Day 2：壹方城→歡樂港灣→深圳北站
尋晚開始住在朋友家，而且今日開始仲有朋友載我地去目的地，大家一齊去玩。
朋友知道我早起身，而且冇買早餐，所以早上佢就order左美團送早餐來，真貼心。
朋友飲啡，所以佢又用機整多杯比我，仲有好多口味選擇添啵！
朋友上海出trip係機場見到立即買左比小王子，原來白兔糖係上海特產。
小王子真懂得享受，他不是睡了，而是在享受被風吹的感覺，每次一上車手就放在開窗的按鈕上，一出停車場就開窗，此舉真係笑死我地幾個大人。
今日午餐的地方在2019年(深圳之旅2019@Day 3)已來過了，我覺得意和食物水準可媲美香港，所以再來吃。
門口有隻人扮的大黃蜂，只要同佢影相，再分享到小紅書就可以有一次扭蛋機會，但我唔知禮物係咩，因為我冇小紅書。
原來朋友都冇來過，咁就啱，現在嚐嚐吧！
有些食物是從軌道運輸送餐，但有些就是人手，朋友話咁樣有點失敗，應該設計到全都是從軌道送餐，如果是這樣有些食物就會取消，因軌道送餐會危險。
不過，大家對食物都滿意。
失重餐廳 Spacelab
地址：壹方城北區1層餐吧街第一家 (宝安中心站 F出口)
營業時間：周六-周日：11:00 - 22:00、周一-周五：10:00 - 22:30
藜麥酸奶藍莓沙拉 (CNY65)
炙烤牛肉配番茄意麵 (微辣，非軌道運輸) (CNY118)
迷你雙堡 (CNY66)：一睇造型就知係小王子點的。
小王子好鍾意食，但食唔晒。
失重燒烤大漢堡 (CNY88)
失重岩火烤牛牛背排 (非軌道運輸) (CNY188)
大家都對這個讚，真係美味，肉質嫩，肉一咬就甩，而且醬汁都好味。
我地食完lunch又去位於壹方城購物中心B2層的美食廣場，因為我有野食想試。
其實，美食廣場最後的地方就是地鐵站出口了。
老公鍾意椰子產品，所以就去〝椰够够Yellcoco〞等老公買野飲，但呢間搵左好耐先搵到。
滿杯椰子凍 (CNY20)：要左少冰，味道冇咩特別。
地址：壹方城購物中心B2層美食廣場內(近寶安中心地鐵站F出口)
營業時間：1000 - 2200
係我影緊杯飲品既時候，朋友去左呢到買章魚小丸子，我冇食，因為我有另一樣野要食。
阪枝屋‧燒煮
地址：壹方城購物中心北區負2層073C(近寶安中心地鐵站F出口)
營業時間：1000 - 2200
我好鍾意食冬甩，想試多幾款，但冇人食，所以就買左一款試。
草莓芝士甜甜圈 (CNY16)：芝士醬好味，唔膩，麵包軟綿綿。
高圈圈甜甜圈
地址：壹方城購物中心B2層B2-071D號(近寶安中心地鐵站F出口)
營業時間：1000 - 2200
食完又去飲野，去近排好紅的〝阿嬤手作〞，網上話好多人買，所以你用餐前買定，食完飯就可以返去拎，好在朋友可以係手機下單，咁就唔駛等咁耐，行去等左一陣就有了。
我唔知朋友揀左咩，而小王子就揀左〝丑柑不知火〞，我去大眾點評睇，原來這個是新品。
丑柑不知火 (CNY29)
阿嬤手作
地址：壹方城購物中心B1
營業時間：1000 - 2100
我就覺得一般喇！但小王子就好鍾意。
到了小王子期待已久燒錢的地方〝星際傳奇〞，我地2019年來過做左會員，但現在實體卡沒用了，要在微信的小程式內下載app做會員，卡內的積分仍然存在，店員幫忙轉左去app內。
來到都要玩Mine Craft，呢個緊係爸爸同佢玩喇！
星際傳奇
地址：壹方城購物中心北區3層006
營業時間：1000 - 2200 (Mon - Thu, Sun)、1000 - 2230 (Fri - Sat)
一見到Mario Kart就要玩。
玩完去超市行下，呢間都唔平。
〝簡愛〞有Promoter係到有得試飲，酸奶我想試好耐，小王子試左都鍾意，所以買左一盒。
一盒有6包，100ml一包，量係少，仲要CNY58.2。
剛才係〝星際傳奇〞與朋友們分開了，話晒係小朋友玩意，我地行完超市就再會合。
朋友話貴，我都覺得貴，小王子鍾意，而且香港冇~就買了。
Ole'
地址：壹方城購物中心B2-030
