草莓脆餅~怒、喜慶祝〝拍拖9週年紀念日〞 (內附食譜)

由於尋日時間唔夠所以冇整〝草莓脆餅〞，原本係留待今晚食完飯回來整，但老公今日有少少不適，可能係這幾日都零晨3、4點訓，咪攪成咁囉，所以我回家湊阿B去老公家。老公話今晚回家吃飯，我返到去就對阿婆講，等埋阿B吃埋奶就可以出發。   

我又係趁阿B訓左就去開工，今日阿B訓左2個多D，所以時間鬆動好多。這個〝草莓脆餅〞係跟上次換〝名廚‧甜品〞做的，我已將份量減左，但都做左2個蛋糕，一個〝米奇〞慕絲，而另一個係7"蛋糕模。雖然，我地有2個人，但唔可以一個吃一個架，所以我決定去肥阿哥到一齊分享它，跟住聯絡有關人仕，又通知阿婆唔回來吃，今日肥仔公司踢波沒有出席。   

之前阿嫂問過〝今晚吃咩？〞，〝烏冬〞最方便快捷又平，但原來昨日佢地先吃過，咁煮咩好呢？我諗到再聯絡你，最後諗到煮昨日煮過又食過既〝銀芽冬菇肉絲炒米粉〞。炒左2大碟全部吃晒，大家都覺得味道不錯，但我覺得不夠汁。     

大家係食炒米粉前品嚐左〝草莓脆餅〞，焗完時我吃過它的邊味道好像〝甘大滋〞，我首先切7"蛋糕先，切時覺得好硬，見佢地食既時候要好用力叉開佢，阿嫂就醒好似食〝Pizza〞咁食，我自己吃左一啖，覺得牛油味太濃不太喜歡，但娣婦不覺還說紙包蛋糕比它仲要勁牛油味，剩下的留待肥仔攪掂。     

雖然，硬但各人都覺得味道OK，還有一個〝米奇〞型蛋糕留待明天再來吃，我諗這個比7"蛋糕軟，因為沒有7"蛋糕咁金黃。   

頭先過到去肥阿哥已玩緊〝Wii〞，阿嫂放工回來又玩左一陣，跟住係我炒米粉時到老公玩，突然聽到好似阿B又玩緊喎！望出去見阿B企係塊板到玩緊，玩到有D〝眼睜睜〞，可能心諗〝攪緊咩丫！〞，玩玩下又走左去喇！

草莓脆餅

餅底材料：(10人分量)

蛋白                   160克

糖                       300克

牛油                   300克

高筋麵粉           450克

低筋麵粉           30克

白朱古力           適量

士多啤梨           適量

餅底做法：

1.         蛋白和糖用攪拌機打起，加入牛油拌勻。

2.         遂一加入高筋麵粉和低筋麵粉，攪拌均勻。

3.         取出後壓平，用保鮮紙包裹，雪藏一晚。取出後，壓平至1㎝厚度。

4.         放入餅模中，拉走多餘部分，放入焗爐以180℃焗18至20分鐘，待用。

5.         在餅底上掃一層已溶的白朱古力，再以打圈形式平均唧上吉士。

6.         最後鋪上士多啤梨即成。

泰式炸蝦餅 (Fried Thai Shrimp Cake)~怒、喜慶祝〝拍拖9週年紀念日〞 (內附食譜)

 我想整〝炸蝦餅〞好耐，趁上次〝拍拖9週年紀念日〞就有機會整，我用半斤蝦做左5個蝦餅。

 

不過，用左煎既方法和冇用〝馬蹄〞，所以口感差少少。

 

不過，係整蝦膠時手都軟，我個人覺得蝦膠難起膠過肉餅，所以要有好多時間和身體狀況好先至整。

泰式炸蝦餅 Fried Thai Shrimp Cake  

食譜來自：為食貓~Leisure-Cat  

材料：  

新鮮蝦            1斤

雞蛋白                       1湯匙

芫茜                           切碎

麵包糠                       少許 (用日本麵包糠較佳，炸出金黃色)  

馬蹄                           少許(可放可不放，加了增加口感 )  

醃蝦膠調味料：  

生粉、麻油 、鹽 、糖、魚露、雞粉        少許  

沾醬：  

可選泰式雞醬或黃梅醬  

製作：   

1.         先將蝦去殼，洗淨，抹乾，切碎(切勿切得過碎，否則楷會過份地將蝦組織切斷，打出來的不易起膠) 切碎後用刀背拍打，加入調味料及芫茜碎攪拌，最後用手拿起蝦膠，從空中將蝦膠打入碗中，增加彈性。

2.         將蝦膠擠至球狀，壓扁沾上麵包糠，落鑊炸後，用紙吸起多餘油脂，上碟。 

貼士：   

A.        想蝦膠鮮味，應選用新鮮蝦，冰鮮蝦味道始終不及。要將新鮮蝦打出滑流蝦膠，必須加入旦白及鹽，蛋白用作增加黏性，鹽用作去除多餘水份。一般我們在泰菜館中吃到的蝦膠中都有加入肥豬肉，作用令到蝦膠更滑，但芭蜜不愛吃肥豬肉，所以沒有加入。

