青檸棉花糖、菠蘿椰林棉花糖

 首先我要〝多謝老公〞  先，因為尋晚老公放工咁攰都幫我湊阿B又陪阿B睡，我才可以整到我喜愛的〝棉花糖〞。

尋晚要整蛋黃汁〝玉子豆腐〞做餸，咁D蛋白點算好呢？呀！不如整〝棉花糖〞，還掂有4盒啫喱粉買左好耐都未用，點知一睇有2盒食用日期最後今日，有一盒過2日到期，另一盒就出年3月，所以我會係一、二日內再整多一次棉花糖。 

入雪櫃前~上面2幅係〝菠蘿椰林味〞、下面2幅係〝青檸味〞2種味、6杯啫喱、任君選擇。   

於是我就做左〝  青檸棉花糖、菠蘿椰林棉花糖〞，我只用左食譜1/3的份量做，有剩的啫喱粉我做左6杯啫，每一種味各3杯。因為上次整荔枝味有很多人都覺得酸，所以整青檸味時加多了1/2茶匙糖。大家食過後都有不同意見。

 我：味道淡左D、內部結構比較鬆，冇出面的那麼實。 

老公：青檸棉花糖好酸  ，而菠蘿椰林味比較好。 

肥仔：椰絲多左D味道淡了一些。

娣婦：味道剛好，比較適合佢自己，但內部結構比較鬆。  

 棉花糖與啫喱的製成品   

 

〝青檸棉花糖〞比〝蘿椰林棉花糖〞結構實，因為我做菠蘿椰林味先，在整完後我倒入個盒內，但發現比較麻煩，所以我做青檸味時打完蛋白就倒入盒內，再加埋其他材料繼續打，於是就有2種口感，不過整體黎講都係鬆。

 

 

我預備送比小朋友吃的。