Day 5：卓悅Intown→卓悅中心→領展中心城→酒店
臨上來半個月到，係大眾點評搵到〝Meland〞帶小王子去玩去慶祝兒童節，但搵唔到邊到可以預約，而且只有AlipayHK應該不能付款，所以我就搵朋友幫手攪掂了。
由於係朋友家遲出發，因有點不捨，令到之後的節目都推遲了。
原本〝Meland〞book左就可以由開店玩到關門，但我地5點幾先到。
訂酒店有點猶豫：
酒店係hotels.com訂，揀好左就睇下位置方便嗎？一點也不便，而且地址又不詳細，沒有街道名，但有郵區編號。
於是我去高德地圖、百度地圖和Google map睇下，用酒店名search地點方便，又近地鐵站，不過，Google map的酒店名就有少少出入。
於是我係網上搵相對比，又再睇地圖，我諗國內應該信高德和百度，老公叫我訂左先。
*****************************************************************
今日要離開朋友溫暖的家係酒店住一晚，然後明天要回港了。
朋友我地行李多，而且今日佢WFH，所以佢決定車我地去酒店，真係鍋心。
我地12點幾到立即check-in，訂房時special request寫左老公生日想早點check-in，唔知關唔關事，矛錯過幾日就係老公生日了。
上到房都已經約1：45分，房間大小適中，乾淨。
平時唔熨衫，今次想熨，點知衣櫃係冇熨斗的。
床頭旁邊的枱側板可拉出變大一點，而左邊枱下仲有支緊急電筒。
浴室沖涼地方有企和浴缸，我選呢間最主要係有浴缸，因小王子好鍾意浴缸。
沖涼、護膚用品都是〝Borghese〞。
一早講左回來晚上先浸，但小王子又唔肯，入到房老公就忙於清洗浴缸。
由於我開始肚餓，小王子冇浸浴就出發，浪費晒啲時間，一個地方都未去。
行出酒店就跟地圖係連成地下街A3出口落去，右手邊就係地鐵〝購物公園站B出口〞，而我地要行左邊去〝卓悅Intown〞。
我餓到手都震，因為我唔餓得架！係地下街邊行邊搵野食頂住肚先，買呢個包已經差不多3點了。
我地由地下街一端行到另一端，差少少行晒，真係好攰，然後上地面，對面馬路就是〝卓悅中心〞，但我地要去〝卓悅Intown〞繼續行，冇任何指示，於是問人。
終於搵到了，對面馬路就是，但中間冇得過，過對面係兩邊的盡處，其實係有點隔涉。
卓悅Intown位於地鐵崗廈站D出口，不過我地係行過來，所以見到相中的女人銅像就對了。
來這裡的目的只有一個就是食茅台雪糕，這間仲係旗艦店添！
其實，你見到女人銅像行入去商場就見到，係地下的，商場洗手間也在附近，好乾淨。
店員問食咩？冇餐牌真係唔知，但佢見我地有小朋友就推薦親子餐。
一杯係茅苔冰淇淋香草口味，另一杯係開心果味。
茅台整左雪糕後酒精含量只3度，小王子食左都話冇酒味，而我就覺得似食冧酒提子雪糕。
茅台冰淇淋
地址：卓悅Intown微醺廣場一層136&137-1382(奈雪旁)
營業時間：1000 - 2200
小王子食得好開心丫！
跟住去〝卓悅中心〞醫肚，剛才見過，所以識路了。
它分了東、南、西、北區，今日去東區，地鐵〝崗廈站〞B出口就對。
原本食〝南京大排檔〞，但已經落場了，要到5點幾先再開，當時係已過左3點半，所以要留意應該3點幾就唔好揀佢喇！
最後揀左〝陶陶居酒家〞，食點心我唔想揀它，因為點心香港都有得食，但佢有位，而且攰又餓唔想再行，成4點先食lunch。
好在冇揀錯，腌尖老公都讚。
陶陶居酒家
地址：卓悅中心東區二樓
營業時間：1000 - 1630、1700 - 2130
陶陶居蝦餃 (CNY35)：大粒，蝦彈牙，老公讚。