鮮忌廉泡芙 (Cream Puff)~怒、喜慶祝〝拍拖9週年紀念日〞 (內附食譜)

之前聽講〝泡芙〞係難整既東西，一直想試整又怕失敗和沒有機會，見這次大日子所以就大膽嘗試整，吖！又整得幾好喎，但係個〝鮮忌廉蛋糊〞份量我係用上堂學的，而做法就係上堂+書做的，因為上堂後太耐冇整有D步驟都忘了。   

今次的〝鮮忌廉蛋糊〞比較稀，如果稠密些會更加好。〝鮮忌廉蛋糊〞我會舖書的出來。

鮮忌廉泡芙 (Cream Puff)

食譜來自：精巧甜品DIY

泡芙皮材料：

麵粉                      150克

牛油                      80克

蛋                          4-5隻

鮮奶                      1杯

糖                          1/2茶匙

鹽                          1/8茶匙

雲呢拿香油          數滴

準備：

預熱焗爐至210℃。

做法：

1.         先煮熱鮮奶、牛油，再加入糖、鹽，煮溶後熄火。

2.         撒入已篩麵粉，以打蛋器迅速均勻地攪拌。

3.         以中火加熱，改用橡皮杓使勁攪拌，約1分鐘後熄火，煮成熟透的麵糰。

4.         將麵糰移至乾淨的大容器中，遂少加入蛋汁(約4-5次)，以橡皮杓使勁攪拌，使麵糰變濕變軟，繼續加入蛋汁，直至變成柔軟的麵糰。

5.         將麵糰置於擠花袋中，擠出如一元硬幣般大的麵糊。用水噴灑其上，再用手指輕按頂部。

6.         放進焗爐以210℃焗15分鐘，再以180℃焗10-15分鐘，取出放涼。

美味小貼士：

泡芙皮是否能膨脹得恰到好處，視乎蛋汁分量的多寡。蛋汁過少會令泡芙膨脹不足；蛋汁分量過多，又會令泡芙因過濕而塌下來，無法做出理想的形狀。所以蛋汁應分四至五次遂少加入麵糰中攪拌，至糊狀為最理想。

鮮忌廉蛋糊

食譜來自：精巧甜品DIY

材料：

鮮奶                      250毫升

鮮忌廉                  150毫升

蛋黃                      3隻

糖                          40克

粟粉                      15克

麵粉                      15克

雲呢拿香油          數滴

做法：

1.         糖、蛋黃以打器高速攪拌成黏稠狀，加入已篩的麵粉，續打成黏糊狀。

2.         鮮奶加熱，遂少加入麵糊中，以打蛋器迅速攪拌。

3.         移至火爐上，用慢火加熱，改用橡皮杓用力攪拌至糊狀，熄火。加入牛油，用橡皮杓攪拌使牛油軟化。

4.         蛋糊放涼。

5.         再用打蛋器將半凝固的蛋糊打發至柔軟。

6.         以打蛋器將鮮忌廉打鰥至企身，以橡皮杓拌入蛋糊中，輕輕拌勻成鮮忌廉蛋糊。

7.         將已放涼的泡芙橫切成兩半，釀入鮮忌廉蛋糊，加入鮮果如藍莓、士多啤梨、芒果等，最後灑上糖霜即成。

焗鬆餅~怒、喜慶祝〝拍拖9週年紀念日〞 (內附食譜)

這個〝焗鬆餅〞十分簡單又易做，係慶祝〝拍拖9週年紀念日〞為老公而做的，因為我不愛好食，但老公很愛吃。老公食左都話好味，美中不足係冇蜜糖，因為食譜冇寫，我唔知要加蜜糖，老公話有蜜糖就〝Perfect〞，唔緊要下次加番。   

我沒有用曲奇模裁剪成圓形，唔想為這次又買唔常用的東西，只是用手滾圓，其實，用手都一樣啫。我將食譜的份量減至得2件，因為得老公愛吃。

焗鬆餅

食譜來自：名廚‧甜品

材料：(分量：12件)

麵粉                340克

發粉                16克

鹽                    少許

無鹽牛油        85克

糖                    85克

金提子乾        120克

雞蛋                50克

奶                    112克

做法：

1.         預熱焗爐至220度。麵粉、發粉、鹽、糖拌勻。

2.         加入雞蛋、牛油、奶，拌至完全幼滑。

3.         加入金提子乾拌勻，放入雪櫃約3分鐘。

4.         取出壓成15毫米厚。

5.         選直徑6厘米曲奇模，裁成圓形麵糰。

6.         放在牛油紙上，排成品字型，每個距離6厘米。

7.         掃上薄薄的奶。

8.         放入焗爐，焗約12至15分鐘即可。

Tips：

1.         保持金提子乾濕潤，焗成後可依然軟熟。

2.         用剩的麵糰不宜再搓成或再裁形，因為質地已變。

3.         焗盤上，鬆餅必需品未型排列，讓熱氣更易流通，火力更均勻。

4.         想鬆餅顏色更金黃，掃面時可改用蛋漿代替奶。