超鬆軟美式鬆餅 (內附食譜)

小王子成日都話要食麥當勞熱香餅做早餐，我好早起左身，但咁早有時都唔想落街。 

尋日我就整好左個粉漿，因為這個粉粉要雪16-24小時。

起初煎2塊都唔得，啲顏色太淺，後來掌握到啲。

小王子食左話好食，仲話要食。

整後心得：

• Pan不用掃油。
• 我試過用1分15秒或1分30秒去煎，煎出來的顏色都不同，自己要當心留意。

小王子唔識用刀叉，所以我就整左個漢堡包型比佢拎住食。

超鬆軟美式鬆餅

食譜來自：https://www.facebook.com/bakelovejoy/posts/211805446969957

材料：此食譜可製作直徑約9cm鬆餅4塊

雞蛋                    1隻

砂糖                    20g-30g

低脂鮮奶            110ml

低筋麵粉            100g

速酵                    1/4tsp(約0.75g)

植物油                10g

 

做法：

1.     將粉類過篩。

2.     用手動打蛋器將雞蛋、砂糖、低脂鮮奶混合，攪拌均勻。

3.     用手動打蛋器加入低筋麵粉及速酵，攪拌均勻。

4.     將麵糊過篩。

5.     最後加入植物油拌勻。

6.     將整份麵糊放置室溫半小時(天氣熱)，若天氣凍，一小時。

7.     然後將整份麵糊放置入雪櫃(蔬菜格位置)作低溫發酵，約16-24小時。

8.     用時，從雪櫃取出，回溫片刻便可以便用。

9.     預備已燒熱的平底鑊，調至小火，掃油。

10.  把適量麵糊倒入平底鑊，見麵糊開始出現小孔，可以反轉煎另一邊(每邊約煎1 分30秒)

11.  最後配上自己喜歡的醬料。

溫馨提示：

·         三腳貓認為用低筋麵粉製作美式鬆餅最為適合，若想健康一點，可選用全麥糕點粉(whole wheat pastry flour)

·         所有粉類必須過篩

·         糖的份量雖然可以自行加減，不過配方來的份量係絕對不會過甜。

·         用白糖、黃糖均可以，份量冇需要改變。

·         所有材料必需是室溫狀態。

·         此配方選用酵母粉，所以必須要經過長時間的發酵，若想快速的話，便要選擇使用泡打粉的配方。

·         煎鬆餅的時候，只需要在平底鑊上薄薄掃上少許食油便以足夠，如上鬆餅更香的話，可以用牛油代替。

·         鮮奶方面，亦可以全脂/脫脂鮮奶，或可以用植物奶代替。

·         菜油/植物油方面，不適宜用花生油或初榨橄欖油。

·         麵糊不宜放置在雪櫃裏太多天，存放都兩、三都可以。

·         此配方屬低溫發酵，三腳貓並未試過將麵糊直接使用。

·         每次取出麵糊前，都應該把麵糊攪拌一下。

·         食譜內煎鬆餅的時間只作參考。

·         如想將鬆餅變成可可味、綠茶味，可加入1-2 tbsp 的無糖可可粉或綠茶粉。

·         品嚐鬆餅時，可配上牛油、蜂蜜、雪糕、忌廉、新鮮水果、朱古力醬......最後還可灑上糖霜。(無需要防潮糖霜)