，所以美團哥仔送回店了。

隕石生椰拿鐵 ¥13.76

拿鐵 (熱) ¥15：阿嫂要半份糖，但覺得甜。

瑞幸咖啡 (天虹商場金汇店)

營業時間：07:00-22:00

地址：东莞市常平镇常平大道54号金汇大厦一楼167室（天虹商场常平店一楼）

飲完茶回酒店，表弟已到來接我地去拜山了。

拜山會燒炮丈，但我真係嚇親，因為好突然之餘，又多人燒又大聲。

燒炮丈時，我還中左3次榴彈，成班人一齊企，得我一個中，老公立即網上買六合彩，叫我撳制。

老公話頭先見到彈埋來的是石仔，怪唔知得第一次被擊中嘴唇咁痛喇！

拜完山就回去村，小王子踩表姐仔架單車。

估唔到小王子冇踩單車咁耐都仍記得。

太多餸食唔晒~要打包，有一啲就餵家禽。

小朋友們一齊鬆下。

我見咁熱，氹下小朋友先。

阿媽約左包車回港，而我就落深圳行一陣先回去。

我call車去8號倉，因為小王子需要買對返學運動鞋。

不幸的，已經望到8號倉，但塞左好耐都不動，師傅就提議我地落車，不然唔知塞幾耐。

我地拿拿聲落車，拎返2個喼，橫越2條線行去行人路，行多約100米就到8號倉。

到達8號倉，第一時間係開locker放低2個喼先。

上次用是免費的，今次要收費。

第一時間就去左Nike，店內有好多人，因為近排有Youtuber介紹。

小王子買左2對鞋，仲有衫，我和老公都有收穫，一共2大袋。

小王子白色果對鞋係大人中性款。

NIKE 深圳梅观换季优惠店

營業時間：10:00-22:00

地址：民康路8号仓奧特萊斯B118-121号

地鐵：10號線光雅园站C口步行910m

我有點餓，想食少少野，去地庫食街搵食先，行晒了，就試〝猪拉虎〞。

之前問過老公佢冇興趣，所以每次不在行程行中，今次機會來了。

猪拉虎‧爆蛋吐司‧三明治

營業時間：1000 - 2200

地址：民康路1号仓奧特萊斯負一樓小吃街

地鐵：10號線光雅园站C口步行1.0km

餐牌

我入左會，所以有會員價。

小王子好鍾意食秘製雞扒吐司，話下次都要食呢間。

超值大滿足套餐 ¥77.4 (會員價 ¥39.8)

任意吐司：秘製雞扒吐司 (堂食) 

任意飲品：招牌奶茶 (半糖，椰果) 

任意小吃：勁辣雞米花 (堂食)

任意加料：火腿

小王子話要食雞蛋仔。

真愛雞蛋仔 ¥15 (會員價 ¥11.8)

食食下才發現還有勁辣雞米花未有，終是我去問下，佢地都忘記了，立即炸比我。

到8號倉時差不多3點，食埋野都5點，所以冇去玩卡丁車。

我地要被開塞車，行出去外面巴士站call車去領展中心城。

反斗乐园(领展中心城店) 

營業時間：周一至周四,周日 10:00-22:00 、周五,周六 10:00-22:30 

地址：福华一路3号领展购物广场RUG层064B

小王子話要八萬，我來左3-4次就成功。

見到有粉紅色，夾一個比小王子的隔離班的女同學，是他的幼稚園同學，又係夾左4-5次就成功。

小王子見到有5隻抓，所以試下玩，要睇下你好唔好彩，雖然夾到，但要睇下你個抓會否打開。

我夾隔離個大爪，夾左3次就成功。

小王子話部5抓機夾到12隻公仔就可以換一隻大，我已經問左佢肯定嗎？仲叫佢問下職員。

當我地齊齊夾到12隻去換公仔時，職員話唔可以換，要八萬或月亮的款式才可以換。

最後小王子留起4隻送朋友，其他現場送了途人，大家都好開心。

今日覺得自己好好運，唔知係咪被爆竹擊中3次的原故呢？

上次已經想買士多啤梨和蝴蝶酥，但怕拎唔到，加上蝴蝶酥又碎又亂。

今次有老公幫手拎，同埋蝴蝶酥好齊整，所以又買來試下。

盒马鲜生(皇庭广场店)

