食‧玩@長洲

今日是為了小王子尋日(19號)開始一連4日學校做評估，中場休息同佢出去玩玩，放鬆一下。

可惜17號收到學校電子通告，由於學校2年級其中一班有4個證實患上上呼吸道感染，所以18號開始停課最少7日，尋日(19號)開始又用Zoom上課，而評估要延期。

我地一早Plan好去長洲，因為我想去搵食，估唔到係小王子要話要去長洲沙灘玩沙。

我好出奇佢唔喜歡去沙灘為何主動話要去呢？哦！原來有次佢同我傾計，佢得知沙灘上是沒有蟹的，佢一直係怕有蟹鉗佢，小孩真天真。

今次我搵新野食，但因為好肚餓，我地落船就去食大大魚蛋先，跟住就去食芒果糯米糍。

芒果糯米糍的芒果有好多根，但小王子食食下有昆蟲係芒果到，我就拎回去同店員說，佢換過一個新的給我。

魚蛋和芒果糯米糍，之前我都介紹過，想知係邊就睇返之前的貼就可以。

其實，落船我想去買左平安包食先，但這間是第一次來要搵，太肚餓唯有食左識去的先。

這間之前有住長洲的同事買過比我，食過後覺得好過另一間，所以今日來幫襯。

我買住一個食先，本想買多幾隻回家吃，老公話而家天氣熱走的時間再回來買，但我怕到時玩到攰唔想行，老公咁講我緊係聽佢喇！我仲問左店員晚上7點關門。

郭錦記餅店

地址：長洲北社街46號舖

營業時間：0600 - 1900

頭先食完大大魚蛋就諗住去買野飲，但行左成條街都唔見，食完芒果糯米糍和平安包，再由尾行返去再搵，終於搵到，頭先係經過過，當時我望左邊，但間舖係我右邊。

小王子緊係揀芒果味喇！杯野好飲，除了乳酪味，我仲飲到有黑糯米。

長洲角酪

地址：長洲新興街78號地舖

營業時間：12:30 - 2200 (星期一至六) 1100 - 2000 (星期日)

跟住就要去食正餐喇！

我地去到都滿座，同店員講人數再取籌號。有人離座，但要坐店外，今日好熱，都係再等下。

熾工房

地址：長洲建新里9號地舖

營業時間：1200 - 2100 (星期四休息)

老公叫左個〝經典磨菇飯套餐〞$52，佢好滿意，好香菇味，伴單骨炸雞翼，小王子都好like。

我就緊係食炸雞喇！滋味脆雞套餐$52，好味、Juicy，好多肉汁流出。

醫飽肚就出發去沙灘玩。

小王子去裝水都好怕，之後試多左就大膽左。

玩玩下又走去執石仔。

見無聊，未影過一家三口對腳，我對腳今年1月仆街，對膝頭哥啲拿都未退。

頭先經過太飽食唔落，而家玩完就要食喇！每次入嚟都要食。

老公話入來就要買返張六合彩，平時唔買的我都幫襯左。

長洲馬會都好靚下啵！

老公話食多次大大魚蛋，平時食開間已打洋，咁就幫襯另一間，老公話橫掂間間都一樣，食落真係一樣啵！價錢都一樣。

我返去〝郭錦記餅店〞買平安包回家，點知就買左好多野，咁多野都係$59。

我問店員可唔可以擺係櫃枱影相，佢話可以，仲可以入去影添！店員態度比另外點Nice。

我買左：摩囉酥、平安包(麻蓉) 2個，摩囉酥有雞仔餅味，同我食開有點不同，平安包好食。

老公：老婆餅、椰撻、光酥餅，光酥餅甜，其餘2樣唔好食。

小王子：大蛋糕，好甜好味道。

我影相時有個人來買班蘭蛋糕，咁大舊都係$8，我諗一陣都係返轉頭買。

班蘭蛋糕唔太甜，有椰子味。

臨走都要食杯麥當勞珍珠奶茶雪糕。

好耐冇睇夜景~好靚！