百搭醬皇蒸鳳爪 (CNY32)：醬真係好味，老公話鳳爪唔夠淋，我覺得夠，因為佢唔係香港果啲淋到好軟，但都淋，入味。
古法欖仁馬拉糕 (CNY26)：我和老公只食左一啖仔咋！
你睇，佢大啖大啖咁食，一個人食左9成9了。
酥皮水牛幻菠蘿包 (CNY35)：我唔知裡面有水牛奶餡，因為唔係我叫，我唔飲奶水牛奶倒晒，其實，個包係好食，兩父子都好鍾意食。
香煎蘿蔔糕 (CNY26)：我唔喜歡街外的蘿蔔糕，因為粉多，雖然這裡也是，但我出奇地覺得好食，一舊接一舊。
煎得微微焦脆，咁既形狀都唔係硬實，都軟軟地身。
脆脆芒果鮮蝦卷 (CNY32)：小王子點，食左一啖就唔食，我都覺得麻麻地，我一個人食左2/3碟。
食飽就去放電了，行地面去，係〝皇庭廣場〞外面見到，幾靚。
我地由6號出口落返去地下街。
終於去放電喇！小王子全日不停催我地來，但搵都搵左好耐，行晒L1層幾次都搵唔到東大門係邊。
原來係自己眼細睇唔到，〝Meland〞係東門外圍。
入門口左邊有鞋櫃，旁邊有Locker，全都是免費的，然後職員幫忙戴上手帶就可以自己出入，職員有提醒場內沒有厠所，要使用商場內的。
入閘後就有條滑梯，sir落波波池，小王子自行去放電了。
Meland
地址：領展中心城L1層RUG064A號商舖 (東大門外)
營業時間：1000 - 1800 (Mon)、1000 - 2100 (Tue - Sun)
入去是超市形式，亦有crossplay服和道具。
這間是化妝、扮靚地方。
由這入就是玩呢啲野，當我影紅色滑梯時，看守這裡職員話唔可以影相，但可以影自己既小朋友。
我好鍾意個天花板，好靚、多星星，好似太空。
我地都夜，所以都冇走去搵職員問。
呢個項目放電最正，我問過職員家長唔可以玩，但可以偷偷地玩幾下，雖想玩，但冇玩，唔想為難職員。
波波池
沙池，腳踩落木粒到好痛。
現在去醫肚先，本想去〝堂本家〞食炸豬扒，領展中心城網頁仲有，前2日朋友幫我check美團沒有顯示，實地考察是已經冇左了。
外婆家要等位，都人多，所以擺放左水、糖和餅乾供等緊既人享用。
外婆家
地址：領展中心城L1026 (L1層 中庭位置)
營業時間：1100 - 1430、1630 - 2100
蒜蓉粉絲蝦 (CNY48)：蝦新鮮、彈，粉絲底就唔駛講，粉絲好食，小王子平時唔食粉絲都爭住食。
外婆小炒 (CNY28)：好好食，有鑊氣又有味。
外婆小牛肉 (CNY48)：牛肉腍、薯仔好好味，薯仔我差不多食晒。
糖醋里脊 (CNY28)：一致覺得麻麻，而且叫多左呢碟食唔晒。
麵包新秀 (CNY39)：呢個我必叫，因為我鍾意食呢啲野。老公麻麻，小王子又食到飽，又係差不多我一個人食。
大合照
估唔到呢到都幫哥哥攪左個紀念展，我就周圍影下相先。
二十年‧光影流轉追憶張國榮特別紀念展
地址：領展中心城G層中庭
睇完去領展中心城的家樂福，落到去收銀話關門了，但語氣唔多好，唯有走人，我都見有本地人落去，當時未到9:30，連當地人都唔知關門時間。
網上睇話呢間管理不善，欠suppier錢，話就結業。
到買早餐既時間了，我唔鍾意呢間想睇下又被排隊啲人阻住，排隊就立即要買，冇時間諗，又怕阻住後面，因為呢間多人，店員又忙。
牛奶棒 (CNY2.98)
爆漿牛角 (CNY7.8)：總之係牛角酥我就喜歡，仲要有餡~正。
丹麥號角2個 (CNY15)：唔知幾錢一個，一個價係2個既價錢。
象山酥院
地址：皇庭國商購物廣場G-17
營業時間：1000 - 2200
返到酒店，今日另一重頭戲。
小王子成日都想買浴球係酒店浸浴玩，我買左2個，鴨仔係佢自己早已睇中的，鍾意佢識著燈。
沒有留言:
發佈留言