迷你鹹牛肉麵包 (內附食譜)

今日唔止跟L先生整泡芙，我仲與纖瘦小姐攜手合作整麵包，正因如此，今早9點就入到粉嶺喇！   麵包要發酵幾次，用好多時間，所以就整先。

食譜係可以整12個普通size，但纖瘦小姐鍾意食迷你，所以就整左好多個。   

我不太喜歡鹹牛肉，因為覺得好似生咁，而纖瘦小姐就鍾意，但估唔到原來味道都幾好啵！

迷你鹹牛肉麵包  

材料：(約29個)  

高筋麵粉                454克  

吉士粉                            70克  

速發酵母                  9克  

蛋                           1隻  

糖                              85克  

水                               250毫升  

奶油                            35克 (室溫稍微軟化)   

鹹牛肉餡材料：  

鹹牛肉                            1罐 (340克)  

洋蔥                                  1個  

做法：  

1.       爆洋蔥，加入鹹牛肉慢炒至熱，盛起備用。  

2.       將所有材料放在攪拌缸中混合均勻或用手搓，再攪打或用手搓至筋度擴展階段 (光滑有彈性、麵糰有薄膜)。  

3.       讓麵糰表面都沾到油以保濕，蓋上源布巾，放置溫暖無風處，發酵60-80分鐘，用手指沾麵粉插入麵糰，指印凹處不太會彈回來即可。  

4.       秤麵糰重量30克，將麵糰平均分割。  

5.       將麵糰個別滾圓，包入餡料後，蓋上保鮮紙，鬆發酵60分鐘。  

6.       入烤箱用200度烤約10-15分鐘或至熟，出爐立即放網架上至涼。

班蘭椰香雪芳 (內附食譜)

今日我要回娘家湊阿B去〝協康會〞上堂，我又好耐冇整蛋糕比阿婆吃，所以早上就整左這款蛋糕。   

初焗時有好香既蛋和糖的甜味，再焗耐D全屋充滿香濃的蛋糕味。每啖都有椰絲，蛋糕軟軟的，阿婆都話好食。   

我用落左幾滴班蘭油，覺得一點綠色都沒有，所以就加到見到綠色，然後再深色少少，因為加左蛋白又會淺色D，但我又怕落得多會好似雲呢拿油咁會苦，所以見到微微綠色就收手，蛋糕都有淡淡綠色，但就不起眼。 

班蘭椰香雪芳  

食譜來自：自家製手工蛋糕 Hand-made Cake  

材料：(2個4吋空心雪紡模)  

蛋黃            2隻  

砂糖              15克  

橄欖油           20克  

椰漿             40克  

椰絲              10克  

低筋麵粉      40克  

泡打粉        1克  

班蘭油         數滴  

蛋白               2隻  

砂糖          20克  

做法：  

1.       先以170度預熱焗爐。  

2.       將15克砂糖加入蛋黃以手動打蛋器攪拌均勻。  

3.       將椰漿、椰絲、班蘭油及油倒入蛋糊拌勻。  

4.       將已過篩的粉類加入蛋黃糊內攪勻備用。  

5.       將蛋白打至起泡後將20克砂糖分次加入打至挺身，用膠刮刀分出1/3蛋白放入蛋黃內混合拌勻。  

6.       再將蛋黃糊分2-3次倒入蛋白糊內以膠刮刀快手拌勻，再倒入模具內約8乘高度。  

7.       將材料平均地放上麵糊上，輕輕拍數下將麵糊內的空氣拍出。  

8.       入爐以170度焗約25分鐘，焗好取出倒扣待涼便可。  

貼士：  

l   可用新鮮班蘭茱做成汁亦可。