阿公、阿婆分別在早2、3年前離開了，骨灰運左回鄉。
原本計劃上年北上拜祭，但因為阿爸左入院，上年阿爸都走了，所以推遲到今年。
我地會早一日上，阿媽已經包左2架車，一架由娘家出發，另一架就由我家出發。
娘家果架車多左2個人，所以我叫左娣婦和大姪仔來我家一齊出發。
今年兒童節一放工就立即趕回家，等車來接。
2架車司機沿路互通訊，所以我地係屯門市路上就遇上。
我地係深圳灣過關後，司機知道一陣會塞車，所以叫晒我地去厠所先。
我地晚上7點半香港出發，11點幾先到達酒店門口。
表妹一家在check-in時到了，她帶我地出外食晚餐，但這鐘數變了宵夜。
肥阿哥一家唔去，因為大細孖瞓左，而阿媽都唔出，順便睇瞓左既小王子。
早上係酒店食埋早餐等親戚來車我地返村，然後去拜山。
原來國內拜山仍然會燒炮仗，真係嚇親。
拜山後就拉大隊去食午飯，食完娘家全部人都回港，而我一家就留多日，住係細舅父家。
今日表妹不能來，因為要去夫家果邊拜山，所以由表弟一家來陪我。
佢地帶左我去新開不久位於東莞市既〝國貿城〞，都渣左差不多一小時車。
小王子睡了未醒，所以去左食野先。
〝鹿角巷〞每次去尖沙咀都排長龍，呢到不用排就試下先。
表娣婦話〝鹿角巷〞係國內好多假店，不論名字和杯都是一樣，大家都要留意一下。
鹿角巷
地址：東莞市鴻福東路1號民盈‧國貿中心B2-010 (地鐵鴻福路站F出口)
我想飲沙冰，太多order做唔切，又諗唔到飲咩，店員介紹〝小鹿很芒〞話人氣。
這不是我杯茶，喜歡飲奶的應該會喜歡，不過，表弟婦喜歡飲奶都唔鍾意。
老公想飲〝小鹿出抺〞，不過，小王子揀左，佢唯有轉〝小山綠茶〞，佢勁讚小王子杯好飲，不過，佢話佢杯都唔差。
黑糖可可鮮奶：$23
小鹿出抺：$23
小鹿很芒：$18
小山綠茶：$13
坐左一陣出去行下，我就週圍影下。
影完返去搵佢地，原來坐低食緊牛雜。
我食左少少又去影過，呢到有間熊本熊餐廳，出面仲有個公仔比你著上身影相。
星奈都好似係國內人氣飲品店之一
好中國風
龍舟
小朋友最期待的時刻開始，表弟去換代弊。
環遊嘉年華 Funloop land
營業時間：1000 - 2300
備註：除國家法定節假日外，未成年人禁止入內 (我估係遊戲機果邊)
店內好似日本Round 1
小王子好鍾意玩，仲玩左2次。
同爸爸一齊揸車，張櫈會郁架！
臨走到我最鍾意既環節行超市，又入貨喇！
YH永輝精緻超市 Bravo Supermarket
營業時間：0845 - 2230 (星期日 至 星期四)
0845 - 2300 (星期五 至 星期六)
小王子同表姐留倩影
晚餐就去左〝新光明市場〞掃街，一望無際都係食野檔口。
首先去中央位置搵位坐，然後去買野食，地下偏污糟，夏天來會死~係熱死。
表弟去排雞翼，表娣婦就去買其他野，我就去買雞蛋仔比小朋友食住先。
表弟婦買左好多野食回來，仲買左3打燒蠔。
我見到有老公鍾意既燒帶子，就走過去買，點知係章魚燒做法，味道都OK既。
表弟婦頭先果鍋係花白，佢以為係花甲，所以又走去買芯甲，再買多兩款海鮮。
大家都食到肚撐撐地回去，我地成11點幾先返到去。
第2日，老公可以瞓到11點幾，因為阿媽唔係到。
表弟妹諗住同我地去飲茶，我覺得冇老人家係到，老公又覺得咁多人飲茶會貴，所以就提意不如食其他野。
表妹係〝聖城〞等表弟帶我地去，這間食西餐係虎門都有分店。
我地去到表妹已經order左食物，因為表妹夫食要完走，所以佢地果啲我冇影相。
餐牌見到有西班牙海鮮飯，香港好貴，所以order這個，食物水準比得上香港，值得一去。
聖城 (常平店)
地址：常平鎮板石常黃路30號 (即天虹往南埔方向150米)
訂座電話：0769 - 89336289
客服微信：137196836
我叫左個兒童餐比小王子，我地食晒都未來，催左好多次，先來左個甜品。
等丫等~等丫等~兒童餐來了，小王子都喜歡食。
原本食完就去茶山玩，因為表弟冇食野有急事就回公司了，唔夠車，冇得去了。
食完表妹陪我去行街，表弟婦就回家去。
表妹又帶左我去超市入貨，因為尋日買唔到我好喜歡的雀巢脆脆鯊。
之後又去左樂園玩
原本搭和諧號去深圳返香港，不過就要企位，但頭先經過匯美酒店有直通車返香港，又問左尾班車1700，2-3歲都要買票，係深圳灣過關，決定坐直通巴。
環島中港通直通車可以去香港各區、九龍各區、海洋公園、迪士尼、昂平360、香港國際機場，機場條線特別假期冇，價錢係貴過和諧號，時間又耐，不過有位坐、舒服。
常平匯美酒店
地址：中國广东省东莞市常平镇中元路9号 邮政编码: 511700
