Oh！林匹克運動會@樂富

今日復活節假最後一日，就玩激啲、玩激啲。

之前見樂富商場有活動既活動，可以比小王子放電，心思思想去，但日日都有約，趁最後最後一日就去同佢玩下。

我地10點鬆啲就去到，去左Reception問，然後去商場消費$200就去換左條手帶，可以儲分換禮物，另外比按金$20就換2條藍色手帶，就冇得儲分，全部手帶都係玩遊戲一次，~Let's go！

嘩~今日都好熱下，係到玩真係人都溶。

遊戲分A、B、C區，以以下就係A區項目。

Oh!Clap摩打手：1分鐘時間，用雙手不停拍打。

Oh!Step Up極速跑：一分鐘睇下你跑左幾多步，小王子玩左3次最勁都係第一次156步，之後食完飯再來跑多2次，比早上成績好，全日跑左5次，最好成績係162步。

小王子電兔稱號是名符實的。

Oh!My Legs單車賽：我同老公鬥左一場，佑唔到我比佢多2幾公里，食完飯又踩多次腳仔都軟，小王子仲叫我踩，我真係投降了。

Oh! Snap繩網陣：這個小朋友玩最好，小王子攞到滿分300分。

Oh!Shoot投籃王：又係一分鐘係指定位置順序入籃，小王子玩得好開心。

這項目規則有點怪，因為你有幾多條手帶就可以一次過玩晒咁多次，雖然我地有3條手帶，但係就玩2次算。

食完飯再來玩，條龍長到，但小王子要玩，老公唯有去排隊，有咁既規則就緊係長龍喇！

Oh!My Body 訓練站：這個少人玩，所以唔駛排隊。我負責牆果part，小王子就負責地下，不過，好難睇到著燈。

我地玩晒就去B區玩

我地去到B區唔見有得玩，個場又士空，見到有個人坐左係檯就問下先，佢話都係第一日返工，同埋呢到2點先開始，咁我地就去食個lunch先。

食完回來就開左檔喇！但都係唔玩地壺、合球、旋風球、旱地冰球，就問下人，佢話果啲已經完左喇！而家得返呢啲，小王子都話要玩。

柔力球：小王子好鍾意玩，仲贏左小禮物，佢連我和老公既Quota都用埋。

小王子揀小禮物時，一份係鎮痛鬆弛按摩油，另一份係女性減肥食品，佢二話不說就拎左減肥產品，佢話驚我個肚會肥到爆肚，真係被佢笑死，最後2份都送晒比我地。

木棋：都幾好玩，小王子同我各玩一次都贏到禮物。

我地返去Reception換禮物和還手帶，返到去禮物得返收納箱，其他就係B區的禮物。

小王子話要再去A區玩，又租多2條手帶去玩。

臨走要去冠軍位影下相先