南乳雞翼 (內附食譜)

前日小王子出院就去買定星期做節既野，由於雞翼用南乳醃左幾日，我又冇擺冰箱，所以家人話咸左啲。

之前介紹左細老用韓國氣炸鍋，所以今次就用氣炸鍋整。

呢個食譜好多年前網上搵到，每次BBQ如要自己醃野食都會用它。

大家整既就唔好醃咁耐。

南乳雞翼

材料：

雞中翼                     1KG

醃料：

南乳                          一件

砂糖                          2湯匙

生抽                          1湯匙

紹興酒                     40ml

麻油                          1茶匙

鹽                               半茶匙

蠔油                          1湯匙

做法：

1.       雞翼洗淨，瀝去水份，放入袋中。

2.       將全部醃料拌勻加入雞翼中。

3.       並擠出袋中的空氣，盡量令食物袋呈真空狀態 (令雞翼在加壓後均勻地吸收醃料)。

4.       把袋口打結放置在冰箱中醃製一日。

5.       雞翼皮向下，用200度氣炸8分鐘。

6.       返轉200度氣炸5-10分鐘。