營業時間：1000 - 2200 (Mon - Thu, Sun)、1000 - 2230 (Fri - Sat)
下站去〝歡樂港灣〞
這個三文治我好想試，其實，我個人係未試過既都想試，去到見到隔離檔係雞蛋仔又想試，但佢地唔食，咁下次先試。
這裡是餐車，所以沒有用餐位置，不過，係公眾地方有露營枱和椅供人用。
本想食菲力牛扒，但用晒材料，所以買左牛肉芝士古巴三文治。
雖然，大家都飽都陪我食，但老公同事唔食，咁我就唔客氣食2件先。
有牛肉味，唔鞋，所以大家都話菲力牛扒應該會仲好味。
牛肉芝士古巴三文治 (CNY29)
叁文治‧不合理三明治
地址：歡樂港灣西岸內天幕廣場滴咖城市營地15號木屋餐車
營業時間：1200 - 2000
點解小王子咁既樣？咪因為唔準佢去玩住，我要食三文治先，所以嬲嬲豬。
嘩~呢到好多人，個個小朋友都玩得好開心，我都由小王子自己去玩。
小王子放電，朋友佢地又自己周圍行，之後電聯集合。
歡樂港灣童樂園
地址：寶興路歡樂港灣內 (地鐵：临海站 A1出口)
營業時間：1000 - 1900
鞦韆，每位玩既小朋友都唔肯走，家長又冇理，所以排左好耐，排排下落微微雨，好在一陣又唔晒開傘。
小王子玩左一陣我就叫佢玩多2分鐘就要走，我地自己會自律。
開得好開心
見到有好多高爾夫球車，我地都想坐，因為行到好攰了，但朋友又唔係到唔識攪，唯有繼續行。
歡樂港灣童樂園原來屬於〝商業西岸〞，而家我地行緊去〝灣區之光〞即是摩天輪是屬於〝商業東岸〞。
草地夜晚會開燈，好靚。
呢個我覺得好似〝食蟻獸〞，咪影下囉！
終於到左〝灣區之光〞，來自己係網睇見票貴，所以冇去坐。
我影完回來見到佢地係棉花糖機到，原來老公同事想食，咁就益左小王子喇！
我地食左少少，其他都落晒小王子個肚到了。
歡樂港灣商場
我plan左食日式，好攰，眼前見到就食它。
樣樣都好食，係有點辣，小王子食得唔多，但沙爹雞肉串就食左2串。
泰式蝦餅不是平時食開果款，都好食，但就鍾意平時炸果隻。
走的時候送左一袋零食比小朋友，朋友話呢到好多地方都係咁架！
菠蘿海鮮炒飯 (CNY98)
沙爹雞肉串 (CNY42)
香料炒豬肉生菜包 (CNY78)
NAYA泰式蝦餅 (CNY68)
玉米笋炒牛柳 (CNY68)
冬陰功湯 (2-3人份) (CNY78)
NAYA‧亞洲泰菜
地址：歡樂港灣東區2樓L2-024A號鋪
營業時間：1200 - 2300
餐廳出口位置已坐滿，所以坐左裡面，都睇到少少摩天輪。
食完出去影下摩天輪，我睇Youtuber話邊食邊睇境最好的食肆係KFC。
鍾書閣又係打卡熱點，我係門口影相就算，因為裡面人多。
我揀呢間除左因為老公之外，係大眾點評睇到網友推薦Top 2係雪糕。
入到店餐牌唔見有雪糕，朋友幫忙問店員，以前是有，但現在沒有售賣雪糕了。
我揀了網友推薦Top 1的〝馬蹄爆珠電椰水〞，但覺得一般。
馬蹄爆珠電椰水 (CNY28)
Allcoconut 蔻蔻椰
地址：歡樂港灣東岸1樓1L-036號鋪
營業時間：1000 - 2200
雖然一般，有得飲就滿足。
明天早餐去〝松小貝糕點〞買，搵左一陣都搵唔到，我就叫佢地係〝御蝶坊〞等我，我自己一個行去前面搵，因怕佢地攰和白行。
我行到入去前面地下街，應該差不多行到地鐵站見到有商場服務台，咁問一下先。
服務員話〝松小貝糕點〞就在前面少少位置，但現在裝修中。
我轉身見到老公，佢怕我一個人，所以入來搵我。
明天早餐就係〝御蝶坊〞買，呢間都好多人排隊。
有啲係明天早餐，有啲係今晚宵夜。
海鹽芝士泡芙、松松小貝、芒果空氣蛋糕都係宵夜，不過，小貝我就留明天吃，因為太夜唔食咁多去得咁盡。
芒果空氣蛋糕 (CNY13.5)
海鹽芝士泡芙 (CNY19)
奧巧小吐司 (CNY7.8)
松松小貝 (CNY15.8)
芝士貝果~芝士餡 (CNY9.8)
芝士香腸麵包 (CNY10.9)
星期二，已經開始鼻發炎，食左成藥都唔得。
今晚朋友帶我去佢小區買涼茶飲，希望有效喇！
沒有留言:
發佈留言