首爾 Day 4@2017

今日既景點原本諗住自己去，但搭車好麻煩又花好多時間，都係參加左KKday本地一日團，呢個團有好多野送有食既，也有用的，但係架旅遊巴真係好熱，窗都蒙晒，而美中不足夜晚去晨靜落雨，快快手影完就上車。

Day 4 ：Rail Bike→瑞士村→三色雞排→晨靜樹木園

*****************************************************************************

小王子約7點就起身，緊係玩佢尋日既新玩具喇！

我地去〝全州中央會館〞食早餐先，因為唔知幾時有第2餐，所以早餐食飯飽啲。

呢間野搵左好耐都搵唔到，只見到背面有個牌，行去正面又唔見，原來個門口好隱閉，係Line果條街，過少少舖位就係。

阿豬媽比左比卡超餐具小王子用，仲送左碗湯比佢飲，衰仔又唔領情，又係我飲埋。

今日寄明信片，但係郵局休息，好在尋日買左郵票，而出面有個郵筒可以寄信，唔係就麻煩，因為未必有時間再去寄。

落行人隧道過對面馬路就係本地一日團集合點。 

小王子未夠3歲，所以唔佔座位，我抱住佢坐。一上車個位就有野食和野飲，之後又有紫菜包飯、暖貼和臉膜， 臉膜係整容醫院都選用。

第一站：〝江村鐵路單車金裕貞站〞，又係〝Running Man〞來過。

就係踩這些單車 

踩到去中途休息站就轉坐火車去終站，頭先老公比我落力好多。

第二站：童話世界瑞士村 

導遊話要靜啲，因為有啲屋係有人住的。 

地下既3D晝 

有少少小朋友玩既設施

第三站：香嫩多汁雙色雞排+濃到化不開芝士 

要同團友一張枱，小王子要食奶， 好在佢地唔介意，因為有啲人唔鍾意。

雞翼好食，加上芝士真係~正。

仲有每人送一杯野飲。 

第四站：夜遊晨靜樹木園 

未落車已經落雨，仲越落越大，快快影完就上車。 

我地係明洞落車，之後去首爾站既〝Lotte Mart〞入貨。超市內有士多啤梨試食，小王子超鍾意食左好多，阿豬媽專登切一半比佢食，其他都係一開4，所以我地都買左一盒擺酒店食，士多啤梨好平。