佐敦谷@2016

佐敦谷地點係偏左啲，而泊車位得好少，所以車位好快就滿，

但呢到勝在地方大，好適合小朋友跑來跑去。

今日約左同事們一齊去佐敦谷野餐，雞翼係同事整，其他就係我整既。

小王子玩好同事個囡既Thomas泡泡車，玩到唔放手。

然後又玩泡泡槍。 

小王子同另一個同事個仔好老友咁啵！

小王子玩得好開心。 

愉景灣‧東涌‧尖沙咀

 小王子未去過愉景灣，見果到有市集就相約埋朋友一齊去。

大家係東涌集合，再坐巴士入去，上車前買個包比小王子先。 

雖然啲小朋友係唔識，但小王子同其仔小朋友玩得好開心。

市集有好多野賣，但唔太啱我。

行完就出返東涌，行一陣outlet。 

然後出尖沙咀睇燈飾。 

三杯雞 (內附食譜)

上次表姐來食飯，我都係煮這個〝三杯雞〞，表姐話〝好香〞，因為簡單易煮又好味，緊係用嚟厄Like喇！

我家有紫洋蔥，所以冇去買普通洋蔥，都係一樣咁好食。

三杯雞

食譜來自：營養師的500卡滋味廚房

材料：熱量402千卡

雞扒(去皮)               1塊(240克)

乾蔥頭                     3個

羅勒葉                     3棵

蒜頭                         2瓣

洋蔥                         1/3個

薑                             4片

紹興酒                     1茶匙

老抽                         1茶匙

砂糖                         1茶匙

油                             1茶匙

雞扒醃料：

胡椒粉                     1/3茶匙

生粉                         1茶匙

生抽                         1茶匙

做法：

1.          雞扒去脂肪，洗淨，瀝乾，切件，用醃料醃好。

2.          乾蔥頭去衣，切半。

3.          羅勒葉洗淨，瀝乾。

4.          蒜頭去衣，切條。

5.          薑洗淨，去皮，切川。

6.          燒熱易潔鑊，下油，炒香乾蔥頭、蒜片和薑片後，加雞件，煎至金黃色，下紹興酒和洋蔥，蓋上鑊蓋煮至雞件熟透，下老抽、砂糖、羅勒葉及1/3碗水，炒至乾身，上碟，即成。

小貼士：

l   老抽用來增色，所以可隨意調校。