京阪神 Day 5@2019

Day 5：木津市場→黑門市場→京都鐵道博物館

之前做資料搜集，木津市場要早去，有啲話8點幾，又有啲話9點幾，就冇野食又關晒門，我見木津開5點，所以我就plan左6點半出門口。

我6點就出門口，滿心期待去到，換來失望，6點半前到，都唔係網上咁講，魚生剌身都冇，可能早啫，行下又坐下等下。

我等到8點幾情況都一樣，乜都冇得食，門口有食市，但老公覺得貴，所以冇食。

只係買左少少生果就走，我仲去左網話好好人果間，但老闆都不是傳聞中咁好，都冇招乎，望都冇望，我買完生果就走，而且生果得2-3款，生果檔又唔多。

我和老公因為此事嘈左一場，因為佢埋怨咁早起身和出門口，都冇野食，咁我都係網上資料搜集啫！

*********************************************************************************

今日又係要抱阿仔出門口，坐一個地鐵站就到，去到有啲店開左，有啲就執緊野。

木津地方卸売市場

地址：〒556-0012　大阪市浪速区敷津東2丁目2-8

營業時間：0500 - 1300 (星期日、三休息)

車程 (2分鐘)：なんば (地下鐵御堂筋線)→大国町 (M21)6號出口

見未開齊又行下，木洋唯一一個超市，入面啲野都係商業用的size，見都係飲食業入貨，好多野賣。

捱到8點幾啲舖頭都係咁上下，就去買少少生果就走。

最後都係去不是行筐之列既黑門市場，點解唔去？因為網上啲人話掠水、服務態度唔好‧‧‧‧‧。

我去到覺得又唔係丫！不是網上咁講，所以好多野都要親身去過先知。

行晒成個黑門，最後老公揀呢間買。

我地買返酒店食，炸雞就係隔離檔，全部都好食。

我係呢間買到我鍾意食既零食，不過，款式少，以前通街都係，而家就好難搵，香港貴好少買。

越智本舖：這間舖可以即時退稅，而且有個店員懂國語。

老公入去買佢至愛元貝，佢見到可以退稅，買左2款。

我搵返上次來幫襯過的店，老闆一家都好好人。

今次來都未佢開緊檔，都招呼我。

我食左2隻唔同品種海膽和一隻生蠔，即開緊係鮮甜喇！

行返去酒店，順便去郵局買紙箱，仲要睇下有冇龍貓產品。

龍貓袋，一個自己，另外2個幫朋友買，小王子見到又話要，最後說左佢買個噹噹，郵局職員仲送左2張貼紙比佢。

擺低野係酒店又要立即出發去京都鐵道博物館。

京都鐵道博物館

地址：〒600-8835 京都府京都市下京区観喜寺町

營業時間：1000 - 1730  (1700停止入館) (週三休館)

車程 (1小時18分鐘)：近鐵日本橋(近鐵難波‧奈良線快速急行：近鐵奈良行)→大和西大寺(近鐵京都線急：京都行)→京都

落左地鐵去到巴士站唔知邊到搭車，去問左個職員，佢話呢到係搭高速巴士，我見到另一邊有詢問處就走過去問，佢叫我地去B3搭車。

今日搭205號巴士，有幾架巴士都經，我係〝梅小路公園前〞落車，一直行見到呢架火車，就對。

這個網有京都巴士站的平面圖：人氣少年都部落格

火車望去右邊就見到入口，今日有人來拍攝。

要去自動售賣機購票，會有個職員企係到，佢會協助你。

入到去就見到火車，行左一陣。

肚餓喇！火車月台餐廳的兒童俟當冇晒，所以就選擇上2樓餐廳。


自助售票機買，然後去交單，就會比部機你，響就去取餐。我剛坐窗口位，可以睇到火車。

関西プレート (￥1000)：我緊係食我鍾意既章魚燒、炒麵和煎餅。

昔懷かしいハソバーグステーキ (￥1200)：老公緊係食牛肉漢堡。

お子様プレート (￥980)：小王子個兒童餐食左布甸、薯條和飯食剩少少，其他都係我和老公食。

食完又再行過。

麵包超人火車前留影

車廂內都好靚

週圍攪下

扇形車庫：在現存日本最古老的鋼筋混凝土結構的扇形車庫中，保存、展示有20輛蒸汽機車。

睇到就諗起〝銀河鐵道999〞

蒸氣火車Steam號：可乘坐由真正的蒸汽機車牽引的客車。車票(另收費)請在SL搭乘月台購票。

我以為要買票入場，但老公話係一個體驗是免費的。
只要你係購票攃票，然後過入閘機，出來張票會印左火車公仔。

剛才去左抽籤〝行駛模擬裝置體驗〞，3個中左2個，唔駛講都知邊2個玩。

未夠鐘去〝行駛模擬裝置體驗〞就走左去兒童園區玩下，小王子又係玩到唔肯走。

我地遲左入，當然冇補時喇！職員同小王子著左車長衫。

小王子有板有眼

 

玩完都4點幾，聽到廣播應該講距離關門時間幾多，我見到個館都冇乜人，頭先BB車爆滿，而家幾返幾架。

我地行返出去頭先落車對面坐返巴士去京都火車站，食我期待好耐晚炸豬扒晚餐。

Katsukura (かつくら 京都駅ビルTheCube店)
地址：〒600-8216 京都府京都市下京区 塩小路下ル東塩小路町901 京都駅ビルThe Cube11F 烏丸通
營業時間：1100 - 2200

小王子見我磨芝麻佢又要幫手，我同小王子一齊分享個餐，佢都鍾意食。

小王子都幫爸爸磨芝士。

時間都早，我地由京都返去心齋橋行，食飽就緊係要去食甜品喇！心齋橋有間鬆餅，

邊行邊食。

Maison de gigi

地址：〒542-0085 大阪府大阪市中央区心斎橋筋２丁目２−17

營業時間：1000 - 2200

推介：鬆餅

車程 (1小時10分鐘)：京都(近鐵京都線急行)→大和西大寺(近鐵難波‧奈良線準急：大阪難波(近鐵‧阪神線)行)→大阪難波(近鐵‧阪神線)

這間炸雞常常經過，但冇試，其實網上都有介紹過，今晚就試下。

標榜係怪味炸雞，炸完自己加醬，有好多味道醬料任加，而且有一隻真係叫怪味，我又唔覺得怪。我食既醬料都加過點雞，全部味都唔錯。

金のとりから

地址：大阪市中央区難波1-5-12

營業時間：1200 - 2230 (平日)

                    1100 - 2230 (星期六、日及假期)

推介：怪味炸雞店

今朝從黑門後門入，有間扭蛋店，佢就入左去要扭蛋，之前同佢講去日本可以扭蛋和夾公仔，當然比佢扭。

佢揀左爆旋陀螺，但扭出來得發射器，全部蛋都係黑色睇唔到裡面，再扭多次，都係得發射器，叫左小王子見到扭蛋機就睇下有冇陀螺。

我地搵食時，小王子見到有間便利店有扭蛋機，佢立即拖我過去睇，陀螺就冇，不過，有遊戲機，扭左部黃色。