營業時間：周一至周四,周日 10:00-22:00 周五,周六 10:00-22:30

地址：福华三路118号皇庭广场B1层

這店在盒馬門口左邊，每次去完盒馬都冇入去行，今次就行個圈先。

買左2支老公喜歡的茶，一支都是¥6，仲要係900ml。

清明節 2024 Day 1

疫情後第一次陪阿媽回鄉拜山，對上一次是2019〝清明節@東莞〞。

今次肥細佬一家沒有來，因阿B要為考DSE溫書。

肥阿哥都係住阿媽果邊，所以佢地包車由香港直達。

我一家就坐高鐵回去，這是我一家第一次係香港坐高鐵。

車票在你出發前15日就可以係4〝Railway 12306〞App買。

我買了11:17，網上話要預早45分鐘到，所以8點幾就出門口。

我地差不多9點上巴士直達西九高鐵站，落巴士行過對面就是。

車程約35分鐘就到，入到車站望落去候車處超多人。

小王子未食早餐，所以頭先係高鐵站的美心買左啲野食。

提子扭條只係食左半條，佢話唔好食比左爸爸，因為爸爸都未食早餐。

佢地食早餐，我就周圍行下。

我地早左好多到，終於等到上車了。

過了檢票閘口搭扶手電梯落就是我的車卡~真幸運。

座位好闊，我的行李箱放上了行李架，落車時拿落來發現，座位放了行李箱之後對腳仍然可以正常擺放。

車上廚房咁啱在我的車卡，行車時有職員販賣食物，有推車有托盤，亦都見有職員送餐。

搭高鐵程序：

1. 首先要用回鄉卡入閘，再過安檢，然後搭Lift落去離境大堂。
2. 離境大堂用香港身份過香港海關，再向前行幾十米就到入境中國。(一地兩檢)
3. 到中國境用回鄉卡過中國海關，向前行就到候車處。
4. 夠鐘入閘，去你的檢票閘口，用回鄉卡入閘。

*我在檢票閘問過職員，是否一定要用回鄉卡？佢回覆：用回鄉卡入就用回鄉卡出。

比原定時間遲左開車，但估唔到都能準時原定時間落車。

今次我訂左2間房，肥阿哥一家4口一間，阿媽就同我一間。

酒店雙床房通常是1.2米，我搵左好多間先搵到呢間，房型是豪華子母房，床分別是1.2米和1.8米，咁就夠。

酒店望落好傳統，東莞好多酒店都係咁上下，因為這地方冇再發現。

東莞匯美酒店

地址：中元路9號, 常平鎮, 東莞，518026

間房真係好大，有張貴妃椅，椅後面與牆仲有距離。

厠所好舊式，有浴缸的。

好耐冇見過酒店有火柴和煙灰缸，而且床頭和冷氣都好舊。

原先午餐只係我一家三口食，但早幾日先決定一齊食，原本午餐的地方改去酒店附近，點知去到未開，睇返我自己個行程表，自己都寫左開下午5點，但因為唔想阿媽行咁多路，加上呢排我唔得閒再睇下個行程，所以撲空。

唯有求其搵一間，估唔到又比想像中好，不過，這間價錢都不平，這餐要¥649。

世亨牛排(常平店)

營業時間：11:00-14:30、17:30-21:30

地址：朗贝朝阳五街25号101-102

我和老公叫左個2人餐。

肥阿哥一家四口叫左個4人餐。

阿媽叫左個魚。

小王子就當然係兒童餐喇！

最後原來仲有甜品~雪糕，有雲呢拿和蜜瓜味。

剛才初來時，店員話訂的玩具剛好貨到，完餐完畢後，小朋友們就選玩具。

離開時發現有Salad Bar，應該我地既餐唔包。

食飽就帶阿媽返酒店，然後我地就call車去樟木頭玩卡丁車。

之前已經係小紅書問了，128cm就可以開童車，150cm可以開大人車。

這裡大家都喜歡，仲想玩多轉，但6點要趕回去晚上同表妹食飯，下次要早點來。

走既時候還送了一張counpon，下次可以用。

威龙极速卡丁车俱乐部

營業時間：12:00-22:30 

地址：广东省东莞市樟木头镇东城路2号御景缤纷世界3层301室

收費唔貴，仲收我地會員價。

有地方休息，冷氣又夠，場是不大，但路闊。

小朋友出發站與大人的不同。

玩完回酒店等表妹來一齊去食晚飯。

晚飯地點表妹一早已經訂了，表妹夫已在酒樓點菜。

常胜海鲜酒家(汇华店)

營業時間：10:00-22:00

地址：常平大道与中元街交口（汇华国际饭店中餐厅）

叫左太多餸，吃不完要打包。

表妹夫叫左個炒龍躉，但我地唔食魚。

後加左燒鵝和炒飯。

今日重點我想去松山湖风景区，影華為外圍，但怕唔夠時間，所以今次冇帶相機。

食完飯都係7點幾，所以老公陪我去松山湖，因為佢怕我下次自己一個上來影。

我call車去松湖烟雨~游客服務中心，但看環境有點唔對路，落車去間亭問護衛員，呢到行過去要10幾公里，現在9點要行到約11點才到，於是再call車去，問左應該定位是華為歐洲城。

到了華為歐洲城又唔似我想要，影左幾張相就走去問門口的職員。

佢比左幅地圖我，然後教我點去，要行1-2公里才到，但沿路都冇人，路還有點黑，好在有老公陪我。

沿路都是這樣，行到去。

終於到了，途中又落下毛毛雨又停下，但我地冇帶傘要急急行。

行落去再影下，但只搵到一個景點，仲有其他未搵，已晚上十點幾，所以下次要再來。