Day 4 : Retal Kimono→奈良公園→心齋橋→難波
今日約左幫我地一家三口影和服相，我約左10點，未夠鐘已經係門口等，等等下有個人行過來又等，然後我就比張booking紙佢睇，原來識講國語的，佢話係呢到，咁就繼續等。
老公話招牌個電話與預約紙唔同，但問左人都話係呢到就等，職員話老闆住附近好快到。終於等到，入到去我再比張預約紙職員，佢望一眼就放埋一邊。
我地揀好衫，著好又化好妝，到小王子著衫時覺得有點怪，點解攝影師未到，我一問之下就出事，我再比email佢睇，佢就話唔係呢到，應該係另一間。
我見佢店有〝Rental Kimono〞同我book果間都有呢2個字，問佢〝Rental Kimono〞點解，佢話意思係和服，唔緊要大前提係最緊要影到，最後佢減左我在網上比左果￥3000，叫左佢幫我打去原本果間講聲，然後佢就立即幫我搵攝影師，攝影師影完就趕下場。
攝影師將相機既相過晒落電話，然後再由佢電話過落我電話到，佢話可以微信佢幫我執相，只限5張，當然冇執相，因為我都唔鍾意執相。
原本諗住趁小王子仲細，會陪我影下，點知佢全程扭計唔合作，最後得少少見得人。
****************************************************************************
今日7:30出門口，所以小王子都未起身，抱住出門口，我唔餓得，所以係便利店買左個飯團上地鐵食。
車程 (1小時2分)：日本橋(大阪メトロ堺筋線)→北浜(京阪本線特急)→祇園四条
衹園四条地鐵站出，問人食早餐地方係邊，問左2個都點錯我，行左相反方向，見都差不多9點，唯有搵間便利店買野邊行邊食。
行到去未開舖，係附近行下，見到間〝京都勝牛〞。
行上啲又有郵局，諗住係千日前間郵局寄名信片寄返香港，呢到有就而家寄，唔駛我專登去，咁順便買埋龍貓產品。
小王子揀左呢set，亦都揀左藍色，但係我寫錯左野，所以用左橙色。
不過，這間沒有龍貓產品賣，咁搵日返千日前間問下。
攝影師要1點先到，而家先11點幾，我地去食個飯先，求其搵間，去到門口店員打來叫我地12點回店，因為攝影師12點到，好在頭先同店員交換左微信。
我地冇正式食早餐肚餓了，立即入去叫啲快食既野，入到去牆上有好多簽名係到。
我叫左滑蛋飯
老公食冷烏冬
影到最後站係龍貓共和國。
攝影師走左，我又影下
小王子見到龍貓巴士立即叫爸爸，因為老公好鍾意龍貓巴士。
行完龍貓間舖就去還衫，去地鐵站時見到有間買綠茶製成品店，小王子和老公都鍾意食綠茶，咁就買串蛋糕和雪糕試下。
京ぼあむ 祇園北店
地址：〒605-0073 京都府京都市東山区祇園町北側248
營業時間：1000 - 2000
ソフトクリーム抺茶：￥400 (稅入)
食ベ步き京ぼあむ：￥292 (稅入)
我唔食綠茶都覺得好食，問小王子買唔買蛋糕，佢話買，咁就買喇！
京ばあむ（厚み 3.5cm）：￥1166 (稅入)
跟住就向奈良進發。
車程 (52分鐘)：祇園四条(京阪本線特急)→丹波橋→徙步5分→近鐵丹波橋(近鐵京都線急行)→近鐵奈良
小王子歲幾來過餵過，但今次又話要來，同上次一樣都係唔驚。
買左餅我收係個袋入面，怕佢地會過來搶。
我企係到影相，突然有人從後撞我條腰，原來係隻鹿，佢以為我有野食，我真係嚇親。
小王子餵完有隻就咬住佢頂帽，之後又再去買過。
餵完鹿就搭地鐵返酒店，我見時間尚早，所以去搵〝Rikuro老爺爺蛋糕〞，想食好耐，雖然老公唔鍾意食芝士蛋糕，今次我決定一定要買，我一個人食晒佢。
Rikuro老爺爺蛋糕
地址：〒542-0076 大阪府大阪市中央区難波３丁目２−２８
營業時間：1200 - 1800(Mon - Fir)
1200 - 1900 (Sat - Sun)
車程 (50分鐘)：近鐵奈良(近鐵難波‧奈良線急行)→大阪難波(近鐵‧近鐵阪神線)→徙步6分→なんば(大阪メトロ)
好在早去買，買完後面勁多人。
聽到響鐘聲，我即刻跑過去，新鮮出爐熱烘烘。
老公和我返到酒店每人都食左1/4，餘下的我攪掂。
起初見網上個蛋糕底有粒粒，以為係紅豆，食左先知係提子。
這蛋糕保存期得3天，要放雪櫃。
￥695 (稅入)
返酒店攏底野又出發，去網上話買〝Anello〞好平既丸大。
丸大係心齋橋尾，見今日用〝Kansai Thru Pass (關西周遊卡)〞，所以落去搭一個站地鐵。
Marudai 丸大百貨
地址：〒541-0056 大阪府大阪市中央区久太郎町３丁目５−8
營業時間：0900 - 1800
時間無多，仲有一個鐘關門，立即向目標樓層出發。
尋日阿哥What's app我幫佢去Porter買袋，到時我又睇下，所以急下手買住2個先。
把傘係小王子既，雖然係大人傘，但佢係都要買冇佢辦法。
之後又趕去對面幫朋友買文具，朋友叫我幫佢執到夠退稅，佢要既野得一樣有，我幫佢執同類既野。
2個收銀見到都笑，可能係我同一款買得太多，笑我傻的。
之前網上話呢到都有爆旋陀螺賣，入到去搵唔到，問店員話呢到得文具，唔通我睇錯？
ツモヅマ下島包裝廣場，文具商城
地址：〒541-0057 大阪府大阪市中央区北久宝寺町３丁目３−8 本町南シモジマビル
營業時間：1000 - 1820 (星期日)
0900 - 2000 (星期一)
0930 - 2000 (星二至六)
任務完成，就立即去食晚餐，呢到係我既情意結，今次我必定要食。
我之前都想來，但唔夠時間，之後同事推介，上次第一晚就來食，但食西餐既？同同事講既係兩回事，第一餐就食左好貴，事後知道自己入錯門口，但店名係一樣。
今次我見到唔係上次個門口就入去，老公立即叫住，好在佢叫住，呢個門口係食鐵板燒，再行去大街個門口先對。
ビーワワソ：￥800 (未稅)
我同小王子share食，點知只係食左少少，唔係我就叫咖哩，呢到出名係咖哩，我見人人個碟都清晒，下次要食咖哩。
燒肉定食：￥1500 (未稅)
食完又返去心齋橋行，之前Daiso係橋尾，而家中間位置都有間，樓下係藥妝。
去完Daiso又落樓下藥妝掃貨先。
沒有留言:
發佈留言